ماليزيا وحوستي عسى الله مايردلك دعوه ياللي تساعديني

[مسكنهم روحي]

مساكم الله بالخير
ليا كم يوم وانا حاسه راسي يقربع من كثر ماادور:eh_s(14):
واتبحث عن ماليزيا ويوم اطب فديره واسوي جدول واقول اخيرا خلصت الا يطلع لي موضوع وهاااااات السب وارجع اقط الورقه وتبط كبدي وارجع ادور من جديد
وصرت ماني عارفه انا وش ابي
بس عاد معند راسي وحجزت خلاص عاد جاتني قروش من شقه بعتها ونفسي اسافرها حالمه فيها من سنييييين >> بتروح فيها

عاد ابيكم تساعدوني مالي بعد الله غيركم:eh_s(22):
من المطار قلت بروح سيلانجور ويومين واروح لنكاوي وبعدها بروح بينانق وبعدبن بقضي اخر الاسبوع بكوالا بس ابعدوووووووووووووني عن شارع العرب مااتحمل الزحمه وزوجي خلقه يضيييييق من الزحام :eh_s(16):
ياليت تساعدوني بالسكن بكوالا وتعلموني وين اروح احب الطبيعه والبحر واكره الزحمه والمسخره :eh_s(2):>>اهم شئ ماتحب المسخره

 

[مسكنهم روحي]

وينكم:eh_s(22):

 

[مسكنهم روحي]

ليش بنات زعلت اول مره اطلب مساعدتكم

 

[كلي غنج22]

رررفع لعيوووونك

 

[عبيرالحب]

فية فندق رويال شولان موقعه بعد شارع العرب بشارعين وقريب حيل من مجمع البافليون
المسافة خمسة دقايق مشي لشارع العرب ومجمع البافليون. والطريق امان اذا مشيتو فية اشارة مرور للمشاة
صراحة الفندق رائع وجديد وفطورهم روعة والغرفة مساحتها كبيرة وشرحة وشوفي تقرير اختنا همبة كويتية فية صور الفندق*

 

[Canon~]

زين ماسويتوا تغيرين جو

انا سكنت بالماريوت ب شارع العرب كان ودي اساعدك


اي استفسار انا بالخدمه




دعواتك

 

[Mrs.Q]

اختي آنا سكنت بفندق اسمه ريناسنسز 5 نجوم وتابع لماريوت بس فندق منفصل عنه ومو صوب شارع العرب اهو تقريبا يم مجمع الماركات مالهم ووايد حلو
والله يشهد ماشفت مناظر خايسة فيه وآنا سكبت بطابق يسمونه كلاب او نادي وايد حلو بس ماجربت الغرف العادية للأمانة
بس عن جد انصحج بالفندق راقي ونظيف وخدمة روعة وموقع ممتاز

 

[Mrs.Q]

ونصيحتي نقي مكان يا لنكاوي يا بينانغ لاتروحينهم اثنينهم ويا بعض
وغالبا راح تناسبج لنكاوي لانج ماتحبين الزحمة والناس والدوشة
بينانج مدينة حية وصاخبة ولجة وناس رايحة ورادة اما لنكاوي فيها ناس ولوية بس يغلبها طابع الهدوء والرومانسية وبالليل عقب 8 كل شي يسكر بس جميلة حيل راح تستمعين وتسترخين

 

[دموع-الاصايل]

السلام عليكم
اسمعي حبوبه يقترح عليك جدول
اول يومين سيلان جور السكن بفندق الخيول الذهبية
الفندق حيل فخم و شرح و فيه مساحات خضرا و قباله بحيره و قريب منه مجمع و قريه ألعاب و رحله بالقارب من داخل المجمع الي البحيره

بعدها تسافرين بالطياره ل جزيره لنقاوى
إذا معاج أطفال اقترح تسكنين بمنتجع موتيرا المنتجع سعره حلووو و فيه شاطئ روعه و نادي للأطفال و تأجير قواري و سبا ومساج و حيل حيل شرح والسكن عباره عن أكواخ
بس عيبهم الوحيد أن أثاثه، عادي مؤ فخم


