ماكو حواااااااااااااار شسوي دايم يسكتني او يقول كيفج كيفج كيفج

[سموالاميره2009]

السلام عليكم..... عندي مشكله انشالله القى حل انا واللي مثلي ...طبعا الحياه متطلباتها كثيره واليهال اكثر واكثر ...والازواج يحتاجون مشاركه لبناء الاسره بس وين....انا زوزجي الحمدالله مو مقصر بسس فيه عيب ما يحب يتناقش او يقرر مصير احد من عياله سواء مدرسه او اي شي ودايم الاجابه انتي تصرفي...
وحتى الحوار العادي اللي مرات يكون على سالفه مني يسكتني,,,, انا تعبت احس الحياه سلبيه جذي اكيد لما يكبرون عيالي بصير مثل هالامهات المنهكات بالتربيه بروحهم...
اللي عندها طريقه حللوه افتحها معاه على طريقته تساعدني وياليت فقط المختصين والمجربين طرق سليمه يجاوبون.......وجزاكم الله خير.

 

[{ ليت ظني كآن صآيب }]

نفس المشكله

ريلي البطل الصامت .... و كل شي كيفج ومادري !

و مايتناقش باي موضوع سواء سلبي ولا ايجابي بس اهو جذي طبعه الشكوى لله

 

[فجر_الكويت]

رد : ماكو حواااااااااااااار شسوي دايم يسكتني او يقول كيفج كيفج كيفج

عسى ربي يهديه ب

س اتمنى ما يكون من هلأبهات الي يقط كل المسؤليات والتربيه عليج وبعدها اذا ارتكب احد الابناء خطأ يقولج تربيتج ويحملج المسؤلية

والله مادري شقولج بس حاولي اتناقشينه ان العيال مو بس عيالج بروحج هم اهو ابو وله واجبات وومسؤليات ووجهة نظر حول الابناء ولازم يدخل بتربية اعياله ما يصير بس انتي بروحج

وعسى ربي يصلح حالكم يارب

 

[ام شووووق]

رد : ماكو حواااااااااااااار شسوي دايم يسكتني او يقول كيفج كيفج كيفج

الله يهديه

 

[غيمه ظميانه]

رد : ماكو حواااااااااااااار شسوي دايم يسكتني او يقول كيفج كيفج كيفج

انا اقولج

حاولي تشيلين ايدج شويه عن المسؤوليات

انا قبل زوجي جذي كله مالي خلق كيفج سوي اللي تبينه

يوم تطعيمات عيالي اقوله تطعيم صارلها شهر يقول بعدين كيفج وديهم انتي يعني ابد ماكو مسؤوليه

وربح واااحد قلت خلاص اذا هاذي اولهها ينعاف تاليها باجر باكل هوا بالتدريس والمدارس مع العيال

خليتهم من غير تطعيم لمى الوزراه مالت الصحه دقوا عليه قالوا تطعيمات مطووفه واااجد

اخر شي حس على دمه وقام يهتم شوي علاقل شي افضل من لا شي



موفقه

 

[روحي تحبه غصب]

يمكن رلج من النوع اللي اتكالي من كان صغير

يعني ماعمره تحمل مسئولية شي

حاولي تخلينه يقوم بواجباته بنفسه من غير مايعتمد عليج

حتى لو تحسين انه برودته ترفع ضغطج اضغطي على نفسج وتحمل فتره وتعدي ان شاء الله

يمكن ريلج يبي وقت عشان يحس انه مسؤل عن عايله وله واجبات لازم يقوم فيها

 

[الـفـجـر الـبـعـيـد]

رد : ماكو حواااااااااااااار شسوي دايم يسكتني او يقول كيفج كيفج كيفج

المفروض من الاول تعودينه على مشاركة المسؤولية وايد رياييل جذي

من اول ياهل تخلينه يشتري له مستلزماته يوديه الطبيب معاج ولما يكبر يوديه بروحه

عشان يتعود يشيل الحمل معاج الحين مادري بس اذا عيالج كبار شوي خليهم يروحون

لابوهم يطلبون منه يشاركهم بكل شي يسولفون معاه شوي شوي يتعود

والله يهديه لج

 

[راعية الطويلة]

