ماكينة خياطة

[ذكريات الطفوله]

مرحبا كويتيات

عندي هواية الأشغال اليدوية وعندي رغبة في شراء ماكينة خياطة
بس ما أعرف استخدمها
مع العلم اني خيطة حقيبة بالخام باليد

رحت حق كارفور ولقيت ماكينة brother

اشرايكم سهل استخدام الماكينه

ناطره ردودكم و مقترحاتكم

 

[بنت النوخذا]

هلا بالغاليه

بالعكس اشجعج وااااااااااايد
اخذي مكينه بسيطه يدويه او علي محرك كهربائي

و انتي علمي نفسك عليها مره علي مره
يعني عطي نفسك اول مره اسبوع
وكل اسبوع طوري من نفسك
و بعد شهر بتشوفين انك تعلمتي اكثر

وسلامتج

يبي لها مزاوله و تجربه

 

[فوز السعودية]

انا مكينتي جانوم واللي علمني عليها نفس صاحب المحل في البدايه كنت ما اعرف لها تشوفيني كل وقت اروح له ويعلمني عليها حتى اتقنتها والحين اي مفارش واعمال اسويها بنفسي بس المكينه اليدويه ما احسها تطول يعني خذي اللي تدوسين عليها بالرجل

 

[ذكريات الطفوله]

thanks
أنا قالي معاها dvd
يعلمج اشلون تشتغل

 

[لازورد]

هلا فيج

شوفي اذا شريتيها من محل المكاين بيعلمج اكيد اللي تشترين منه ونصيحه ابحثي عدل بالنت شوفي الانواع وهم على اليوتيوب شوف حاطين فيديوز عنهم وعن طريقة الاستخدام فيه انواع وان شاءالله تلاقين الماكينه اللي تناسبج وتدوم وياج وموفقه ياااااااااارب

 

[MADMAZIL]

أحسن مكينه جانوم انا شاريتها وماكنت اعرف استخدمها واللحين تعلمت معاها كتلوج والبايع يعلمج انتبهي ترى يغلون بسعره شاريتها بخمسين دينار

 

[Maybe_87]

حبوبة بالنسبة لي عندي جانوم

ومثل ما قالو البنات اللي بالمحل يعلمج عليها

وترى التعليم ع المكينة سهل ما يبي له شي

وإنتي روحي وشوفي شنو احتياجاتج من المكينة

واشتري على هالأساس

بالنسبة لي مكينتي خذيتها تقريبا بـــ 90

 

[ام عزيزان]

براذر تهبل وانا شاريتها من فتره من لولو هايبر

ووايد منزلين من سعرها الحين

انتي اخذي ارخص وحده لان هذى الابسط فيهم ومافيها تطريزات وايده

وايد سهله وما يبيلها شي

معاها الكتيب وفيه رسومات ويعلمج عليها

 

[ام عزيزان]

واي سؤال فيها ان شاء الله اساعدج عليها

 

[ALMooOooN]

اتوقع البنات كفوو و وفووو

انا ماعندي خبره

بس الممارسه اتييب الخبره

 

[Nokia N95]

ام عزيزان ....
المكينة اللي اخذتيها ... فيها دواسة ؟
لما رحت لهم .... قالوا لي مافيها

فبغيت اتأكد منج

 

[ام عزيزان]

اي وياها دواسه