مالت على حظي لمصخم

[Loloki]

سلام عليكم بنات

انا كنت كاتبه كذا موضوع عن توظيف

ورحت هيكله وقتلكم ان دقو علي علشان وزيفه اهي امريكانا امس دقيت عليهم على اساس اشوف متى

يبون يوظفون الموظف الي ب hr قالي على اساس اكلمج اليوم بس الحمدالله اتصلتي قالي تعالي اباجر ع اساس اليزم اروحلهم بس ماقالي اوراق شنو

دقيت عليه اليوم قتله في لمس بالموضوع احنا نبي موضفين بعد شهرين 3 او4

ف قتله ماتشوفون شر وصكيته

بنات انا عانيت وابي اشتغل وماعندي خبره

شهالمصخره اول على ايام بابا جابر الله يرحمه شحلاتها مافي احد ماعنده شغل وكان مافي قتل ومصخره

والحين الكل ماعنده شغل وقاعدين يتهاوشون من فضاوه نبي نشتغل ومحد بعمر الكويت غيرنا احنا ياشعب مو زلمات

الي تارسين ديره خيروحين ديرتهم لو فيهم خير ماهطو ديرتهم

تعبت ابي اشتغل دوله لاهيا بمصالحها وشلون تساعد دول ودز مليارات المليارات ولما ايون حق الشعب واسقاط فوايد يماطلون ومو قاعدين يوفرون وظايف حق الشعب الي بديوان او خاص كله يبون زلمات شنو يبون اكثر من جذي

ويقولون خساره دوله والله اي شي

بنات اطري قرقرت عليكم بس الي ماتشتغل بتحس من معاناتي. والله يوم السبت كنت بصالون معاشهم 130. واحنا بالخاص يبدي معاش 150 شنو فرقت من فراش او زبال او صالونات ماكو فرق حمدالله وشكر

لانقولون احنا احسن من غيرنا لا حبيبتي في الي احسن منا شوفو دبي شوفو سعوديه واحنا خرطي. والله الواحد

مال يقدم على شغل برا ويفتك من مذلت الحكومه وشغلها الي موقاعدين يفرونه لشعب بس يوفرون حق زلمات



بنات ابي وظيفه شلوووووووووووووووووووووون اذا بكمل دراستي لازم على سنه لليايه الحين انا قاعده قعده ينونه بس اتهاوش من فراق فمابالكم الي يقتلون وسون فوضه من فضاوه انا صرت نفهسم بس اتهاوش من

بنات بليز ساعدوني ابي وظيفه اي شي ماعنطي خبره وشهادتي 3 ثانوي.

سوري بس حطي مبطوط جبدي بنفجر والله حسو فيني اي والله حظي مصخم *

 

[بنت الكويت العسل]

حظج ان شاء الله مو مصخم ولا هم يحزنون بايدج الحل يااختي كملي تعليمج وتلقين اشغال الدنيا لكن ثالثه ثانوي صعبه تتوظفين كلها كم سنه تخلصين وقدمي على الديوان الوافدين هذولي شوفي شنو شهاداتهم ترا جامعي حارس عماره والا يوصل لمطعم والدول الثانيه اللي قلتي عنها ترا نفس الحال اللي ماكمل دراسته قاعد مو بس بالكويت وماكو الا معاش لمدة سنه تالي ينقطع ويقعد حمدالله على كل حال وترا اللي تقولين عنهم عيشتهم قشرا اجار وعلاج واقامه وووو وانتي حمدالله لاتفكرين المعاش يدوم حمدالله الله عازنا مانكرف ليل نهار عشان الفلس مثلهم والا دوامين كراف وياخذ معاش بسيط والا دوام من الصبح لي الليل

 

[noran89]

بس عاد !! كافي حقد على الوافدين
ترى شهاداتهم عالية جامعية و ماجستير و دكتوراه و يحطونهم بأماكن احنا ما نقبلها
ترى حرام خلوا العالم تترزق الله

