ماعندي صديقات

[بطة فوشيه]

السلام عليكم ورحمة الله وبركاتة
اخباركم بنات
بنات حدددددددى متضايقه لانو ماعندى صديقات ماعندي الا وحدة ومانة علي ماترد وماتزورني احسها ماتبي تتواصل انا محتاجة صديقات وربي احس كنى منبوذة بالمجتمع ماعندي صاحبات
زهقت ومليت خواتي كلة لاهين مع العيال حاولت القط صديقات بس احس اشلون اكون ربع وربي محتاجة لفضفضه :eh_s(16):

 

[rose2012]

تعرفي على حريم منطقتكم من المسيد مثلا او المناسبات روحي عزايم و نوادي

 

[دلوعةمآمآ]

وعليكم السلام ورحمة الله وبركاته

حبيبتي مايحتااج كل هالضيقه قولي الحمدلله

عاادي جداً تكوني صداقه ,مثلاً تتعرفين على جيرانكم او زوجات اصحاب زوجك او بالعممل إذا موظفه

تعزميهم وتتواصلي معاهم وشوي شوي تصيروا اصحااب اهم شيء تختارين الصُحبه الصالحه

الله يسعدك ويرزقك بــ صديقات صالحات يغنونك عن كل شيء ...

 

[M!SS.LOBY]

ماله داعي تتضايقين ما في شئ يسوى يكدر خاطرج ويضايقج للدرجة هذي
الحل عندج بس ما تعرفين تشغلين عقلج وتفكيرج للأسف؟؟
حاولي تتعرفين وتطلعين مع بنات نفس ما قالوا الخوات بالمسيد بالحلقات الايمانية بالمجالس الاجتماعية
بنات الجيران عندج وايد............. إلخ

 

[زوجة حياتي]

الحال من بعضه الله المستعان

 

[*E.B.D.A.3*]

انا نفسج بالضبط
يعني حتى صديقتي الروح بالروح ، خلاص تنكرت لي !!
لا ترد علي وساحبة اشكره وسحبت صديقتنا الثانية عني ...
مادري شالسبب الصراحة ،
بس الموضوع بلش من بديت ابلش اشتغل على حياتي وبديت انجح
احس من داخل، الموضوع حسد .. وقاعد ينعصر قلبي شلون تخلوا عني بوقت نجاحي !!

واي قاعده افضفض وقت الي انتي تبين حل
بس المهم الحين ...
كان عندي صديقه سطحية، قدرت اتقرب منها من سؤالي عليها كل يوم وانا هذا مو طبعي كلش
لاني احس قام اقط ويهي .. بس كسرت شوية من كبريائي وقمت اسال
حتى عزمتها وانا مالي خلق اشوف بشر تخيلي ! بس هم قلت بكسر كبريائي ..
وفعلا مشى الموضوع بينا .. وبدينا نفضفض شوي شوي حق بعض
وعمرها طويل !!!! كاااااااااك تو دازتلي مسج تقولي شكثر اهيه مرتاحه مني ومستانسة !! هههههه
موضوعنا تقريبا ماصارله اسبوعين من بلشنا فعلا نتشارك بهموم بعض

فأتوقع ،، لو تسوين نفس الشي هم راح تكسبين صديقات ..

 

[مطرر]

الله يرزقني بصديقه وفيه لان عايلتنا صغيره والله يبنات اشتري اشياء ولا البسها وتم سنين عندي لان ماكو لامناسبات لاجمعات الا من عيد لي عيد الحين قاعده افكر اسوي صداقات ودي يصير عزايم شي جذي عالاقل الواحد يطلع طاقته ويكشخ بين حريم واهله وعلا قولت العضوه الي فوقي والله احس مرات ان انزل من كبريائي صج وتواصل مع بنات حت لو قصرو ومن داخلي اقول شخادك عالم. فترد علي نفسي الي امرًمنه هههه

 

[غرووورالبدر]

حبيبتي لازم تعرفي انه انتي لازم تعطي تأخذي اقصد انج اهتمي بلحوليج , لين لقيتيي بينه واتأكدتي انو مزاجها من مزاجكك حاولي اتكلمي معاها خذي رقم هاتفاها واتكلمي معاها , مره قولي ليها عزامج علي مطعم او تعالي لعندي في البيت جذي بتصير رفيجتج
اعطي الاهتمام والحب بتحصلي عليه
وربي يوووفقج بخير الصديقات ان شاءالله يارب

 

[M!SS.LOBY]

الله يووووفقج

 

[يالله الخيرهـ]

شتبين بالصديقات بهالزمن مافي شخص يستحق تفتح قلبك له

 

[مولاي الفرج]

حبيبتي البنات اللي تحبينهم سئلي عنهم

اما سوالف 24 ساعه صديقات ما انصحج

 

[جيتارا]

حبيبتي والله


انا بكون ربيعتج وربيعه كل وحدة تبا صداقتي



لا تقولين أنج بروحج

 

[زيتونا]

تعرفي على بنات جرانكم او بمدرستج او بالشغل

كوني اجتماعية ، لانه اكثر شي عنده اصدقاء يكون انسان اجتماعي
يحب يسولف، ياخذ ويعطي ويشارك

اخذي واعطي وايد وشارركي واطلعي اذا عزموكم