مافيه ماي حول البيبي شسوي

[لهفة المشتاقه]

بنات

رحت اسوي اشوف شنو جنس البيبي بنت او ولد

انصدمت قالو مافيه ماي حول البيبي يمكن من الكلي الاعضا الداخليه مشوهه واحتمال كبير اجهاض<<<كلام دكتوره فوزيه القطان

وقالت روحي لدكتوره ماجده وعطتني تقرير رحت مالقيتها قالو باجر تكون موجوده حدي خايفه

ورحت لدكتوره مني موسي بمستشفي طيبه قالت مافيه ماي لاتضايقين باجر اسويلج سونار وان شالله مافيج الا الخير


بنات ساعدوووووني تكفوووون وين ارووووح الصباح والا وين منو صار فيها نفسي وصار زين الجنين

 

[كلي شموخ4]

لا تخافي واتكلي على الله انا مثلك كان ماء الجنين ناقص كثير وخافوا الدكاترة نصحوني أهلي بماء زمزم والحمد لله شهرين وصار طبيعي مع اكل قليل جداً من المرة كل اسبوع قالي عنها احد المشايخ جزاه الله خير وتذكير بان سهام الليل لاتخطئ صلي في السحر وداعي الله وتأكيد ان الله لا يرد دعوة عبدة والله يقوم كـ بالسلامة

 

[ام فطوووم]

انشالله خير حبيبتي
ادعي ربج انشالله مافيج الا العافيه
روحي مستشفى اللي تابعتله
العدان الصباح او الفروانيه
مافي احسن من تشخيصهم وودي التقرير معاج
باجر روحي الطواريء

 

[لهفة المشتاقه]

بنات تتوقعووون في امل هي خرعتني قالت

اجهاض وانا بالشهر الرابع اسبوع الياي ادخل الخامس

شكلي باجر الصبح برووووح الصباح ماادري العدان ماارتاح له

تكفوووون ادعوووولي حدي محتاجه دعائكم

 

[زين ودلال]

عسى الله يطمن قلبج ان شاء الله ومايكون فيه الا العافيه يارب

 

[ام الحلوااات]

اللــــه يـــطـــمــــن قـــلـــبـــــج ويـــثــــبـــت حـــمــــلـــــج

 

[مسك وطيب]

الله يطمن قلبج ويثبت حملج يارب

كثري من الاستغفار ربي بيفرجها

 

[auoma]

الله يطمن قلبج ومايضيع تعبج يارب
روحي الصباح لان عندهم احسن الاستشارين وان شاءالله يطمنونج

 

[كتالونيه]

لاتحاتين
وتطمني
عليج بشرب ماء زمزم لانه فعلا
يزيد ماء الجنين
واكثري من الاستغفار
الله يثبته يااارب

 

[أملي بعد الله]

شربي ماي زمزم واااااايد حتى لو عندج قرشة صغيرة خذي لج القراش العودة حيل وعبيها ماي صحة عادي وتالي زيديه من ماي زمزم

لأنه رح ينخلط وياه فوراً ويكتسب خواصه وفوايده

ماعليج شر حبيبتي واسم الله على ظناج من التشوه الله يطمن قلبج ويثبته ويعافيه ويزيد الماي حوله للمعدل الطبيعي آآآآآآمين يارب العالمين

ادعيلي