أما عنج و الله الدولة موفرة وظايف الحمد لله شكثر , تخرجت من الجامعة شهر تسعة و توظفت بالتربية هالشهر
يعني في أقل من 4 شهور الحمد لله عشان جامعية و معدلي عالي
و كل زميلاتي و أهلي نفس الشي
و ترى ما عندنا واسطة و لا يحزنون , واسطتنا الله فقط

ليش تسوون بعمركم جذي و تخلون دراستكم ؟ و ترجعون تلومون الدولة ؟
كملي دراستج حبيبتي ترى وايد بنات نفس وضعج و كملوا دبلومات و بكالريوس بعد
و بالتفاني بالشغل و الحضور الدائم الترقيات وصلتهم لأعلى المراتب

و لا تقولين ظروف ما ظروف , أنا يتيمة و مالي أهل بس الحمد لله أصريت و كملت طريقي للنهاية و الحمد لله رزقني
تعبت واااااااااااايد بس قلت ما رح ينفعني غير دراستي , لا زواج ينفع و لا متوسطة و لا ثانوية
و أعرف معاقين الله يحفظهم مخلصين ماجستير رغم الألم و التعب

حطي هدف و امشي عليه و لا تستسلمين

 

[Loloki]

للعلم هم انا يتيمه ماعندي اهل لا خالات ولا عمات ولا اخوان ولا ام ولا ابو

يعني انطر لين تفتح باب السنه دراسه واروح اكمل باقيلي اخذ سنه

بس باقي وايد اشهر ع ما يفتح باب تسجيل شهر ٩ هالاشهر الي انا قاعده فيها فاضيه شسوي طقت جبدي

 

[noran89]

تحملي شوي , أدري الوضع صعب و حاسة فيج , ترى وايد تحملت لين الحمد لله , الله رزقني هالشهر بالشغل و أخيرا أقدر أعيش حياتي نفس باقي الناس و أنسى كل اللي صارلي و أنا صغيرة
حاولي تروحين دار القرآن تتعلمين شي يفيدج و دوراتهم كلها مجانا و قدمي بشئؤون القصر أو الشؤون الإجتماعية يعطونج شي تمشين فيه حالج , أدري ما يعطون اللي يعيش عيشة كريمة , بس ما عليه , باجر تتخرجين بشهادة زينة و تسوين حق نفسج كل اللي تبينه إن شاء الله
و تذكري " إن الله مع الصابرين "

 

[Loloki]

انشاءالله حبيبتي هم انا صغيره م

ان شاءالله ابواب الخير تنفنح

 

[بصْمةُ ضِيَاءْ]

الله يرزقج ويفتحلج ابواب رزق من عنده يارب

 

[عادت ذكرياتي]

بس عاد !! كافي حقد على الوافدين
ترى شهاداتهم عالية جامعية و ماجستير و دكتوراه و يحطونهم بأماكن احنا ما نقبلها
ترى حرام خلوا العالم تترزق الله

أما عنج و الله الدولة موفرة وظايف الحمد لله شكثر , تخرجت من الجامعة شهر تسعة و توظفت بالتربية هالشهر
يعني في أقل من 4 شهور الحمد لله عشان جامعية و معدلي عالي
و كل زميلاتي و أهلي نفس الشي
و ترى ما عندنا واسطة و لا يحزنون , واسطتنا الله فقط

ليش تسوون بعمركم جذي و تخلون دراستكم ؟ و ترجعون تلومون الدولة ؟
كملي دراستج حبيبتي ترى وايد بنات نفس وضعج و كملوا دبلومات و بكالريوس بعد
و بالتفاني بالشغل و الحضور الدائم الترقيات وصلتهم لأعلى المراتب

و لا تقولين ظروف ما ظروف , أنا يتيمة و مالي أهل بس الحمد لله أصريت و كملت طريقي للنهاية و الحمد لله رزقني
تعبت واااااااااااايد بس قلت ما رح ينفعني غير دراستي , لا زواج ينفع و لا متوسطة و لا ثانوية
و أعرف معاقين الله يحفظهم مخلصين ماجستير رغم الألم و التعب

