ماليزيا & تايلند

[قمربلادي الكويت]

السلام عليكم ورحمة الله وبركاته
اشلونكم كلكم فديتكم
هذا اول موضوع لي من بعد سنتين مده طويله ادري
انا ناويه باذن الله على ماليزيا وتايلند هالسنه بغير من لندن ( ريلي مل وانا حفظتها بس مستحيل املها هذي العشق الممنوع ههههههه) طبعا كانت رغبه ريلي روحه ماليزيا وهذي اول مره لنا بس تايلند رايحه لها 2011 والله ونيسه
ابي همتكم ونحط اهني الاماكن الي ممكن استفيد واستانس منها انا سويت جدول كالاتي ؛
الكويت ماليزيا عن طريق الخطوط الجويه الكويتيه لان ما احب الترانزيت بالمره اول محطه بورت ديكسن وحجزت بجراند لكزس بورت دكسن اكبر فيلا عدد 2 وحده لي ولزوجي ووحده لعيالي ربي يحفظهم ( بنتين وولد ) مده 4 ليالي طبعا مع كل غرفه مسبح خاص فيها ، منو سكن فيها يخبرنا تجربته بليييز ؟ تالي بروح كوالالمبور 3ليالي في فندق جديد اسمه E&O شقق فندقيه منو سمع عنها ؟ الي يعرف عنها يفيدني بليييز تالي على الطيران الماليزي حجزت حق بانكوك ( متعة التسوق ) في الفندقالجديد الي لاصق في MBK اسمه باتوان برنسس اخذت سويتين لي ولعيالي مدة الاقامه 9 ليالي ، يلا بدعوا لي وين اشري واتسوق وجم يكفيني ؟ ومنو سكن بالفندق وشنو انطباعكم ؟ غردوا على كيفكم بليز عقبها باذن الواحد الاحد برجع كوالالمبور على نفس الخطوط وبسكن بعد مره لمده 9 ليالي في E&O ايضا جناح من غرفتين نوم
انا حجزت الفنادق والطيران من الكويت وكل الفنادق مع الافطار كم تتوقعون يبيلي حق سوق كوالالمبور ؟ وين احلى الاماكن للسياحه وللشوبنق الكل يشهد بذوقي والله العالم والكل يقولي ييبي بضاعه بس ما ادري متخوفه انتوا اشرايكم ؟؟؟؟؟؟ :yaaaaaarb: الجو بهالفتره يعني شهر 8 اشلونه هناك الله يستر الكل يحبط فيني ورطوبه وحر :eh_s(16): انطر ردودكم وتفاعلكم فديتكم كلكم :eh_s(17):

 

[mafio98]

وعليكم السلام

بالنسبه لكوالمبور واااايد عليها ١١ يوم ماتستاهل انا فعدت فيها ٥ ايام ومليت منها وهالسنه باذن الله حجزت يومين بس فيها انصحج تغيرين تروحين جزر او تروحين سنغافوره

 

[قمربلادي الكويت]

وعليكم السلام

بالنسبه لكوالمبور واااايد عليها 11 يوم ماتستاهل انا فعدت فيها 5 ايام ومليت منها وهالسنه باذن الله حجزت يومين بس فيها انصحج تغيرين تروحين جزر او تروحين سنغافوره

هﻻ وغﻻ حبيبه قلبي
حبيت اريح اشوي عقب شوبنق تايلند ونطلع رحﻻت من كواﻻ وبعد اخذ راحتى بالشوبنق فيها بدون تعب فديتج مشكورة على الرد واسعدني مروج ياعسل

 

[قمربلادي الكويت]

اشدعوة بنات 116 وحده وﻻ في غير رد واحد

 

[قمربلادي الكويت]

اشدعوة بنات ليش ما في تفاعل اشصاير

 

[C O L O R Z]