رد : ماكو حواااااااااااااار شسوي دايم يسكتني او يقول كيفج كيفج كيفج

خلي عيالج يتعلقون في أبوهم


و مباشرة منهم له

يطلبونه يوفي طلباتهم

بس طبعا باسلوب طيب و حلو

و الله يوفقج

 

[l7n_bdoo]

الله يهديه

 

[ياعيون مغليك]

رد : ماكو حواااااااااااااار شسوي دايم يسكتني او يقول كيفج كيفج كيفج

ياقلبي انتي
والله كأنج توصفين حالي قبل ست شهور
صج كنت اتعذب
كل شي تأخير
وكل شي يتأجل
والله اقول له ابي الجمعيه اليوم يوديني بعد 4 او خمس ايام
حياته كلها ديوانيه واسطبلات من يجي يبي حاجته وبينام
السوق شي غير مذكور بحياتي معاه
ابي اغراض ادق على سايق اهلي اروح اخلص اغراضي وهو ولا درا عني
لددرجة حتى مراجعاتي اروح مع امي مالي خلق انطره واخر شي يطوف موعدي

لما ازعل يقلب الدنيا ويحط الشمس بيد والقمر بيد بس لما ارضى يرد لحالته
بالحب يحبني وبالفلوس مو مقصر بس بالسوالف والدلع مقصر

ادق عليه اقول له بناتم عند اهلي يقول اوك كيفج
بسافر مع اهلي اوك كيفج
ماله كلمه بالمره
ولا كلمته وقلت له ليش جذي قال اسكتي اسكتي هذا وانا ابيج على راحتج

عرفت حله
اذا طلع من البيت انسااااااااااااااااااااااااااااااه
لا اتصال ولامسج لين اهو يتصل
لادق اول كلمة يسمعها اررحب اررحب
ولادخل علي البيت هليت ورحبت والاغاني اللي تفرفش
حتى اغاني طيور الجنه اغنيها له
عيوني تشتاقلو والقلب يغني لو حبيبي حبيبي حبيب قلبي ..... افديه بعمر كلووو
اهو هنيه يتشقق
ومن يدخل اسكر ابواب العتب
السوالف الزينه والطنازه على بنتي واقول له مواقفها وانا اضحك

لاجا من الدوام يا اني انوم بنتي او انزلها لعماتها تحت
ونقعد مع بعض شوي الطف الجو بعدين اساله تبي تنام اذا قال اي اشغل نفسي بشي مثلا لاب توب واقول له اذا بغيت مساج او شي لاتستحي نحن هنا لخدمتك

واذا قال لا ابطل التلفزيون واجيب له الريموت وانا اقعد عاللاب توب لين يناديني

اسبوع اسبوعين لين قمت اسحبه بشويش من ربعه
والحين كل طلباتي اطلبها على غشمره يعني حبيبي حياتي الله يخليك الله يوفقك انت ابونا مالنا غيرك اذا انت ماساعدتنا منو يساعدنا
نبي السوق

واذا جا يوم وماوداج قولي يالشرير حطمت امالي

الدنيا تساهيل وكل شي بالكلمه الطيبه تصير

 

[Miss McDonald]

رد : ماكو حواااااااااااااار شسوي دايم يسكتني او يقول كيفج كيفج كيفج

.




وعليكم السلآم ,

حبوبة الريآل بطبيعته سآكت والمرأة بطبيعتهآ تسولف !
انتي كلميه بأسلوب انثوي ! ونآقشيه بالأشيآء اللي يحبهآ > سياسة صيري سياسية > رياضة صيري رياضية !
واخذي رآيه ببعض الموآضيع سأليه انت شنو نظرتك شنو تشوفه الاحسن ..

 

[سارة ة]

الله يسخره لج

 

[تيوليب]

اب اب

 

[تيوليب]

عسى ربي يسخره لج

 

[عصفورة كويتيات]

انا مع الاخت ياعيون مغليك

 

[اشتياق]

حمددددددددددددي ربج يقول تصرفي عالاقل تخلصين امورج
انا اللي عندي لا يرحم ولا يخلي رحمة الله تنزل :|
كله يقول انا اروح انا اتصرف انا اسوي ومايسوي شي!!!