مافي بنت بكويتيات ماتتمنى ان هالشي يرجع !

[Dr.rooz]

مساء الخير

شلونكم كويتيات ؟
انا بتحلطم و اطلع كلام جذي جذي مغموت بقلبي و الاغلبيه متضايق منه و انا هم مضايقني انا لي 3 سنين بالمنتدى و دايم ادخله والله احبه حيل حيل و احب عضواته و احب افيدهم بس المنتدى كثرانه فيه العضوات الدعائيه الي تشارك عشان تعرض منتج جايبته من المريخ او منتج امريكي غير العدد الكبير من المواضيع المنقوله مو حلوو ابد ابد

فقدنا مزيونة و شقرة و مواضيعها و مس انجل و انل و داهيه مطير و سالم الروح فقدنا بنات وايد وينهم ؟ اوك الناس الحين اتجهت للانستغرام و تويتر بس هم لنا حاجه للمنتديات .
ف احنا م نبي نييب اانحاسه بينا ننبي نرد المنتدى لامجاده ف ي ليت نلقى مواضيع جديده و مجربه مو كوبي بست و بس جذي ولهت ع ايام اول و قلت هالكلام

 

[الريم اللعوب]

معك حق والله صار المنتدى ميت

ووووين كويتيات اول اشتقت له وللحماسه

 

[فجرر]

بنات والله انا كنت ابي اطلع من المنتدى خروج نهائي بس في شي يشدني للمنتدى
احبببب الاهتماااااام حيييييييل
لاني انا كنت 4 سنوات بهالمنتدى وفقدت التشجيع الي قبل والحمااااس
فرررق فرقق شو السبب الله اعلم !

 

[الفتاة الثلجية]

ولله صادقه
وعلى فكره ترى أغلب المنتديات ماتت او سكرت بسبب تويتر وانستغرام
ما بقى غير اللي صدق يشد المتابعين
بس تويتر وانستغرام مافيهم تفاعل بين الاعضاء مثل المنتديات انا اشوف كله سب وهواش على الصور
و المنتدى تقدر تكتب فيه بتوسع تقدر تطرح موضوع مترابط
ياليت يرد منتدنا مثل ما كان واحسن

 

[جامعيه طموحه]

اي والله هالشي يضايق حيل كم مره ادش اقسام القى وحده مسجله حاطه 4 او 5 مواضيع ورا بعض كلهم بس اعلانات !

شي يلوع الجبد صراحه وانا اصلآ سجلت في المنتدى بس عشانه يونس والمواضيع الحلوه الي فيه والبنات واهتمامهم وعقب ما سجلت انصدمت انه محد مهتم نادر الي تدش و تكتب مواضيع

 

[متواضعة]

صاجه حبيبتي

 

[ضــمــاد]

انا معاج ،، اتمنى يرجعون البنات ويرجع المنتدى مثل قبل وأحسن

وأتمنى الاداره تنتبه للمنتدى لانه هذي مسؤوليتها وأي شي يعرض فيه الله بيحاسبها. عليه

مو معقوله مواضيع *** عيني عينك اشكره علني !

هذا غير المواضيع الغير اخلاقيه والاسلوب الفاحش !

وين الاداره عن هالمواضيع ، المنتدى أكيد في بنات صغار و مراهقات

يعني لازم يكون في رقابه واهتمام. للمواضيع اللي تنزل

 

[زهرا_*]

معاج حق والله
انا من ناحيتي احاول اساعد الاعضاء و افرح اذا شفت استفسار
و ان شاء الله بنزل تجاربي

 

[مالك لزوم]

أنـأ معـأجج بعدد .. : )

 

[فديت خبآلي]

اي والله معاكم حق بنات وين المنتدى قبل انا قبل ما سجلت بالمنتدى بس كنت ادخله بين فترات قريبة واقرا تجاربكم وحماسكم ونصايحكم لبعض بس تو ما صكيت شنه مسجله في والحين صاير المنتدى بس حق البيع وكل وحدة تقول تعالي عندي واشتري منتجاتي وشوفي الزين قبل نصايح اهتمام وناسة حماس الحين من بعد التويتر والانستغرام كل شي مات بهالمنتدى بس في بنات بعضهم ماعندهم لا تويتر ولا انستغرام لا تقولون الكل عنده انتي شايفه اللي عندج بس ماتدرين عن الغير لكن والله المنتدى صار ميت ياريت يرد مثل اول لا وصراحه الاخت ضماد صحيح كلامها جم مره اقرا وحدة كاتبه مواضيع قليلة ادب لانه هني في يهال بالمنتدى مو بس كبار لا وكاتبه 18+ انا بنت صغيره مو متزو

 

[فديت خبآلي]

اي والله معاكم حق بنات وين المنتدى قبل انا قبل ما سجلت بالمنتدى بس كنت ادخله بين فترات قريبة واقرا تجاربكم وحماسكم ونصايحكم لبعض بس تو ما صكيت شنه مسجله في والحين صاير المنتدى بس حق البيع وكل وحدة تقول تعالي عندي واشتري منتجاتي وشوفي الزين قبل نصايح اهتمام وناسة حماس الحين من بعد التويتر والانستغرام كل شي مات بهالمنتدى بس في بنات بعضهم ماعندهم لا تويتر ولا انستغرام لا تقولون الكل عنده انتي شايفه اللي عندج بس ماتدرين عن الغير لكن والله المنتدى صار ميت ياريت يرد مثل اول لا وصراحه الاخت ضماد صحيح كلامها جم مره اقرا وحدة كاتبه مواضيع قليلة ادب لانه هني في يهال بالمنتدى مو بس كبار لا وكاتبه 18+بس صراحة المراهقات والصغار بينشدون لهالمواضيع لانها يديدة عليهم اكيد محد عدهم فبيبطلونهم وانا بنت مو متزوجه عمري والله 19 انحرجت لمن شفت شي جذي والرابط بس تضغطين عليه يبطل يعني اشكره حاطتلجياه عيب والله عيب ممكن اي مراهقه تنحرف من عقب هالاشياء والسبة هي اللي حاطة هالمواضيع يعني وربي حتى فشلة تكتب اشياء جذي يا ريت بس الادارة تنشع المنتدى الوصع صار ما ينسكت عنه