مافيه حليب من تسع بالليل الى 6 الصبح توقيت صح كل يوم كل يوم

[kingq8q8]

السلام عليكم

مافي احد يبرد جبدي غيركم

بناتي عمرهم 8 شهور وينامون مبجر ماشاءالله طبعا طول اليوم قاعدين يرضعون وينامون 10

دقايق ويقعدون وياكلون زين

المشكله اللي مضيقه خلقي وتحسسني بتانيب الضمير ان اذا نامو اسم الله عليهم مايقعدون الا

الصبح وطول الليل نايمين ولايشربون حليب ابد ابد

حاولت اقعدهم بالليل وارضعهم مايرضعون الا رقم او رقمين بالكثير واحيانا يخلون الرضعه

بنات هالشي طبيعي مايأثر على وزنهم اخاف يصير ضعاف

والله تعقدت كل يوم اتحلط على هالسالفه

للعلم بناتي بالنهار نومهم حده نص ساعه

 

[حلا الأحساء]

عادي الطفل متى ماجاع يصحى

نايمات وتصحيهم وش لك بعوار الراس
دام نشاطهم ونموهم طبيعي لاتحاتين ولاشي

 

[PuPa^^SWeeT]

غلط اتقعدين الطفل علشان رضعة


اكيد مو يوعان



بس انا قالي دكتوور رضعة الليل مو زينة للطفل بالعموم اتسبب غازات

وشراهة بالاكل بعدييين

 

[kingq8q8]

عادي الطفل متى ماجاع يصحى

نايمات وتصحيهم وش لك بعوار الراس
دام نشاطهم ونموهم طبيعي لاتحاتين ولاشي

ههههههههههههه اي والله وش لي بوجع الراس

بس خفت عليهم من الجوووووع



اشدعوواااا 22 مشاهده بس اطلطلون وتطلعوون

 

[طيبة83]

لا
لا تقعدينهم دام طافوا الست شهور وابتدوا ياكلون ما يحتاجون رضعه الليل

في النهار عطيهم ٣ رعضعات ٢١٠ مل او ٧ ارقام

 

[فتون777]

الله يخليهم لك ويحفضهم

بس انتي جربتي وقعدتيهم هم مايشربون
يعني شبعانين
لاتحاتين مدام ما يبكون يعني شبعانين

 

[عبير الورود]

أنا كمان نفس المشكلة بس بنتي خمس شهور الحل يا بنات مررره قلقانه عليها أحسها ضعيفه عجزت أسوي واكب للي عندها حل تنقضنا وشكرا لصاحبة الموضوع والله يحفظ لك بناتك

 

[ام الحلوااات]

وضـــعــهــم طـبـيــعـــي لا تــحـــااتــيـــن
لـــوجــووعـــانــات كـــان صــجــو راااســـج بــاالــبــجـــي
مـــا نـــااامــــــو للـــصــبـــح​

 

[ام غازي 2012]

عادي بنات لو كل ساعه ترضعونهم رقم عادي
او كل ساعتين رقم ونص

انا قالي الدكتور
لا تثقلين علي ولدج بالحليب بليل
بس انا ولدي لانه تعبان حيل صدره متنك

 

[كنوشة 2009]

بالعكس طبيعي واحسن شي الطفل ما يشرب حليب بالليل
انا عيالي لما كانو صغار اذا قامو بالليل اعطيهم
ماء او شاي ملبو ولا اعطيهم حليب
الا الصبح على الساعة 5 او6

 

["دلوعة حبيبي"]

ماشاءالله تبارك الرحمن نوم بناتك مررره كويس بهالعمر ..
واساسا البيبي متى ما جاع صحى و موزين تصحيهم اصلا تخفين راسهم على قولة الكبار ..
تعوذي من ابليس وتوسدي المخده وناااااااااااااااااااااااااامي معاهم .. انتي بنعمه ماشاءالله ..
انا اولادي ما اعتدل نومهم الا بطلعة روحي لين عمر السنه ونص كان نومهم معفوووووس ..

 

[أمـ مبارك]

عاااادي حياتي


اذا جاعوا اكيد بيقعدون يبكون

الحمدالله دامهم يرضعون وياكلون بالنهاز زين لاتخافين عليهم

 

["*آآآنؤؤؤقهـ*"]

الدكتور قالي ايام بنتي حطي الرضعه بحلجها وهي نايمه

اذا جوعانه بترضعع تمص

واذا مو جوعانه ماراح تبطل حلجها كلش

وفعلااااا صح كلامه

سبحان الله الطفل يشرب وهو نايم

والله يخليهم لج


وانتي اكيد مشبعتهم قبل لاينامون والحمدلله امورهم طبيعيه

 

[*kim*]

اخر رضعه قبل ماينامون حطي ربع كسرة بسكوت فارليز بالرضعه عشان تشبعهم