ربي ييسر لج حبيبتي
وتستانسون وتغيرون جو انتي وعيالج


بس انا عليمية ماعرف سوالف ماليزيا
بس والله حجزت وقعدت اقرا بتقارير الاخوات هني وبتقارير منتديات ثانية
احس فهمت شوي .. وقدرت ارتب جدولي حسب ذوقي
والله الموفق

 

[أم سيف وسلطان]

جدولج مش اوكي وانتي حجزتي المفروض قبل لا تحجزين تسألين

منطقة بورت ديكسون وايد عليها 4 ليالي مافيها شي وبانكوك المفروض تكون آخر محطه للشوبنج لانه
بيستوي عليكم وزن في الطيران الداخلي وانتو رادين كوالا لمبور

ومدة اقامتكم في كوالالمبور على مرتين مالها داعي وطويلة

ياليت تتقبلين تعليقي بصدر رحب

واسمحيلي حبيت افيدج

 

[قمربلادي الكويت]

جدولج مش اوكي وانتي حجزتي المفروض قبل لا تحجزين تسألين

منطقة بورت ديكسون وايد عليها 4 ليالي مافيها شي وبانكوك المفروض تكون آخر محطه للشوبنج لانه
بيستوي عليكم وزن في الطيران الداخلي وانتو رادين كوالا لمبور

ومدة اقامتكم في كوالالمبور على مرتين مالها داعي وطويلة

ياليت تتقبلين تعليقي بصدر رحب

واسمحيلي حبيت افيدج

ام سيف وسلطان هلا وغلى فيج حياتي
بالعكس مرورج روعه ونصايحج عسل انا حجزت بانكوك بالنص لاني ابي اشياء معينه وعندي وزن لغايه 150 كيلو والفندق الي ابيه مافي حجز الا بالهوقت بس يعني محكومه بالوقت وعندج تذاكري للرجعه ماقدرت اغيرها واذا الغيتها تروح علي فلوسي يعني لازم ارجع من كوالالمبور
انا اخترت المنتجع جراند بورت دكسون لان فيه الاحواض برايفت حق اعيالي واهم يبون هالمده حبيبه قلبي
اما الاقامه في كوالالمبور طويله لان جانتنج وسن واي لاقون مافيهم حجز بالفنادق على الاوقات الي نبيهم فقلنا نروح رحلات من الصبح ونرجع بالليل والتسوق يكون براحه مو عيله
فديتج مشكوووووره ويريت تنوريني بسوقهم واحسن الاماكن عندهم

 

[قمربلادي الكويت]

ربي ييسر لج حبيبتي
وتستانسون وتغيرون جو انتي وعيالج


بس انا عليمية ماعرف سوالف ماليزيا
بس والله حجزت وقعدت اقرا بتقارير الاخوات هني وبتقارير منتديات ثانية
احس فهمت شوي .. وقدرت ارتب جدولي حسب ذوقي
والله الموفق

حبيبتي ياقلبي انتي انا اول مره اروح ماليزيا اعيالي وزوجي يبونها
انا بعد قريت وتمعنت وكتبت وسالت جذي طبعي احب اروح الديره وانا ادري عنها تايلند انا رايحه لها بس ما فصصتها عدل قلت هالمره ان شاء الله ببدع فيها

 

[كوكا كولا]

انا رحت العام وايد حبيتها كوالالمبور حدها ونيسه وشارع العرب حركه ما شاء الله
السوق عجيييييييب انا كان معاي ٧٠٠ دينار وحرقتها كلها شوبينق وبعد ابي
كانت كوالالمبور هي مسقط الرأس ومنها نطلع لجولاتنا السياحيه

وهالسنه بعد ورا العيد ان شاء الله بروح بوكيت وماليزيا

 

[حوراء الكويت]

