ماليزيا شهر مارس..بليز خبيرات ماليزيا

[ازهار مبعثره]

السلام عليكم ورحمة الله وبركاته

بنات ابي الفزعه

ابي برنامج لسفره لماليزيا لمدة اسبوع تقريبا مو اكثر

ابي اجهز برنامج كامل بمناطقه بفنادقه برحلاته
ابي افاجا زوجي فيها
عشان ان شاء الله يتحمس ونسافر

احنا 3 كبار و3 اطفال
ابي شلون الجو بشهر 3

شنو المناطق اللي اختارها لان شايفين ايامنا قليله
شنو الفنادق الافضل بكل منطقه

وين ممكن نروح بكل منطقه مع مراعات ان معانا اطفال

هل الرحلات الداخليه تاخذ يوم كامل ؟؟
يعني اذا احنا بس 7 ايام لو قلنا بنروح 3 مناطق يبقي بس 4 ايام


ابي كل وحده تدخل تعطيني نصيحتها
تجربتها

ادري التقارير كثير ماشاء الله
بس اغلبها ايام كثره
من كثرتها احترت


ترى اول مره اخطط انا لسفره
ابيها متكامله
بالايام والرحلات والفنادق واذا بعد الاسعار اكون شاكره

ابيها شي متكامل


وان شاء الله يوافق ونسافر


تحياتي

 

[احساس نادر]

ماليزياااا حلوووة بشهر مارس وجوها بيكون احلا ذكرتيني فيهاااا تهبببببل احلى جزيره بيننغ انصحج فيها اما لنكاوي هاديه حيييل للاسترخاء اذا تبين انا ماعجبتني واجد وجنتنق رووووعه ينزل الغيم عليكم اذا تبين نصيحتي اقعدي يومين الى ثلاث في جنتنق لا تطولين و٥ في بيننغ وفي بعد جزر حلوة اتمنى البنات يفيدونج

 

[احساس نادر]

ولا تقعدين في العاصمه كوالالمبور حااااااره ونااااار غاليه حيل من ناحيه الاكل والتكاااسي بس عشان اروح الفندق ب ١٨٠ رنغت الى ٢٣٠ اما الجزر ٥٠ او ٤٠ رنغت ارخص بواجد

 

[ازهار مبعثره]

احساس نادر
تسلمين لي يالغلا عالرد

اول شي طمنتيني عالجو ونااااااسه


بالنسبه للنكاوي استغربت تقولين هاديه ععاد شفت موضوع ان هالمنطقه كلها رحلات وطلعات واماكن

وجنتنق اكيد باعلي اللسته
بس ماقلتي شنو فيها اماكن نروح
وشنو الفندق


اتمني الباقي يفيدوني

 

[ازهار مبعثره]

ملاحظه
تري احب الاماكن اللي اتمشي فيها
شي جديد
ما ابي مجمعات وسوقه

 

[Canon~]

ايي لنكاوي هاديه واحس تنفع للممعاريس

بما ان معكم اطفال رحوا صن لاقون يوم


وسلانقور يوم


وجنتق يومين ولا 3


دعواتك واي استفسار حاضره

 

[ورود-]

شيكي ع الخاص

 

[أميرة عادل]

هلا أختى أزهار مبعثرة

نصيحتى انك تزورى جزيرة سلانجور عن جد روعة
او لنكاوى أتجنن . قضيت رحلة معى زوجى كانت خيااااال :eh_s(22):
ويوجد عروض كتيرة بس اللى اقدر انصحك بيه أنك تجربي هالشركة - عروض رحلاتها وحجز الفنادق والخدمات اللى تقدمها روعة . وكمان ما هى غالية ولا رخيصة لكن وسط وعلى حسب العروض حقهم

الموقع هذا أدخلى عليه بيقدم عروض لماليزيا :eh_s(15):
(( الموقع ))

​

اى استفسار دقى على بس ههههههههه باى:eh_s(8):

