ماليزيا وترننق

[Na Na]

السلام

بنات انا بروح ماليزيا واليوم الي بروح فيه جنتق بلبس ترننق مخمل لانه يقوولون شوي بارده الي رااحت يسوا البس مخمل ولا حر عليهااا ؟؟؟؟

وبليزز حدي محتاره اخذ وياي ترننق جووسي ولا واحد عادي ؟ ردوو بسررعه + ثانكيووو

 

[•´мs.B A S H O R A`•]

شوفي حبيبتي انا بماليزيا و قبل جم يوم رحت جنتنق و انا اساسا ماخذة تريننق مخمل معاي عشان هالروحة لاني سامعة برررررررررد
بس انا الله يهداني لبست تريننق عادي من الحر الي بكوالامبور نا فكرت بالبرد الي بيحوشنا بجنتنق
و تحسفت حيييييييييل ليش ما لبست مخمل

نصيحة اخذي المخمل معاج لانه صج بررررررررد
راح تحسين انج بثلاجة من الضباب

 

[نور الدنييا]

انا كنت بجنتج قبل كم يوم بس كان مووووووت حر والله بس انا ماقعدت لليل المغرب رجعت الظاهر بالليل يصير برد وموفقه يارب

 

[3emya_Berry]

ويه خيسه انا قالولي اخذي وياج جاكيتات لليهال والله عيالي ملبستهم حفر حر خيسه جوهم مو صج رطوبه حيل اكثر من تايلند

 

[Na Na]

رد : ماليزيا وترننق

ثانكيوو كلكم والله

خلااص قررت اخذ ترننق بس اخذ العناابي ولا السماوي ماركة جوووسي :>

ترا والله محتاره ايهوو اخذ ساعدووني :>

 

[3emya_Berry]

لوووووووووووووووووووووووول اخذي الاثنين وياج انا احب السماوي بس لي انتي سمره لبسي العنابي لان السماوي ييسمر ولي بيضه لبسي السماوي وكان الله غفور رحيم
الشوز ما تبين اقولج اي واحد تلبسينه والكلوت وكلو ترى بالخدمه

 

[booba]

لاعاد شدعوه مخمل ما يحتاي ترى مو البرد اللي اهو لا الجو حلويعني البراد الحلو مو مثل برد اوربا انا اقول اخذي تريننق عادي مو المخمل

 

[Na Na]

رد : ماليزيا وترننق

لول عيميه ضحكتيني بس تصدقين صج ودي احد يسااعدني محتاره وكل ما اسال احد من بيتنا يقوولي كيفج كيفج .....

وعلى التريننق انا بيوضه يعني اخذ السماوي
انزين مختاره اخذ عطر الين ولا ميبي بيبي >>>جني مصختها


بووبه : انا ماخذه ترننق عادي بس بخليه اذا رحنا الجزيره لانه خفيف واريح

 

[أم أحلى البنات.]

صج بارده بس مو لدرجة انك تاخذين مخمل .. أنا توني راده بس للاسف ماتمشينا بره(بين الغيوم)لان زوجي كان مريض حزتها ..

اجااااااازه سعيده .. :eh_s(8):

 

[أميره بلا قصور]

اخذي الكبت كله ههههههههههههه

سفره سعيده

 

[Na Na]

رد : ماليزيا وترننق

كاادي انشاءالله تعوضينهاا بالسفره اليايه وسلامات حق زوجج

ام البنات لوووووول ترا صج لو كيفي جان خذيت الكبت كلا الحين جنطتي متروووسه ليمن اشتري اغرااض من اهناك مااراح تكفي انشاءالله اشتريلي جنطه من اهنااااك

واليوم سفرتي انشاءالله بس ناااقص سيادتي انشاءالله اصلي المغرب والعشا واحط السياده واصكر الجنطه واروح واستمتع بارض الخيالل


ثانكيووووو حق كل الي راد على موضوووع اتمنى لكم اجازه سعيده بالكويت وبرا الكويت :>
باي باي

 

[Na Na]

رد : ماليزيا وترننق

وييي انا عاكسه الكلام حق ام البنات قلته حق كادي والي حق كادي قلته حق ام البنااات المهم انتوووو عكسوو الكلام :>

 

[الحرير]

ما يحتاج مخمل
بردها حلو

 

[Na Na]

رد : ماليزيا وترننق

انا بماليزيا الحين ورحتلها امبيه حدهاااا عجيبه وما لبست مخمل لبست صيفي شوي يكوون قطن وما تحتاج مخمل اعتقد لانه هوواهاا ربيعي وحلووو وعجيب يعني هوا هوا بس مو هوا الي يثلج روحوو ولعبووو حدها واو :>