عليكم بالعافية و تروحين و ترجعين بالسلامه و ان شاءالله تكون اجازة حيوه و ممتعه لج و لعيالج يارب
انا اقدر افيدج بماليزيا
مجمعات كوالالمبور ( بتروجايا تايم سكويرهذا حلو فيه ملاهي و سينما و بضاعته وايد حلوه ) (بافيليون هذا كله ماركات بس ترا ماركاتهم غالية و محسوبه الضرايب و ما يعطونج اياها بالمطار) (سوغو هذا اسعاره ارخص من برا و غالبا بضاعته مخفضه بالسعر) (سوناي وانغ بضاعته زوينه الحلو فيه كفرات التلفون و محل اعتقد اسمه باركسون هذا نفس طقه دبنهامز) (مجمع لوت تن و مجمه فهرنهايت هذوله بشارع العرب) ( و مجمع نسيت اسمه بس يصير تحت التونز تاور و كله ماركات)
( مجمع البراميد يم صن واي لاقون في ولايه سيلانغور و مجمع الماينز اللي فيه القارب اللي يمشي بالبحيره هم في ولايه سيلانقور) (عندج السوق الصيني بس بصراحه ما رحت له قالو انه غالي مو ذاك الرخص)
المطاعم اللي في شارع العرب ( مطعم ناب الايراني_مطعم القمر لبناني فيه منه بعد بالبافيليون _و مطعم الطربوش لبناني)
ماركات الجناط ( سيمبونيا_بونيا_كارلو رينو_فيسي)
محلات المكياج ( هوليكا هوليكا_اتيود هاوس_فيس شوب_محل ساسا)
اماكن الترفيه ( منتجع افاموسا_صن واي لاغون_ اي سيتي_حديقة الطيور_حديقة الفراشات_حديقة الازهار_المعبد الهندي او الباتو كيف_جنتنغ _ليقو لاند بس بعيدة مسافة خمس ساعات عن العاصمة_ في بجنتنغ المدينه الفرنسية و المعبد الصيني حلوين حق التصوير_التونز تاور و اذا تبون تدشون البرج لازم تروحون قبل التسع الصبح علشان التذاكر لا تخلص_منارة كوالالمبور_حديقة الحيوان نيغارا زوو_المتحف الاسلامي _المتحف الوطني_المسجد الوطني_منطقة بتروجايا و اهي العاصمة الادارية حق كوالالمبور)

هذا اللي اذكره الحين و اذا ذكرت شي برجع اكتبه و رحله سعيده ان شاءالله

 

[حوراء الكويت]

ايي نسيت الاكواريوم

 

[حوراء الكويت]

نسيت اقول لج بعد ان ماليزيا موسم التنزيلات عندهم خلال شهر 8

 

[أم سيف وسلطان]

البنات ماقصرن
بس انصحج تشترين من بانكوك لانه احلى وارخصوماليزيا خليها تمشيه

وتسيرون وتردون بالسلامة

 

[nas nas]

ماليزيا جوها ماحبه بس حبيت جنتنج بس حلوه لاجهال واذا تبين تتسوقين في بانكوك اختيارك روعه
بس انا عندي راي ثاني بالسوق طوكيو والي حواايه خلاص صارت بصاعته عاديه وكلها قديمه ماعدا والموبايلات والاجهزه والكفرات

اذا تبين خبرتي الطويله تطلعين شوي من حاره العرب في مجمع اسمه فاشن ازلاند مجمع كبير والصوب الثاني مدينه الملاهي تابعه له وفي مجمع غي منطقه بنجابي اسمه ذامول بنجابي

هالمنطقه اغلبهم مسلمين مافي عرب كلش ورا هالمجمع في مجمع كبير سيريا وفور سيكون يعني اربع اولاد

واتمني تاخذين طلعه ساعتين ونص الي جام وتكون يوم السبت والاحد هو منطقه وشاطي وفيه اولوت وفيه بارك روعه جديد والفنادق الي بجام كلها قبال البحر وكله سيفود برخص التراب وكله فرش والفنادق 5ستار من 5 دنانير الي 12 دينار ارقي شي وبالاخص فندق جام قولدن بيتش شوفي الفنادق الي بجام وشوفي جام بالنت وسلامتك