حطي هدف و امشي عليه و لا تستسلمين

صااااااااااااااااااجة معااااااااااج
والوافدين على قولتج ((فادونا وانفعونا ))) ^-*


كملي دراستج طبيعي في فرق بالتوظيف بين اللي شهادته جامعية وبين اللي ثانوي


والله يرزقج يارب

 

[عادت ذكرياتي]

صج ليش ما تكملين بدار القرآن ممكن تتخرجين منه تصيرين إدارية أو محفظة قرآن بالأوقاف

 

[الفواكة]

موفرين وظايف طل خريجة ٢٠٠٩ وللحين ماتوظفت اسمله عليج تخرجتي وتوظفتي كله نصيب بس ديوان الفقر مو موفر وظايف صج كلامها ناس اشكثر تنطر اسنين انتي حظج جذي وظفوج على طول حبيبتي روحي شوفي اشكثر جامعين ودبلوم اسنين واهم بالبيت والصج الشغل كله الزلمات والمصاروه ماسكينه ماقالت شي غلط احنا اولى بس انتي ماتدرين عن الدنيا شكلج ودافعين عنهم

 

[هدوء]

اللي يحطون قوانين ديوان الخدمة كلهم مصريين وقاعدين يفيدون ربعهم

احنا ما نحقد على اي انسان وارزاق ربنا الحمد لله تارسة الارض كلها بس للاسف ..

ترا واااقع عايشينه مو حقد ولا اي شي

 

[Loloki]

اي واللله بنات زين ان حسيتو فيني الحمدالله

بنات انا قبسه فقر كل ما اشوف وظيفه يقولون لا مانبي او بعد ٣ اشهر طقت جبدي

ورحت قدمت وناطره والحين ناطره ارزح اسبوع الياي عند الهيكله بطوف على ٣ اسابيع برومح اشوف شالقصه لوعو جبدي

لا وظيفه لا فلوس وحسره علينا الوظيفه لان يبون زلمات واذا يبون كويتين يطلعون عين عينهم على وظيفه

 

[noran89]

موفرين وظايف طل خريجة 2009 وللحين ماتوظفت اسمله عليج تخرجتي وتوظفتي كله نصيب بس ديوان الفقر مو موفر وظايف صج كلامها ناس اشكثر تنطر اسنين انتي حظج جذي وظفوج على طول حبيبتي روحي شوفي اشكثر جامعين ودبلوم اسنين واهم بالبيت والصج الشغل كله الزلمات والمصاروه ماسكينه ماقالت شي غلط احنا اولى بس انتي ماتدرين عن الدنيا شكلج ودافعين عنهم

تبين تقوليلي ان من 2009 ولا وزارة قبلتج و انتي ما رفضتي ؟!!
اذا فعلا ما رفضتي و لا وزارة قبل روحي راجعيهم ترى يمكن فيه مشكلة و لا قبلوج في فترة و انتي ما عرفتي . السالفة مو حظ كل اللي تخرجوا معاي توظفوا في اقل من اربع شهور لأنهم ما رفضوا الوزارات اللي اقبلوهم .
الشهر اللي طاف بالجريدة نازل 3400 اسم مقبولين و هالشهر منزلين قرابة 3000 اسم . يعني فوق ال6000 موظفينهم بشهرين الحمد لله الخير وايد بس انتي راجعيهم و اذا من النوع اللي ينطر وزارة معينة و يرفض الباجي طبيعي تنطرين بدال السنة عشرة بعد . وافقي اللحين و بعدين النقل سهل عادي بدال القعدة
الله يوفقج

 

[noran89]

اي واللله بنات زين ان حسيتو فيني الحمدالله

بنات انا قبسه فقر كل ما اشوف وظيفه يقولون لا مانبي او بعد 3 اشهر طقت جبدي

ورحت قدمت وناطره والحين ناطره ارزح اسبوع الياي عند الهيكله بطوف على 3 اسابيع برومح اشوف شالقصه لوعو جبدي

