مالي خلق النادي

[ابله حلوه]

السلام عليكم شلونكم بنات؟ والله مادري شفيني من شهر 2 اشتركت بنادي فلكس وكنت وايد مستانسه بعدين قمت اكسل شوي شوي ماقمت احب اطلع من البيت مخصوص حج النادي :0bee2e8d89: بليييييز بنات ابي نصايحكم انا قايله خلال شهرين لازم ضعف جم كيلو بس من دشيت النادي احس زاد وزني:krkrkr: ودي اروح النادي ودي اداوم عليه شسوي عفيه شجعوني:27d66a9c24b146327bf

 

[<<لمار>>]

نفس الحالة مالى خلق النادى ومتحسفة على الفلوس الذى دفعتها معنى بكيرف ماياخذ من وقتى غير نص ساعة

 

[روح مغليهآ]

اذا انتي موظفه روحي بعد الدوام مباشرة وتلاقين زحمه اغلب البنات يسون جذي لان لو رديتي البيت يبرد جسمج وتتكيسلين

 

[د-سوسه]

اشتري سيديات وسوي بالبيت واخذي قرارج لا للكسل
لان صراحه مع الزحمه ماتسوا الطلعه مخصوص حق النادي وعقب الدوام عباله

 

[CuTe_Q8]

حالتج مثلي انا سجلت باول 7 بفلكس .. رحت يوم واحد وتكيسلت مع اني كنت وايد متشجعه

الحين مادري شفيني مع ان جنطة النادي زاهبه وبالسياره بس اني اروح .. :/

 

[Japanese]

انا اقول تشوفين لج وحده تروح معاج !!

او تراجعين حساباتج ،، انتي دافعه فلوس للنادي حرام ماتروحين خخ

ولا تاخذين لج ديفيديات رياضه وتسوين بالبيت << انا سوي جي

بس بعد ماخلص اروح بعد النادي للتريدميل والكرووس

وموفقه

 

[ابله حلوه]

مشكورين بنات على ردودكم لي / انزين بنات منو مشتركه بنادي فلكس تشجعني هناك على قولة الاخت japanese ؟

 

[CuTe_Q8]

انا بفلكس :/

بس باجر بروح اوقف اسبوع .. على ماتتحسن النفسيه وارد

 

[fromkuwait1]

ويييييه آنا عبالي هالحاله بس عندي !!!!!!
والحين آنا قاعدة أحاول أستمر ( وما أخق ) إنشالله كلنا انكمل ونضعف قد اللي نبيه

 

[غروري شئ ضروري]

شوفي حياتي انا الصراحه تعرفت لي بالنادي على وحدهـ وحبيتها موووت والصراحهـ اتضايق لما تغيب
وصرت اموووت على الدوام علشلن اسولف معاها واكلمها,,,..
اتمنى اني اكون ساعدتج

 

[ام بنتها]

نفس الحاله و زدت 10 كيلو من اشتركت بالنادي المنحوس بيخلص اشتراكي السبت انا مشتركه سنه كل روحاتي يمكن 40 يوم بس