مالي خوات غيركم

[الجوهره70]

حبيباتي

انا من تزوجت صارلي 5 سنوات وموظفه وزوجي كان غير موظف بس بدل ايجار وسنه كان دعم عماله ومشي حاله عليه


فماكنت اطلب منه شي كنت انا اجيب اغراضي وملابس ولدي واغراضه لانه ما عنده

بس الحين الحمدالله توظف بس بخيل علي يابنات (خدامتي علي معاشها عيالي علي )

وكل ما كلمته يقول انتي موظفه وقعدي بالبيت واصرف عليج

وهو طبعا صعب التعامل معاه لا طيب يجيبه ولا اللعانه


والمشكله يهاوش اخته يقول ليش زوجج ما يجيبلج خدامه وهي يمشي لها دعم عماله وخاشه على زوجها وهو يدري


(يعني ترضا تاكلني ولا ترضا الرجال ياكل حلال اختك)

 

[MISS-_-FLOWER]

لان تعود على هل وضع فصعب تغيرينه الحين و اكيد اهما يرضون علينا بكل شي بس حق خواتهم لا البخل الصراحه مشكله صعب تلقينلها حل بس انا لو بيدالج اطلع من دوامي واخليه غصبن عليه يصرف علي حتى لو راح استغنى عن وايد اشياء صدقيني واذا تعبتي وايد بعدها تقدرين تردين اي وقت دوامج بس حمليه المسؤولية علشان يعرف يعرف قيمة الي سويتيله

 

[ابي قطوة]

الله يصلحه ان شاء الله

 

[حبك بلاني!]

خلي لا تصرفين علي انتي غلطانه من الاول تصرفين علي اكيد تعود ويبيج انتي تصرفين ع بيت رجاال خرب طبعه من كرمج للبيت لا تصرفين ولابيزه.... وفلوسج اصرفيهاا عليج خلي يعرف مسؤليتااا ....!

 

[قــل مـا تـشـاء]

الله يعينج هذا أخلى مسؤوليته منكم ومايصرف عليكم
تعود أن أنتي اللي تعطين وتصرفين وهو شايل يده من كل شي !
ماني عارفه وش أقول لج يعني تقولين مايجي لا باللين ولا بالشده !
طول هالسنوات عايشه معاه المفروض عرفتي كيف تتعاملين معاه ألحين

 

[اشتياق الكويت]

امسكي ايدج بالاشياء الي لاحظها او خلصي معاشج بسرعه وقعدي باقي شهر قوولي ابي فلووس مثل ما تعلم مايعطي راح يتعلم يعطي وكل ماقال وين فلوسج قولي سلفيات يوم كنت مو متوظف كنت اتسلف والحين لازم ارد لان توقعتك بتردهم انت وبس سهله وربي يوفقج ​

 

[ريمي اميري]

طيب حبوووبه ما فيها شي ... انتي وهو واااااحد ,, هو صح انتي عودتيه من الاول وهذا غلطك بس فيه كثير حريم يصرفون على بيتهم وعيااالهم وازواجهم اغنياااااااااااء ماعليهم ...
وانا اشوف كلامه فيه حق .. طلب منك تتركين الشغل وهو يصرف عليكم بس انتي مو عاجبك
بعدين نصيحه لا تقاااااااااااااارنين حياتك بحيااااااات غيرك حتى لو كانت اخته ..
اقولك من رايي بالعكسسس رحبي بهشيء وساعديه هو من نفسه راااح يستحي منك ..

 

[غـرامـي أنـت]

الله يعينك بس زوجك مايبين بعينه الطيب

 

[al-musk]

قله ذوق منه واستغلال عالآخر هذي جزاتج يعني عشانج صبرتي على وضعه

 

[أتعبني شمووخي]

وقفي صررررررررررف على البيت حتى لو ماتلقين شي بالثلاجه تاكلينه طلبي لج من المطعم لج انتي وولدج بس
لا تشترين شي للبيت حتى لو بخاطرج ولا تصلحين شي بالبيت وقولي يوم كانت ضروفك صعبه انا ماقصرت معاك والمفروض الحين ترهي علي انا وولدك الحيااااااااااااه تعاون وولدج لا تشتريين له ملابس ولا شي
كلمييييييييييه ووصلي له هالمعلومه بطريقتج لان كل وحده تعرف لزوجها
والله يهديييييييييييييييييه ويسخره لكم

 

[بدورة القمورة]

الصراحه مايستحي..

الله يعنيج ان شاءالله

 

[انا لحبيبي .]

لا اله الا الله ، لانه تعود من البدايه على الحال هاد ،

الله يهدي البال ويصلح الحال​

 

[احلى بنت بالدنيا]

اقولج نصيحة .. اخذي تفرغ اسري من الدوام سنة .. وقعدي له بالبيت وخليه ينجبر فيكم عشان يتحمل مسؤليتكم

ولاتخافين ماحد ينام من غير عشا .. حاولي تجمعين لج مبلغ على حنب الحين بدون لايدري .. وسوي الخطة اللي قلتلج عليها

وان شاء الله عقب هالسنة بيتسنع .. الله يهنيكم

 

[الغنج والدلع]

لانه تعود خلاص صعب يتغير الله يعينج

 

[ام شووووق]

اخذي اجازة وقوليله طلعت وجربي يمكن صج بيصرف عليج

 

[Miss Chanel]

الله يهديه ويعينج

 

[قوتشـي]

خلاص تعود ...


ماكو الا تشيلين ايدج من كل شي .. وخلي معاشج لج

يعني لا تعطين هالشهر الخدامه معاشها وقولي لها بابا يعطيج ولا تعبين ثلاجه ولاتقطين فلس ع البيت

ولاتقولين لزوجج نبي ونبي ونبي .. بس قولي عط الخدامه معاشها وعب ثلاجتك تراها فاضيه ولاتجادلينه

وانتي من تحت لتحت اشتري اغراضج واللي ينقصج انتي وولدج ولاتعلمينه انج شريتي

يعني ازرقي لا صار مو موجود وجيبي اغراضج ... واذا سألج عن معاشج قولي جتني وحده تبي سلف وعطيت امي تطالبني

واذا فيه احساس بيتفشل ... وشوي وشوي يصرف على بيته ويتعود

 

[زوجة عزيز]

الله يعينج والله الحال من بعضه وزيدي عليه اشوي مايبي اعيال ولاخدامه ولا يبي يحط شقه ولا يبي اشتغل وشايب والله يزوله الله يعينا ويعينج ويفرجها ان شاء الله