مالجين من سنه بس احس الحياة صارت بايخه!

[دانة الكوويت]

قوه بنات مادري اذا هذا المكان الصح حق الموضوع بس ابي مساعدكم
انا صارلي سنه مالجين ماتزوجنا ليلحين ناطرين يتوظف بس احس قمنا نمل من بعض!!
يعني هذا من اولها جذي بعدين مادري شنو بصير صراحه لما نتزوج احس علاقتنا صار فيها فتور من الروتين بطريقه ممله تخيلوا وصلنا مرحله عادي نطلع بس انه طلعنا نروح ناكل بالمطعم ونرد مانتكلم وايد
مادري شسوي مادري شلون ارد علاقتنا مثل قبل ابي حل لان كلش مو مرتاحه من الوضع

 

[دانة الكوويت]

اب اب اب

 

[GofiSho]

بما انكم تطلعون ويا بعض .. ليه فتور !!

اختلقي مناسبات من تحت الارض

اعزميه ..

تعدلي و تزيني .. لعبي بعض الالعاب اللي نلعبها قبل بنت ولد و هالاشياء ..

ممكن يقول البع سماجه و تافه بس تكسر الروتين و تشوفين زوجش بشكل ثاني مرررة

طالعوا افلام ويا بعض .. مو سينما .. لا في البيت لوحدكم

جلسوا ع النت مع بعض

***

شوفي شنو يحب سيارات او اي شي و و بحثي عنه بالنت و سولفي فيه

وش الجديد وش اخر مانزل كذا

سولفي باخر تطورات الدنيا باي شي

أوووو

انكم تقللووون اتصالات و طلعات ..

لان بعد الزواج يكون خلاص ماكو شي جديد متعودين

:rerrerek:

و ربي يسخر لك زوجك و يحفظكم بعينه التي لاتنام

 

[انثى عاشقة]

الحل انكم تقللون اتصالات وخرجات
انا كنت اسوي جذي
وملكتي نفسج سنة
بس كنت اقلل خرجات وزيارات واتصالات
الشووووق يتولع لي بعدتو عن بعضكم شوي ​

 

[al3neda]

روتين. ترا عادي حتى عقب الزواج بسنه وشوى يصيدج

المهم تجديد شغليذكاء لانثى فيج


الله يوفقكم ويصخركم لبعض

 

[ام الحلوااات]

الحلانكم تقللون اتصالات وخرجات

انا كنت اسوي جذي
وملكتي نفسج سنة
بس كنت اقلل خرجات وزيارات واتصالات

الشووووق يتولع لي بعدتو عن بعضكم شوي ​

مـــــعـــــــــــاهــــــــا :eh_s(15)::eh_s(15)::eh_s(15):​

 

[شافوك بحساسي]

الحل انه تبتعدوووووون فتره عن بعض عشان تشتاقون لبعض

 

[ابـيـض واسـود]

يمكن تشوفون بعض على طول عشاان جذي , انا مالجه وماخليه يشوفني الا باالشهر مره احسن عشان مانمل , اذا جا يمج سولفي معاه بعدين لعبو اي شي وعدلي القعده باالسكبه حب جاي اي شي

 

[ليه الجفآ]

قللي مكالمات وطلعات

ولو تخلونها بلاسبوع مره او 10 ايام احسن


موفقين​

 

[انونا]

اولا انا ما اييد الملجه الطويله لان حيييل اتعب ولها مشاكل وايد
خاصة اذا كان يشوفج وعادي تطلعون

حبيبتي عادي كسري الروتين
مو انج اتقللين طلعات او روحات
لا حب شي يديد
تحجزون شاليه
سينما
اخذوا قشكن وطلعوا عالبحر بليل
لعبوا اونوا وسوو حركات استعباط
طلعو ينونكم
حديقة الشعب
مدينة ترفهيه
سوي نظام عنايه شامله حقه عناية بشره وجذي حركات
حجزيله مساااج
وايد شغلات اتغير الجو واتكونون فرش

 

[بولندية]

مادري بصراحة وضعج صعب لان الملجة طويلة و تطلعون مع بعض لو ما كنتو تطلعون مع بعض يمكن اهون لان عقب الزواج طلعاتكم حزتها بتكون شي يديد بالنسبة لكم

انا موو مع انكم تروحون اماكن يديدة مثل شاليه تخلينها عقب الزواج احسن علشان تحسون بتغيير بالطلعة مثل ما قالو البنات قللو من طلعاتكم علشان تشتاقون لبعض
والله يوفقكم

 

[M!sS.mar8adosh]

حاااسه فيج كانت فترة مجلتي كانت طويله
عدت السنتين المهم حاولي تقللين الطلعات و المكالمات
واذا ما تقدرين حاولي تكسرين الروتين لانه كل طلعة نفس
الي قبلها ياا سينما يا مطعم مافي سوالف مافي أكشن

 

[Cander]

انتي اللي عليج تقللين طلعاتج معاه خليه يفقدج ويشتاق لج

وانتي بأسلوبج كلمية بأشياء تجذبة وتخليه يتشوق يكلمج وغيري ستايلج كثر ماتقدرين وكل طلعة

خليج غير عن اللي قبل ، روحوا اماكن يديدة كل ماتطلعون مو نفس المكان وعارفين كل اصناف الاكل عشان

تتناقشون وجذي ، التغيير بكل اساليب الحياة مطلوب جدا جدا ولاتخلين تفكيرج سلبي وتقولين بالمستقبل جذي

وملينا من بعض ن الحين لا بالعكس اصلا توكم مابديتوا حياتكم

التوفيق حبيبتي

 

[سفييره الكويت]

الحل...

انج تقربين منه اكثر كل ماحسيتي انه فيه فتور بعلاقتكم لانه تقاربكم من بعض بيعطيج حنان اكثر وحب اكثر


وايضا الكلمات المعبره لا تبخلين فيها حين تشعرين بها مثل احبك اعشقك المسأله مو مسأله كلمه فقط بل هو شعور يزيد دقات قلبك

معه

دايما فضفضوا لبعض سولفوا عن حياتكم قبل وبعد وعن اي احداث بحياتكم الرومانسيه مو كل شي الزوج يحتاج الصديقه الام الاخت الحبيبه

العشيقه الزوجه المطيعه ان نقصت وحده منهم تبدأ الثغرات بينكم

موفقين حبيبتي

 

[om Firas]

مثل ماقالوا البنات قللوا طلعات عشان تشتاقون لبعض

 

[مموريز]

الملل والفتور اللي صابكم نتيجة للمكالمات والطلعات الكثيرة مع بعض...
خففي الاتصالات والطلعات والرسايل وراح يتجدد الشوق مع الوقت.....

 

[بوح الحنين]

مع البنات اللي قالولك خففو طلعات ومكالمات

 

[miss swan]

انا نوعا مع سفيرة الكويت
ومع هذا لازم تغيرين باسلوبج اذا انتي رومانسيه معاه على طول خلج هالمره غير مثلا جنج صديق لعب ووناسه
كسري الروتين بنفسج
وغيرو الاماكن اللي تروحون لها​

 

[سمراء كويتية]

حاسة فيج نفس الوضع
بس نخفف طلعات و روحات والله المستعان

 

[&&&&&&&&]

اول شي قللوا من الطلعه

سويلكم جو جديد

​