مافي بطن :(

[فروح]

السسلام عليكم ..

بنات انا حامل ولي الحين 14 اسبوع .. قبل اسبوع سويت سونار وكل شي كان تماام وشفت البيبي وسمعت دقات القلب ..

الي خايفه منه ان مالي بطن خير شر .. يعني مراات بطني تبين وااحس حامل ومراات والله مااحسس بشي .. اليوم قعدت مافي بطن خير شر مااحس داخلها شي ..


انا خاايفه .. يعني هذا طبيعي ولا شنو .. لان انا مرره سقطت ولقوا البيبي ميت يعني من غير اعراض تسقيط شاافوه بالسونار .. الله لايقولها ويصير معاي جذي مرره ثاانيه ..

ابي خبرتكم وتجااربكم بلييز بناات .. والي مااعندها فكرره ترفع الموضوع فديتكم :eh_s(7):​

 

[حباااري]

حبوبه عادي دام كل شي زين لا اتحاتين والله انا لي الخامس ياالله بين بطني

 

[فروح]

^^

شكراا ع ردج حبيبتي .. يــأأرب كل شي تماام

 

[أوراق مبعثره !]

حبيبتي انا الحين بالسابع واللي يشوفني مايدري اني حامل توه طالعتلي كرشه صغيره حيل ساعات البطن يكون بالعرض مو بالطول لي بره  بدام كل شي تمام لا تحاتين الله يسهل عليج 

 

[لوفيه]

مستعيله حدج عالكروشه لاااااحقه عالثقل

والحمدلله دام تطمنتي عليه وعسى ربي يثبته

يالله عليج بالكريمات تدهني لا تطلعلج تشققات بالبطن

موووفقه

 

[اوراق التوت]

عادي امس شفت واحده بالعيادة وكنت اتكلم وسالتها بشهرك الكم على بالي بتقول ثاني ثالث ماشاء الله عليها قالت بالسابع
يعني تطمني وباذن الله مافيك الا العافية

 

[فروح]

لا والله مو مستعيله بسس خايفه ..

فديتكم شكرا ع الردوود ريحتووني ...

 

[امواج الكويت]

من صجج انا بالثامن وبطني صغير حيل والكل يقولون ليش صغير

احسن عشان ما ابتلش بالكرشه بعدين

 

[((غلاي))]

الله يتمم عليج

عادي اختي وايد حمل و بالتاسع بعد و بطنهم صغير مو مبين كلش

 

[c a t w o m a n]

وي حبيبتي عادي لا توسوسين و تفكرين وايد شكثر بنات أعرفهم بحمالهم مالهم بطن واذا لبسوا وسيع شوي تقولين مو حامل لا اله الا الله

بعدين البطن الصغير طبيعي خصوصا لي كنتي بجر

والبطن العنونو أفضل حق بعد الولادة

والله يتمم عليج بتسع شهور كامله وتقومين بالسلامة

 

[Eng.Kokoro]

عااااااااااادي انا بالسابع بين كانت صغيرره خخخخخخخ

شكله البيبي نتفههههههه 

الله يهون عليج ويقووومج بالسلامه لا تخافين في حريم حملهم خواصر يصيرون بالعرض هذي انا جذي وهم يقولون بطن الولد غير عن البنت

 

[بنوته كذا]

شقول عني انا بدخل شهري وكل من شافني يقول مو باين والله انقهر ابي بطن كبيره ع شان احس اني حامل هههههههههههه

بس عادي انا اربع شهور مافي بطن شوي بس ماطلعت الا من السابع عاااادي

 

[MiSS B.K]

الله يسهل عليج ويقومج بالسلامه

 

[ضحاوي الديره]

عادي انا بطني مابين غير بالسابع وكان نتيييييييييفه ماينشاف الا لي لبست ضيج اما بالوسيع اللي يشوفني يقول مو حامل
بس تدرين احسسسسسن والله
انا الحين نفاس والحمدلله رد بطني نفس قبل واحسن بعد

 

[توفـــا]

تو الناس لاحقين ان شاءلله

 

[ام الحلوااات]

عـــااادي لا تـــحـــاااتـــيـــن الـــبـــجــــر مـــا يــبــيــن عــــلــيـــهـــا الـــبــطـــن
انـــا بــيـــن عـــلـــي بـــاالــــســـاااابـــع
اللـــه يــتــمــم عــلــيـــج ويــقـــومـــج بــاالــســلامــه انــتــي والــبــيــبــي

 

[فروح]

فديتكم والله مشكوره ع كلامكم العسسل ،، ريحتوني ،، انا كنت احاتي ان فيه شي مو طبيعي

 

[batool H]

خخ تصدقين رفيجتي توها امس تقولي مو باين السادس كانج بالثاني ووايد عليج
عادي ان شاء الله خير

 

[فلور]

بـ اخر السابع يبين
انا الحين بالثآمن وصاير كوره صغير

 

[فروح]

شكراا حباايبي ان شاءالله تولدون بالسسلامه : )