مالي الاالله ثم انتم

[شجون قصيمية]

اهلين خواتي كويتيات انا اختكم من السعودية :balo:



ترددت كثير قبل مااكتب لكم لان حدي محتارة وطفشت من جلسة البيت لادراسة ولازواج ولايحزنون

انا بصراحة ادمنت ع هالمنتدى اللي يهبل وجذبني فية اشياء كثيرة وشفت تعاملكم اذا الوحدة تبي مساعدة منكم ماتترددون لحظة

انا فبالي مشروووووووووع صغيرودي اقولة لكم وتساعدوني ترفعون من معنوياتي وتشجعوني لان مافي احد يشجعني وانا

يتيمة الاب وحالتنا المادية زفت ودي اساعد امي لانها تعبت علينا.. ودي يكون لي دخل مادي

مااقدراكمل دراستي لاني اكرها ومتعقدة منها

فكرت وفكرت وفكرت وفكرت:gr4uu: وقلت يابنت ليش ماتطبخين وتبيعين اللي يطبخون ويبيعون مواحسن منك

واخلي الناس تشتري مني لاني اعرف اطبخ زين يعني مثل القرصان والحنيني والقشد يعني اكلات شعبية

وحتى الفطايروالصواني

امي تقولي اطبخي وبيعيها ع البقالات اللي عندنا وحتى لو ابيع وابي الناس تجي تشتري مني لحد البيت كيف الطريقة ؟؟

معليش خواتي اعذروني كلامي ملخبط مرة بس صدقوني محتاجة توقفون معي وتساعدوني بكلامكم واكون شاكرة لكم

ولكم دعوة صادقة من قلبي لكم:yaaaaaarb:

 

[منيرة خالد]

اختي واضح من كلامج ونكج انج سعودية من القصيم

مشروع حلو والله يوفقج

بالمنتدى في كثير من الوصفات لحلو القهوة >>> واهو اكثر شي يمشي عند الحريم

وحتى الفطاير فيه بتلقين المنتدى الكثير من الخلطات العجيبة والغريبة

وكل ما نوعتي بالطبخ وشي مو متوفر الناس تقبل عليج

خلي اول بدايتج مع الجيران والصديقات والاهل وطلبي منهم يسون لج دعاية

وطبعي ورقة كتبي الوصفات اللي تسوينها مع السعر ووزعيها على الاهل والجيران والصديقات وعطيهم كمية علشان يوزعون

في البداية بتلقين صعوبة بس مع الاصرار راح تحسين بالمرود المادي

اختي / سوي كل شي غريب يعني بطريقة التقديم بالوصفات علشان تكونين مميزة

وبالتوفيق >>>>>>>> صوري شغلج واعرضيه علينا خلينا نشوف ابتكاراتج

 

[ام حمود الغالي]

الله يوفقج يارب .

 

[sweet lady]

الله يوفقج يااارب

 

[سعودية!!!]

موفقة.:.:.:..

 

[Tosta]

اشتركي بالمنتدى اني كاسيدة اعمال

او حطي اعلان بالوسيط

او بروشورات على السياير بالجمعيات

 

[shurooq]

هلا حبيبتي اول شي الله يرزقج على قد نيتج ويوفقج


ويالغاليه مثل ماقالو لج

دشي المنتديات السعوديه النسائية وعرضي شغلج بالطباخ من حلويات استقبال وطبخات ومعجنات

سوي حمله اعلاميه بالمنتديات السعوديه وجربي مع صديقاتج واهلج باسعار رمزيه ليمن تبدين بالانتشار شوي شوي

والله يسهل امورج يااااااااااااااااااااااااااارب

ويرزقج

 

[LoloBlueStyle]

هلا حبيبتي اول شي الله يرزقج على قد نيتج ويوفقج


دشي المنتديات السعوديه النسائية وعرضي شغلج بالطباخ من حلويات استقبال وطبخات ومعجنات

سوي حمله اعلاميه بالمنتديات السعوديه وجربي مع صديقاتج واهلج باسعار رمزيه ليمن تبدين بالانتشار شوي شوي

والله يسهل امورج يااااااااااااااااااااااااااارب

ويرزقج

الله يوفقج يارب ويرزقج من اوسع ابوابه
انتبهي انك تقرئين المعوذات
في ناس بس شغلتها تحسد ..اذا انتي شاطره باذن الله راح تتفوقين

والدتك والاخت شروق ...افكارهم سليمه ومفيده وان شاء الله تؤتي ثمارها
والصبر زييين
بالتوفيق