ماعندي شي اسويه بالبيت ؟؟؟

[march]

السلام عليكم بنات
كيفكم؟
ابي مساعدتكم انا بنت عمري 32 سنة وجالسة حاليا بالبيت كنت اشتغل بس صراحة تعبت وقرفت ومشاكل مو موضوعنا المهم مو متعودة ع البيت وابي اسوي لي برنامج حلو بالبيت استفيد من وقتي فاابي افكاركم ولو وحدة متلي بالبيت تقللنا شو تسوي بكل الوقت طبعا احنا ماعندنا خدامة وكل شغل البيت اتقاسمه انا واختي ...ع اي حال ابي افكار ومشاركاتكم لاشياء تفيد وقتي واكون لكم شاكرة ولو تفاصيل ياريت وشكرا

 

[M!SS.LOBY]

عندج التنظيف والسجاد والطباخ والغسيل يضيع الوقت

وكذلك عندج كتب دينيه او اجتماعية او عاطفية او ثقافة عامة مسلية ومفيدة بنفس الوقت

وعندج صنع الاجواء بالبيت او بالاخص غرفة المعيشة اللي تقعدون فيها لازم تضبطونها من ناحية الصبغ والاثاث والكنب لازم يكون مريح

مع القهوة والشاي ومتابعة المسلسلات

ولاتنسين من ناحية الدينية قرأة القرأن والادعية والاستغفار كل يوم تأخذين من وقتج للعبادة

وعندج المنتديات المفيدة والبرامج المطورة للتواصل الاجتماعي مسلية وتضيع الوقت .

 

[Shinexo]

تطوعي في مكآن ,

سويلج مشروع صغيرون ف آلبيت تربحين من ورآه جم دينآر منهآ تضيعين وقتج منهآ تستفيدين ,

 

[@@نور الدنيا@@]

بعد كل صلاه اقرري قراان وواضبي ع الاذكاار ها كله ان شاء الله بيشل عنج الملل ..و بما ان ما عندج خداامه ها برووحه يشيل الملل عنج .. منها تشتغلين ومنها تسووين رياضه ههههههههههههههه .. و شوفي براامج ع التي في و اقري مجلات و افتحي النت و اطلعي براا زوري اهللج غيري جوو و اقعدي مع اهلج و ان شاء الله يااارب ربي بيرزقج بالزوووج الصالح اللي تحبيه و يحبج عاجلااا غير اجل

تقبلي مروووري ..

 

[ريووومي]

اختي مافي مثل العباده
الرسول يقول بما في معناه ( نعمتان مغبون فيها كثير من الناس الصحه والفراغ)
اختي حطي في بالج الله عطاج فراغ وفضاج من كل شي عشان تعبدينه
حاولي تسوين حركه دايم يمدحونها المشايخ وهي انتظار الصلاه بعد الصلاه
يعني مثلا قعدي من بعد صلاة المغرب ذكر وقران لييييييين صلاة العشا وقيل ان لها فضل ودلاله عظيمه
الله ييسرلج كل خير يارب

 

[عـيّــآره]

صلو على النبي بنات الفروض الخمس مالنا غناة عنها وهاي شي طبيعي كلنا نلتزم فيه

شنو يعني حياتها كلها تنظيف بيت وحمام وطبخ ؟؟

اذا الرسول صلي الله عليه وسلم كان عنده وقت للدين ولنفسه ولزوجاته وللصحابه

رضوان الله عليهم يسولف ويضحك ويسوي الاشيا اللي يحبها

اذا انتي موحابه الشغل باوقات رسميه خذي لج دورات تجميل ولا كمبيوتر ولاحتى

دورات طبخ

صيري خبيره تجميل تدخلين ذهب تسلي بوقتج لاتدفنين نفسج بالحيا شوفي شنو

الشي الاقرب لج وحاولي تنمينه




​

 

[Huda alotaibi]

حسبنا الله سيؤتينا الله من فضله إنا إلى الله راغبون

 

[a7lami_]

دوري وظيفه جديده,, جلسة البيت تجيب الهم والله

 

[جوري الصالح]

تـــــــــطوعي عــــــمل خيري

او


قدمي اشتــــــراك بالنادي ريـــــــاضي مفيد

 

[فتوشه كويتيه]

حبيبتي شوفي شنو الشي اللي تحبين تسوينه مثل مشروع .. في مجال دشي دورات .. نادي .. تابعي مسلسلات .. وصلي الفروض والنوافل واقري قران وايد وادعي ربج
الله يرزقج بالزوج الصالح ويسعد قلبج ويزيل همج امين يارب