أو عندج فندق ويستن لنقاوى فخم وحلو و تقدرين تأخذ ين شاليه مع حمام سباحه خاص

وأيضاً في منتجع الشيراتون حيل حلوو

و برايي أن لنقاوى و بيننق متشابهين فماله داعي تروحين للثنتين. و. لنقاوى افضل و أنظف و اهدأ و الأهم من هذا كله أن سكانها مسلمين فتحسين براحه و سكانها طيبين و سبحان الله عكس بيننق لان فيها هنود و صينين تحسينها زحمه ووصخه

و بعدها في منطقه حلوه قريبه من البحر
تعتبر بنفس سيلان جور فيها منتجعات روعه وأحلي وأفخم منتجع على مستوي ماليزيا هو منتجع النخلة الذهبية
فكرته أن الشاليهات تكون بوسط البحر



و بعدها وتختمين السفره بكوا لا لمبور و دام انج ما تحبين الزحمة وشارع العرب اقترح فندق أمبيانا قريب من التوين تاور
فندق هادى و راقي

وتقدر ين تروحين لمنطقه جنتنق بتاكسي و تردين بنفس اليوم المشوار ساعه بس لأني ما أنصحك تنامين فيه فنادقهم مؤ نظيفه

أتمنى أني افدتج

 

[مسكنهم روحي]

عسسسسسسسسسسسسسسسسسى الله يسعد ويهني كل من ردت ورفعت الموضوع رفع الله قدركم وفتح الله عليكم

 

[Abla.mariom]

والله انا مرتين اروح ماليزيا والفندق النظيف والعائلي ونفس شي يكون مجمع يووووونس فندق برجايا تايم سكوير
وماليزيا مافيها مسخره الا اماكن معينه والا شحلاتها من ديره

 

[Dana.Qtr]

بهالصيف رحت ماليزيا .. روحي لنكاوي فيه فندق اسمه فيدرال فيلا بيج .. هو صج 4 ستار بس للامانه نظيف وحلو موقعه ع البحر وفيه براشوت يونس لاتطوفينه وفيه سكوتر و بنانا بوت ..

جنتنق رحتها بس للامانه لاعت جبدي .. كنا ساكنين فالقرية الفرنسية .. الفندق 4 ستار بس يلوع الجبد .. لما تتمشين فليل بكل زاوية 5 بريعصية وحتى وانتي تاكلين تحوم جبدج! تاكلين وانتي منرة لج 5 بريعصية يتعاركون ..

كوالالمبور سكننا ففندق اسكوت وايد وايد وايد عائلي ومريح .. الغرف واسعة وسعرهم مناسب واكلهم نظيف وزين ..

روحي جنتنق بباص تاجرينه من كوالالمبور
حق السوق والماركات روحي البرجين وهم مب بعيد ابدا عن فندق اسكوت مشوار مشي 5 دقايق .. وفيه ورا البرجين حديقة النوافير ..

وفيه بالمجمع الي عند البرجين فوق الطابق الرابع نفس نادي علمي حده يونس .. حق اليهال ولكم بعد ..

بس انتي ماقلتي طلباتج يعني انتي وريلج ولا مع عيالج وشنو اللمت الي تقدرين عليه ؟

واحسن شي احجزي فنادق من موقع بوكينج لان ارخص وفيه عروض ..

ونصيحتي لج شوفي مواضيع بالصور عشان تقتنعين ورتبي جدول بالتواريخ ..

 

[شواآاقه]

كولامبور سكني بفندق رويال شولان وايد حلو وقريب من مجمع البافليون

 

[انغام السما]

السياحة فى ماليزيا : سائق ومرشد سياحى فى ماليزيا
أبو جابر : 0060133353312

 

[عاشقة الككاو]

تتهنين يا عسل

 

[مسكنهم روحي]

مشكورات كلكم
رحت وجيت والحمد لله على كل حال:eh_s(8):

بس ياساااتر صادفت سياحة اروبييين وصينيين بكثره :rgewrg:مافي الا تسبح وحاله يادافع البلا والصينيات هن ماعندهم غير هالشورتات ماغيرها :eh_s(16):
اوافيكن ان شاء الله بالتقرير المصور والصينيات هع هع
بس خلني افتح بشرتي من اثار الشمس رديت سيرلانكيه :eh_s(11):

 

[Toggi]

الله يهنيج ياحلوج وياحلو سوالفج