بقولج انا وين رحت ووين سكنت
كوالالمبور - فندق رويال شولان عجييييييييييييييييب يومين
جنتنق - فندق اوانا 3 ايام
ولا تطوفك الألعاب والتلفريك
خياااااااااااااااال
كنا نروح من الصبح نرجع الساعة 1 بالليل
وقت روحتنا كان فيه سيرك وعروض حلوة حيل استمتعنا
بينانغ
فندق بارك رويال ايهبل وايد حلو
وعلى الشاطي فيه نشاطات مثل البراشوت - الجت سكي - البنانا
الريوق وايد حلو ومنوع وتعاملهم راقي
دايما فل هالفندق
المسبح جهة البحر والحديقة
القعدة فيه ترد الروح
وسوي مساج بالكوخ اللي بره - البنت اللي هناك طيبة وتريح حييييييييييل
السبا داخل الفندق غالي ما جربته لضيق الوقت
في بينانغ :
روحي محل القهو ة والشوكولاته
الشلالاات
حديقة الفواكة
الهضبة بس حسافة مارحت لضيق الوقت
الكاميرون
يقولون حلوة وهادية بس مارحت
صن واي لاقون - قعدنا 3 ايام
الألعاب ونااااااااااسة
ولا تنسين المايوه الاسلامي مالج
سكنت في البراميد
نطلع من الفندق بره وتشوفين الألعاب تنزلين لها بسلالم كهربائية على ايدج اليمين
المدخل صاير مثل الممر طويل وعليه وظله خضرااااااااااااء
اذا راهية ولقيتي حجز بفندق الخيول اللي يطل على الألعاب لا تطوفينه
اخر رحلتنا ردينا كوالالمبور
وللأسف اخيس فندق سكنا فيه ( استانا )
لووووووووووعة وتكييف خايس بس صوت
لو رادين رويال شولان ابرك والله
لأنه جديد
طبعا الأسواق وايد في ماليزيا
اكثر شي عجبني التايمز سكوير وتر فيه فندق نفس الأسم اذا تسكنين يمه
يبيلج 3 ايام يالله تخلصينه
وفوق في صالة العاب كبيرة وبولينغ
روحي الماينز وفيه رحلة بالباص البرمائي
ورحلة ثانية قارب نص ساحة يفتر فيك بالبحيرة
وايد حلوة
مدينة الأضواء ( اي ستي )
بالليل
كلها ليتات ملونه اتهبببببببببببببببببببببل
لا تطوفك
والأحلى
فيه مكان يسمونه لوك اوف بوينت look of point
تروحين له بتاكسي وتتفقين معاه ينطرك
لأن هناك مافي تكاسي بهالمكان
روحي العصر وشوفي منظر كوالمبور
والشمس عند الغروب
وفيه اكثر من مطعك للعشا هناك
شي شي
احنا اخترنا ذا هفن
ذوقي الربيان المشوي عنده
اطباقه وايد حلوة واسعاره معتدلة
اذا ذكرت شي بعد بقولج