 

[Dubai-Girl85]

مرحبا اختي... أنا ماجذ سرت الصراحة ماليزيا.. بس مخططين نهاية 3 إن شاء الله نسيرلها اذا ربنا يسر​

​

بما إنه أنا عندي إدمان الـ search.... وما أحب أستعين بشركات السياحة.. أحس استانس اكثر يوم بروحي أنا وريلي نسوي الجداول.. فمن شهرين تقريبا بادية اسوي جدول مفصل حق سفرتي انا وزوجي... ما خليت شي ما دورت عنه.. لووووووول​

​

أنا شخصيا اخترت 3 اماكن... العاصمة كوالالمبور... كاميرون هايلاند... لنكاوي..أنا شخصيا ما احس واايد لنكاوي تناسب اليهال...بما انها اكثر تناسب الكابلز.. بس بعد فيها واااايد انشطة حلوة يسوونها.. أحس 3 مناطق خلال اسبوع وايد... بتتعبون وما بتلحقون توصلون منطقة الا وبسرعه بتلملمون اغراضكم وبتنتقلون للي عقبها... احس لاسبوع منطقتين تكفي​

​

​

​

​

​

كوالالمبور وايد فيها اماكن يستانسون فيها اليهال والكبار..​

​

· حديقة الحيوان​

​

· الاكواريوم​

​

· حديقة الفراشات​

​

· حديقة الطيور​

​

· حديقة Lake Gardens​

​

· البرجين... غير انه تشوفين المنظر من الابراج... شي بعد مركز علمي في الابراج حلوووو حق الكبار والصغار​

​

· السوق الصيني​

​

· المتحف الاسلامي :ما ادري اذا اليهال بيحبونه​

​

· متحف بنك نيقارا للمال: قريت عنه انه حلو ​

​

· ساحة ميرديكا Merdeka Square​

​

· Batu Caves معبد البوذا.. داخل كهف.. بس يمكن يكون صعب على اليهال لأنه لازم تركبون 200 إدرية تقريبا... فيمكن اليهال واذا في كبار سن يتعبون... بس الصراحه انا وايد متوشقه ازور المعبد.. اشكله يخبل​

​

​

​

بالنسبة للكاميرون, بعد فيها وااااااااااااايد اشيا حلووووة بيستانسون عليها اليهال والكبار.. غير الطبيعة الحلوة طبعا​

​

· مزارع الفراولة (الزوار يقدرون بنفسهم يقطفون الفراولة ويشترونه)​

​

· Agro Technology Park​

​

· مزارع الشاي​

​

· مزارع النحل... يخلونج تشوفين كل شي ويشرحولكم​

​

· Time Tunnel Museum​

​

· الشلالات (شلال روبنسون على سبيل المثال)​

​

· مزارع الورود​

​

· ORANG ASLI VILLAGE تشوفون كيف كانو يعيشون في هالقرية​

​

​

​

بالنسبة للنكاوي...​

​

· تلفريك لنكاوي.. والجسر المعلق (روووووووووووووووووووووووووووووووووعه)​

​

· مزرعة التماسيح.. فيها عروض بعد​

​

· Island Horses تقدرون تركبون خيول... بس إلهم أوقات معينة​

​

· متحف الأرز​

​

· Lagenda Langkawi Dalam Taman: حديقة بطريقة فلكلورية​

​

· Langkawi Eagle Square - Dataran Lang ميدان النسر​

​

​

​

أتمنى أكون أفدتج.. واذا في أي سؤال أنا حاظرة​

​

 

[انغام السما]

بسم الله الرحمن الرحيم

الاخ الفاضله : ازهار

البرنامج لمده اسبوعين كما يلى :

