ماعندي شخصيه ولاكرامه ..ساعدوني

[ice box]

عارفه بتقولون عني تافهه بس شسوي

بنات انا خطيبي دايم يبي يمشي كلامه علي
وان تناقشت وياه يقولي لاتصارخين علي
وانا مااصارخ بس اتناقش
يبيني اصير وحده هبله ساكته واهو اللي يتكلم , ومخلي امه تتدخل في كل اصغيره واكبيره
صحيح انها امه وعلى عيني وراسي بس مولهالدرجه
يحسسني انه ياهل وامه اللي تتحكم فيه
وين رجولته , لاعت جبدي
ودايما دايما يزعلني وانا اللي اراضيه
بس خلاص طفح الكيل وابي تصير عندي كرامه زي الناس
وانا من النوع اللي اذا زعلت امرض
والله والله لوتشوفوني تقولون هيكل عضمي
ايدي حارتني وابي ارسل له مسج واراضيه مع انه وقسم بالله اهو اللي مزعلني وصارخ علي بس انا غبيه شسوي بعمري وعلى نياتي
ابيكم تهزأوني وتنصحوني وتخلون عندي شخصيه اشوي وكرامه , ابيه يتحرك اشوي ويعتدرلي
ابي اثقل عليه , مالت على هبالتي
نفسيتي تعبت منه , يعني لومااخاف على ابوي يصير فيه شي والا جان تطلقت منه وارتحت :eh_s(2):

 

[كنووووور]

الله يسخره لج يارب
وبعدين حاولي تشغلين بالج بشي ثاني ترى تعلقج فيه اهو اللي يخليه جذي مايهتم لامرج
احقريه طلعي استانسي قعدي على المنتدى دخلى الحمام وانت بكرامه اخذيلج شور
قولي لنفسج ليش مو اهو اللي يراضيني ليش مو اهواللي يبادر ليش كله انا انا مو اقل من البنات السنعات اللي تقدر تسيطر على نفسها (( قوي نفسج بالكلام مع نفسج ))
اقري بالمنتدي عن الاستشارات الزوجيه ثقفي روحج اقري تجارب البنات اللي ثقلوا وشلون كسبو رياجيلهم بالثقل والغموض راح يعطيج دافع اكثر انج تثقيلن وتصيرعندج اراده حبوبه يومين بس حقريه واستغفري وراح يتأسف لج
كثري اسسسسسسستغفاااار اشغلي لسانج بالاستغفار والله يهديه لج ويصب بقلبه محبتج صباصبا
واتمنى اني فدتج ومابي الا دعائج ان الله يحقق اللي في بالي

 

[غمزه وإبتسامه]

الله يسخركم لبعض

اقول رجلج على ماتعوديه لا تعودينه يزعلج وانتي تردين هذا البداايه اتعبي فيهاا عشاان ترتاحين بعدين صيري قووويه عشان انتي عندج كرامه واراده وشخصيه وهذا الميدان يااحميداان
وليش تراضينه ؟ وادزين مسج ؟
انتي اصلا تقولين ودي اتطلق وان حقرتيه وزعلتي عدل يااشيئين ممكن يصيرون وكلهم بصااالحج شنو ؟

رااح يتعدل ويتسنع ويعرف قدرج
او
رااح يخليج ويفسخ الخطبه لانه مو زين وانتي ماتبينه وبكل الحالتين انتي ربحانه
قوي نفسج وقولي اناااا لو ذليت نفسي له الحين بيقعد يذلني طووول العمر
وان خليته الحين احسن من انه يذلني بعدين وارجع ومعاي عيااال
وان شاء الله بيرااااضيج بس انتي لا ادززين له مسج وخليه يـتأأأسف ويعرف قدرج ​

 

[روحي زوجي]

رد : ماعندي شخصيه ولاكرامه ..ساعدوني

شوفي بتدقين تراضينه راضيه بس حطي ببالج انها اخر مره شي مايستاهل اتنازل عنه وانتي قوليله لازم تنازل عن توافه الامور

وعن الشخصيه تبينه يفرض شخصيته على امه مايصير حبيبتي الرجال رجال بس مو على امه وترا اغلب الرجاجيل يقولون لامهم كل شي يعني امه وربته ومعاه من كان صغير فشي طبيعي يقولها هذي امه<<< ابتعدي عن هالشي

والخلافات اتوقع خلافات تافهه وشكلج على نيتي مسأله عاديه خليتي منها زعله حبيبتي مايصير عيشي حياتج مو كل شي تسمعينه بتزعلين منه
مسأله ماتستاهل احرق عمري علشانها اتغاضاها خلي الحياة تمشي لو ابي ازعل واكبر السوالف واتطلق هل بلقى احسن من زوجي شدراني يمكن اخذ شايب ولا اطيح بحظ نفسي <<< ركزي

الرجال مختلفه وصدقيني الطيبون للطيبات والخبيثون للخبيثات اذا انتي طيبه الله يحبج ويرزقج بطيب واذا ماكنتي جذي عيشي على النيه وارتاحي والله يوفقج

