شوفي حبيبتي ,
انا اعرف وحده نفسج تحس نفسها بس مزهريه بين الناس ما تعرف تتكلم ولا لها شخصيه مع ان اهيا من واهيا صغيره لها شخصيه و ما تخاف من احد بس لمن كبرت انقلبت ,
قامت تقول لنفسها ليش انا ما عندي شخصيه ! و دايما تشوف حيات الناس غير والبنات كل وحده احلى من الثانيه واهيا ما تهتم بنفسها كلش !!
لا تعرف لا ما ركات ولا تعرف تلبس ولا تعرف تنقي لنفسها شيء ابدددددد
و بدت شوي شوي ,
قامت اول شيء حطت اسمها و ثقتها بنفسها جدامها وانها راح تطلع بالشكل اللي اهيا تبيه ,
ثاني شيء قامت لمن تختار ملابسها , يا على الموضه او الالوان اللي تعجبها و تخلي الناس تشاركها بإختياراتها , امها واختها صديقتها ,, وقامت تقط ملابسها القديمه و تحط بدالهم اليدد ,, و صارت تطلع بشكل حلو يوميا ,,
بعدين حست انها تبي تطلع بشكل احلى ,, قامت تجرب تحط كحله شوي ,, وبعدين شوي شوي قامت تقرا و تتعلم ..
حست كل اللي حولها يقولون لها ما شاء الله متغيره ,, و بعدها قامت تحاول تعطي رايها جدام الناس وتتكلم بشكل حلوو وتقنع اللي جدامها ,, وزاااااادت ثقتها بنفسها ,,
الحين اهلها لو بغوا يختارون الاذواق ينادوونها ,, غيرت من نفسها عدل ,, و قامت تقرا وايد عن الثقه بالنفس ,
والحين والله مو مستانسه وبس والله مستانسه لانها اثبتت وجودها بين الناس , قاموا الكل يقول ما تيي إلا فلانه وياهم ,, والكل يمدحها على تغيرها و قامت تتكلم معاهم بطريقه سلسه و حلوة .. و اهيا بسم الله عليها عندها اسلوب ما شاء الله , فعرفت شلون تكلمهم و تقنع اللي جدامها ,
و كونت صداقات وااااااايده و صار لها وجوود بينهم ,
و كانوا قبل بنات خالاتها مثل ما تقول انهم ما يكلمونها نهائيا و يتحاشونها اليوم وين ما يروحون ينادونها و قامت تطلع وياهم وساعا اهيا بعد تتكبر
..
بس شوووفي لو تبين ترضين الناس الناس ما تخلص !! و صدقيني باجر الناس تكبر و تنسا !!!
بس انتي ثقي بنفسج وخلج تكونين واثقه من نفسج من شكلج و شخصيتج ,
طوري من شخصيتج , وتطوري وتعرفي على اشياء يديده بحياتج تفيدج .,
واقري عن الموضه و عن المكياج
حاولي تغيرين من نفسج بين كل فتره وفتره ,
الحين بعلق على كلامج حبووبه وردي بيكون باللون الاحمر ,
مرحباا بناات
ماراح اطوول علييكم ,, بدخل بالموضووع على طول
بصراحه ماعندي ثقه بنفسي .. (( ليش ما عندج ثقه بنفسج ؟ صارت لج مشكله وانتي صغيره اكسرتج ؟ )) اي كلمه تكسرني (( ليش اي كلمه تكسرج ؟ ما تعرفين تردين ؟ وتسكتين اللي جدامج ؟ )) .. ويبين عليي بسسرعه ,,(( تبين ما يبين عليج ؟ سمعني من اذنج اليمنى و طلعيها من اليسرى و مالج شغل حتى لو كااان الكلام صج بس ابتسمي ابتسامه تطنز و طنشي )) شكلي يتغير ,, مااعرف البس شي(( تقدرين تتعلمين محد انولد يعرف يلبس ! إنتي لمن تروحين السوق اختاري ملابس متراكبه ويا بعض يعني مثلا اشتريتي سكارف عاجبج و ما عندج بدله تمشي وياه .. اشتري بلوزه نفس اللون و بنطرون جنز و الحجاب نفس اللون متراكب مع السكارف يعني انتي اقري عن الموضه وتعرفين !! ) وماسأل اللي قدامي شكلي حلو ؟ (( لا سآلي و لا خلي معاج منظره بعد بالجنطه متى ما حبيتي تطالعين نفسج طالعي )) فيني شي غلط ؟ (( ماكو انسان مافي شكله غلط ! والله ساعات تلقين وحده حلوة بس تحسين في شيء فيها غلط !! يعني هالسالفه عاديه )) تعبت من نفسي مافي ثققة بالمرره (( تبين تثقين بنفسج ؟ حطي يم المنظره ورقه مكتوب فيها انا حلوة والله مو قاعده اتظنز بس والله جربي كل يوم تقعدين طلي بالمنظره واقري هالكلمه وخليج مقتنعه .. ولمن تروحين الحمام عزج الله حطي ورقه قبل لا تدخلين اقري انا حلوة .. و انتي بغرفتج ولا قبل لا تنامين كتبي انا حلوة والله مع الايام راح تحسين نفسج احلى .. وساعات قعدي تآملي نفسج قولي مثلا شنو الاشياء من ملامحج حلوة ؟ عيونج خشمج بشرتج لون عيونج .. خلي بنظر نفسج حلوة ))
احاول اكوون عادي لا اسال والا شي بس مااقدر على نفسي ..
(( ما تقدرين لانج مو مقتنعه بشيء منج !! .. الاقتناع كنز .. ))
والله مرات لما اشوف البنات شلون يتكلمون عن نفسهم .. استغرب من ثقتهم بنفسسهم . اقول ي ليتت عنددي عالاقل نص هالثققه !!!
(( لان كل الناس عندها ثقه بنفسها بس انتي ما عندي !! لازم تطورين نفسج وانا بسآعدج إذا تبيه , انا مستعده اخليج تشوفين نفسج احلى من حليمه بولند وربعها , ترا انا اقول لج ساعات الثقه تعجبني اكثر من حليمه وتوابعها , لمن البنت تكون واثقه من نفسها تشوف نفسها احلى وحده .. ))
شسووي ,, ؟!
افيدووني
و آي شيء تبيه انا عندج كلميني بالخاص وبرد عليج , و إذا تبيني اساعدج بساعدج ,
اهم شيء اول شيء الاقتنـــــــــــــــآع ,, قنعي نفسج انج واثقه من نفسج .. سوو سالفه الورقه بكل مكان تروحين خليها جدامج .. والله راح تقتنعييين والله هذا شيء مهم حق اللي يبون ثقتهم ترجع ,
و حاولي بعد ما تقتنعين انج حلوة من ناحيه ملامحج و جسمج .. باقي شكلج اللي مو مقتنعه فيه !
اقري عن الموضه و اختاري الوانج بنفسج وباللبس اللي يناسبج لا تاخذين وسيع وانتي ضعيفه ولا تاخذين ضيج وانتي متينه ..
مكياجج خليه خفيفو لا تحطين وايد و تعلمي شلون تحطين مكيااج خفيف في وايد مواضيع حلوة بـ قسم المكياج والعطور
حاولي تغيرين من نفسج و تختارين الالوان المناسبه لملامحج ,,
اتمنى فهمتي لي , واي شيء انا حاظره ,