يومين فى كوالالمبور فندق زون غرفتين وصاله او فندق لانسون بلاس غرفتين وصاله
يومين فى بينانج فندق فلامينجوا غرفتين وصاله
و 3 ايام فى كوالالمبور فندق زون او لانسون بلاس غرفتين وصاله
وطريقة التنقل من كوالالمبور الى بينانج عن طريق الطيران الداخلى او السياره الخاصه
وانا ارشح لكى الطيران ويكون الطيران فى الصباح الباكر للاستفادة من اليوم فى بينانج
وكذلك عند العوده للاستفادة باليوم فى كوالالمبور
وبالنسبه لترتيب المواصلات البريه ــــــــــ بسيارة خاصه
اليوم الاول الاستقبال من المطار الدولى والتوصيل الى الفندق بكوالالمبور
اليوم الثانى جولة لزيارة مدينة الصنواى للالعاب المائيه
اليوم الثالث : التوصيل من الفندق الى المطار ومن ثم الاستقبال فى مطار بينانج والتوصيل الى الفندق
وفى نفس اليوم بعد التوصيل جولة لزيارة الجبل الاحمر وهو عباره عن جزيرة الغوريلا والعاب مائيه وتلفريك وحديقة حيوان
اليوم الرابع : جولة لزيارة معالم بينانج مثل حديقة الفراشات والقطار الجبلى والشلالات وحديقة التوابل وحديقة الفواكهه ومصنع القهوه والشوكولاته والاقمشه
اليوم الخامس التوصيل من الفندق الى المطار ومن ثم الاستقبال فى كوالالمبور والتوصيل الى الفندق بكوالالمبور
وفى نفس اليوم جولة داخل كوالالمبور لزيارة معالمها مثل حديقة الطيور والمتحف الوطنى والقصر المالكى والمناره والبرجين والاكوريوم
اليوم السادس : جولة لزيارة مرتفعات جينتينج هايلاند تلفريك ومدينة العاب داخليه وخارجيه والكترونيه
اليوم السابع : جولة لزيارة منتجع افاموسا سفارى وهو عباره عن سفارى حديقة حيوان مكشوفه سوف تتجولين بسيارة مأمنه عن قرب من الحيوانات المفترسه والغير وبعدها عرض الطيور وبعدها عرض القرود وبعدها عرض الكاوبواى وبعدها زيارة جزيرة القرود وبعدها عرض الفيله وكل هذا بتذكرة واحده وفى مكان واحد ومعها وجبة غذاء لكل شخص ومن ثم التحرك للعرض الليلى الذى يبداء من الساعه 8.30 مساء وينتهى 10.30 ليلا ومن ثم العوده الى الفندق
اليوم الثامن : التوصيل من الفندق الى المطار الدولى للمغادرة الى ارض الوطن

اجمالى هذا البرنامج بدون الطيران الداخلى وذلك لان الطيران الداخلى كلما اقترب ميعاد السفر زاد السعر ولا ادرى عمر الاطفال اللى معكى .
اجمالى البرنامج فى حالة اختيار فندق زون فى الذهاب والعوده = 6800 رنجت ماليزى
اجمالى البرنامج فى حالة اختيار فندق لانسون بلاس فى الذهاب والعوده = 7300 رنجت ماليزى
اجمالى البرنامج فى حالة اختيار فندق زون فى الاول ولانسون بلاس فى العوده = 7080 رنجت ماليزى
اجمالى البرنامج فى حالة اختيار فندق لانسون بلاس فى الاول وزون فى العوده = 6970 رنجت ماليزى

هذه الاسعار بدون الطيران الداخلى شاملة الفنادق مع افطار لاربع اشخاص وهذه الفنادق فئة 4 نجوم

للاستفسار : [email protected]

والله الموفق

 

[أم سيف وسلطان]

انصحج ما تتنقلون وايد لانكم بتتعبون عن تجربه

انا من اسبوعين يايه منها كنت ويا عيالي لمدة 5 ايام ولا سرنا جزر بس في كوالالمبور وضواحيها


لا تفوتين جنتنج و صن واي لاجون

 

[نادين العتيبي]

ماليزيا كلها حلوه