لا وظيفه لا فلوس وحسره علينا الوظيفه لان يبون زلمات واذا يبون كويتين يطلعون عين عينهم على وظيفه

تذكرت شي حبيبتي . راجعي شركة الملا ترى كنت مقدمة من ثلاث شهور و توهم داقين علي يبون موظفة استقبال بس خلاص الحمد لله توظفت بالتربية فإعتذرت منهم . روحي فرعهم بشرق و صعدي فوق و قدمي . يمكن يدقون الحين و يمكن تنطرين نفسي كذا شهر . بس ما عليه حتى لو كملتي دراستج ترى عندهم بارت تايم يعني تدرسين و تشتغلين بنفس الوقت

 

[الفواكة]

لا حبيبتي مافي وزاره قبلتني ولا رفضت مكان ولا شي وراجعتهم بدال المره الف مره يعتذرون ويقولون الوزارات ماتبي تخصصكم تخصصي قانون دبلوم واللي معاي كلهم ناطرين ولما انروح الديوان المراقب يقولي جامعين من ٢٠٠٩ مو موظفين للحين ويوريني الاوراق اللي عنده شوف عيني محد قالي الحين ماتقوليلي وين الوظايف عالعموم الله يوفق الجميع بس انا حبيت اقولج ان مو قاعدين يوظفون شنو يعني مايبون تخصصي ٤ اسنين شنو فايدة دراستي عشان اقعد بالبيت بس حسبي الله عليهم ونعم الوكيل ربي معاي ان شاءالله

 

[noran89]

امبيه !!! بس هذا ظلم شلون يوظفون المتخرجين الجدد و ما يوظفونكم !! ترى السالفة ما ينسكت عنها رفعي عليهم قضية هذا حقج اللي الدستور يكفله و انتي ادرى بالقانون مني . صج زعلتيني انا سمعت وايد بنات يتدلعون و يرفضون بس سالفتج صج تقهر . الله يعينج
و جربي بعد تطلبين يوظفونج بغير مسماج الوظيفي لأن تخصصي نادر خاص بالملاحة البحرية و قالولي غير مطلوب من اي وزارة قلتلهم ما ابي اشتغل فيه وظفوني بأي وزارة عادي . جربي يمكن فيه امل . الله وياج و اسفة إذا شككت بكلامج ما توقعت احد يصير وياه هالشي

 

[yam_yam]

الله يفتح لج باب رزق انشالله

 

[بنت الكويت العسل]

انا كنت متوقعه تخصص غير مطلوب نفس الدبلوم مال التامين قعدوا وايد تالي عضو حرك الدفعه كلها من سنه تقريبا
شوفوا عضوا لاتقعدون ترا مايسوون لكم شي

 

[زبــــــــدة]

حبيبتي الشهادة عزوة

ﻻ تلومين الحكومة والدولة !!!!! اللي عنده شهاده يشتغل على طول

انا حطوني بالنفط ﻻ واسطه وﻻ شي وباقل من سنه حطو اسمي بمكانين

فمالها شغل الحكومه

اللي عليج ان يكون عندج شهاده عشان تتوظفين بسرعه


والله يوفقج ويرزقج بالوظيفه اللي تتمنينها حبيبتي

 

[Loloki]

تذكرت شي حبيبتي . راجعي شركة الملا ترى كنت مقدمة من ثلاث شهور و توهم داقين علي يبون موظفة استقبال بس خلاص الحمد لله توظفت بالتربية فإعتذرت منهم . روحي فرعهم بشرق و صعدي فوق و قدمي . يمكن يدقون الحين و يمكن تنطرين نفسي كذا شهر . بس ما عليه حتى لو كملتي دراستج ترى عندهم بارت تايم يعني تدرسين و تشتغلين بنفس الوقت[/QU

رحت صارلي شهرين ورحت قدمت امتحان وزين ووقعت على اوراق وقالولي اذا تبين تستقلين يا تدفين معاش حق 3 شهور او تطاومين 3 شهور وينزل راتب. الحين انا ناطرتهم يدقون ومادقو