ااتمنى من الله انكم تساعدوني في المشكلة اللى طحت فيها .
مادري من وين ابتدي لكن اللى اعرفه اني اكيد اخطيت بحق نفسي وبحق ناس وايد بحياتي
بسبه الشي اللي صار لكني مثل غيري طحت ضحية وربك غفور رحيم ندمت وايد ودعيت وصليت وختمت القراءن وتقربت لربي وشكيت له وبكيت وايد وتعبت وايد . .
للاسف انا التقيت بشخص المفروض انه انسان خلوق ومحترم التقيت فيه وهالانسان
كونا بينا وبين بعض علاقة غرضي فيها كان الارتباط الرسمي كوني مو صغيرة وماحب التسلية ولا اللف
والدوران مرت الايام وعرفته عدل يدرس يكمل دراسته وما يشتغل بس المفروض باقيله كورسين
ويتخرج ما استعجلت على الموضوع وقلت اوقف وياه واساعده دامه زين ومحترم واعرف
اهوا ولد منو وطريقته وياي زينة
هالانسان خذلني وبيوم من الايام صار اللى صار بينا اول كلمة قالها لي انتي بتصيرين شريكة حياتي
اللى فهمته من هالجملة انه فاهم شنو سوا وراح يصلح غلطته مرت الايام وقتله في واحد متقدم قالي انا ابيج وراح اتقدم لج عقب شهرين وكالعادة كله كلام فاضي رديت كلمته قالي دام اني ما ييت عيل ما ابي شنو غصب الارتباط ومابي زواج انا وروحي تزوجي وعيشي حياتج انا مابي الظلمج وياي قتله ليش تظلمني قتله عادي تكمل دراستك وتشتغل ونكمل حياتنا وانصدمت منه انه يقول تسوين عملية وكاني رخيصة وماني بعينه انصدمت
وطحت بالمستشفى بسبه كلامة وانكسر فيني كل شى علما اني على قدر من الجمال بشهادة الجميع وجامعيه وعمري فوق 22 سنه يعني للاسف مو صغيرة بس مافي احد معصوم من الغلط
مرت علاقتنا وانا اتحمله على امل انه يصلح الغلطة وانذليت وايد له وايد لاني مجبورة وسكت وتحملت
وبيوم من الايام بعد ما كملنا 8 شهور اكتشف انه هالانسان بدون اناهني خلاص جنه ياني طراق وعرفت بالصدفة بعد اهوا اسمة عايلتة كويتية واخوه كويتي وانا متاكدة لانه كافل خدم ومسوي معاملات عند ناس نعرفهم يعني اكيد كويتي وامه كويتية من عايلة معروفة فبتالي ما توقعت ابدا يكون اهوا مو كويتي علما اني سالته انت كويتي يرد يقول اخوي يشتغل بالمكان الفلاني ... وانا ادرس بالمكان الفلاني شنو بكون وطبعا ما عرفت الا باصدفة تفتيش ولا الاخ بدون
ما عنده اثبات ولا اوراق ولا أي شي ابد لا ليسن ولا بطاقة ولا جواز ولا أي شي
طبعا من عرفت اختي السالفة زفتني وقالت لي قطعي علاقتج فيه وانهي وياه خلاص وتهاوشت وياي ووصلت لمد ايدها علي انا من داخلي ابي اهده بس وين وانا صارلي اللي صار
ابوس ايدكم قولولي شنو اسوي ؟ شنو الحل؟ شلون اخذ حقي اللي راح ؟ شلون وشنو اسوي مالي احد غيركم
ادري بتقسون علي واني غلطانة مليون مرة وانتي تستاهلين وانتي وانتي بس هالقسم موجود عشان نوقف ويا بعض ونحاول نساعد بعض بمشاكلنا اي كانت المشكلة كبيرة ولا صغيرة وكلي امل
اني راح القا اخت تساعدني وتوقف وياي وتنصحني مو تذبحوني اكثر من اللى صارلي
كلي رجا تساعدوني وتوقفون وياي وراح اسوي كل شى تقولونه لي يحل مشكلتي.