مااقدر اكتب اكثر من جذي لانها مسأله طويله تبين اي شي مني طرشي لي عالخاص وعسى الله يوفقج معاه ويهديكم لبعض

 

[monmon12]

حبيبتي مااكو غيره ريل
مع السلاااامه يشوف شر ترى انتي بخطبه وعل البر ماكو شي يلزمج عيل بالزاج شبسوي؟؟
قوليله اتي اسلوبك مو عاجبني
بس أخاف تناجرينه واااايد وتحنين على رااسه؟؟ ههههههه

 

[ice box]

رد : ماعندي شخصيه ولاكرامه ..ساعدوني

مشكورين على وقفتكم معاي
ربي يصبرني عليه
بشوف شنو اخرتها معاه بحقره لين اقول بسسسسسسس

 

[الأميرة جوري]

رد : ماعندي شخصيه ولاكرامه ..ساعدوني

الله يسخره لج

بس دايما باول الطريج يحاول الزوج يفرض شخصيته وكلمته اهى اللي تمشي بعدها بالتفاهم تمشي حياتكم محد يفرض راي الاخر علي الثاني يعني ماكو الا الصبر

 

[fdeet_shosho]

احقري اطلعى بدون تلفونج انسي التلفون عشان ماتدقين
اشغلى روحج برفيجاتج باهلج - بالنت تعالى هنى بالمنتدى وانشغلى حتى لما يدق عليج خلج ثقيله لاتردين بسرعه خل يحس بقيمتج ويعرف انج مو ميته عليه
انتى وراج حياه طويله اذا هذا اولها وتسوين جذي شلون بتعيشين حياتج وتاخذين حقج منه
وامه اذا دشت بسالفه قوليلها ماعليه يا خاله انتى بحسبه امى هالموضوع بيني وبين زوجي نحله ويا بعض لاتناقشينها بمشاكلكم عشان تبتعد عنها
والله يوفقج يارب ويقوى قلبج - دشي دورات الشخصية اقري كتب بتقويه الشخصيه انتى ثقفى نفسج بنفسج

 

[انا مو هني]

رد : ماعندي شخصيه ولاكرامه ..ساعدوني

اذا حسيتي ان معاج حق لاتتنازلين وخلج ماسكه القرار لي اخر لحضه
وشي الي تبينه وبرري موقفج وبرري وفهميه انج صح وقولي لاتدخل امك
عشان ما ادخل امي

 

[فاقده ابوهاااا]

رد : ماعندي شخصيه ولاكرامه ..ساعدوني

ابيكم تهزأوني وتنصحوني وتخلون عندي شخصيه اشوي وكرامه , ابيه يتحرك اشوي ويعتدرلي ( غلط غلط غلط )

هذا اول غلط سويتيه .. لا يبه ما عاش الي يهزأج ولا يصارخ عليج .. بالاول حبيبتي تعلمي اشلون تحبين نفسج وتغلينها وبعدها راح تصير عندج شخصيه وكرامه على كلامج ، اختي دامج مو غلطانه مع ريلج واهو الي غلط لا تعلمينه على انج تروحين تصالحينه دام اهو الغلطان اهو المفروض يصالحج والعكس صحيح ترى الحياة الزوجيه كلها مبنيه على الاحترام المتبادل يعني لو انتي تحبين ريلج وما تحترمينه اكيد اهو ما يقدر يكمل معاج ولا يستحملج بس لو تحترمينه وتكونين ما تحبينه ومفروض عليج هذي اهون ياما ناس عايشين حياتهم الزوجيه بدون حب بس في احترام للعشره في احترام للزوجه وفي احترام للعلاقه الي تربطهم .
بالاول حبي نفسج وصدقيني بعدها تنحل مشكلتج

 

[a9ealah]

رد : ماعندي شخصيه ولاكرامه ..ساعدوني

شوفي بتدقين تراضينه راضيه بس حطي ببالج انها اخر مره شي مايستاهل اتنازل عنه وانتي قوليله لازم تنازل عن توافه الامور

وعن الشخصيه تبينه يفرض شخصيته على امه مايصير حبيبتي الرجال رجال بس مو على امه وترا اغلب الرجاجيل يقولون لامهم كل شي يعني امه وربته ومعاه من كان صغير فشي طبيعي يقولها هذي امه<<< ابتعدي عن هالشي

والخلافات اتوقع خلافات تافهه وشكلج على نيتي مسأله عاديه خليتي منها زعله حبيبتي مايصير عيشي حياتج مو كل شي تسمعينه بتزعلين منه
مسأله ماتستاهل احرق عمري علشانها اتغاضاها خلي الحياة تمشي لو ابي ازعل واكبر السوالف واتطلق هل بلقى احسن من زوجي شدراني يمكن اخذ شايب ولا اطيح بحظ نفسي <<< ركزي

الرجال مختلفه وصدقيني الطيبون للطيبات والخبيثون للخبيثات اذا انتي طيبه الله يحبج ويرزقج بطيب واذا ماكنتي جذي عيشي على النيه وارتاحي والله يوفقج

مااقدر اكتب اكثر من جذي لانها مسأله طويله تبين اي شي مني طرشي لي عالخاص وعسى الله يوفقج معاه ويهديكم لبعض

اي اقري وذ يو

 

[ترووفه]

"ان الله لايغير بقوم حتى يغيروا مابي انفسهم"

الحمدلله انج تبين تتغيرين وحاسه ان طبعج بيخرب حياتج ويخلي ريلج وامه يمشوون كلامهم عليج من غير اي تقدير لج ولا احترام

حطي في بالج ان خلاص انتي الحين مو بنت صغيره

مره على وييه زوااج
لازم تكون لج شخصيه واستقلاليه وكلمه وحرية راي

ونوعية ريلج يبي له مره قويه

شوفي يعني الطيب اللي انتي سويته له يعني تتنازلين عن اشياء واايد تسكتين عنه يهاوشج ويزعل عليج وتراضينه ويظل على اسلووبه

مايتغير

يبيله وحده قويه خليج قويه لو مره

شوفي شلون بيتغير ويتسنع ويصير خوش ريال
والله يسخره لج يارب

 

[lovemyself]

تثيقلى عليه وحسسيه انج ما راح تموتين من غيره وخليها طريقتج دايما وانشالله بيتغير

 

[احلى نززغه]

اب اب انا نفس حالتج ويا خطيبي شخصيتي مييييييييح وكرامه ميح وكنت بحط موضوع بس لقيت موضوعج وانشالله نشوف كلام البنات ونتعظ لان زهقت كله انا الي اراضيه وكله انا الغلط واهوا الصح مستحيل يتناااازل حتا لو انا مو غلطانه اراضيه وابجي وحالتي حاله ودييييييي يصير عندي شي يشغلني بس ماكو كل هدفي بلحياه اني اسعده احسه انقمت من اهتمامي الزايد فيه لان انا اهتماااامي اوووووووفر حيل حيل بس شسوي احبه حتا اهوا كله يقولي مو زين على صحتج كل ماتهاوشنا ما تاكلين كله تبجين وتفكرين الدنيا مو كلها انا باجر لي جابلتي ربج شبتقوليله شسويتي بحياتج بس تبجين علي وتفكرين فيني وتفكرين دق ولا مادق عصب علي ! زفني !! مايصير المفروض تفكرين بحياتج ومستقبلج بعد فرضا انا صار فيني شي شبتسوين اذا على هواش جذي تسوين وانا صراحه تبون الصج انا ودي ايصير عندي شي يشغلني ماعندي هوايات ولا شي اشغل نفسي فيه قولولي شسوي غير الطلعات اشكثر اطلع ولمن اطلع همن افكر فيه :s شسويييي وشلون اعامله من اليوم ورايح ؟ ماقدر احقر واطنش لين يراضيني جربت وايد وماقدرت اصبر

 

[monmon12]

اب اب انا نفس حالتج ويا خطيبي شخصيتي مييييييييح وكرامه ميح وكنت بحط موضوع بس لقيت موضوعج وانشالله نشوف كلام البنات ونتعظ لان زهقت كله انا الي اراضيه وكله انا الغلط واهوا الصح مستحيل يتناااازل حتا لو انا مو غلطانه اراضيه وابجي وحالتي حاله ودييييييي يصير عندي شي يشغلني بس ماكو كل هدفي بلحياه اني اسعده احسه انقمت من اهتمامي الزايد فيه لان انا اهتماااامي اوووووووفر حيل حيل بس شسوي احبه حتا اهوا كله يقولي مو زين على صحتج كل ماتهاوشنا ما تاكلين كله تبجين وتفكرين الدنيا مو كلها انا باجر لي جابلتي ربج شبتقوليله شسويتي بحياتج بس تبجين علي وتفكرين فيني وتفكرين دق ولا مادق عصب علي ! زفني !! مايصير المفروض تفكرين بحياتج ومستقبلج بعد فرضا انا صار فيني شي شبتسوين اذا على هواش جذي تسوين وانا صراحه تبون الصج انا ودي ايصير عندي شي يشغلني ماعندي هوايات ولا شي اشغل نفسي فيه قولولي شسوي غير الطلعات اشكثر اطلع ولمن اطلع همن افكر فيه :s شسويييي وشلون اعامله من اليوم ورايح ؟ ماقدر احقر واطنش لين يراضيني جربت وايد وماقدرت اصبر

تقوليله
انا ماني عبدة أم ابو الي خلفو أهلك
انا بنت ناس واذا من الحين جذي بالزواج شبتسوي
ما تبي تتغير انت جذي يبا ماااااااااااا تشوف شر استريح
مع السلااااامه
نكسسسسسسسسسسسسسسسسسسسست
يعني الي وراه انشالله يكون أحسن :weight_lift:

 

[احلى نززغه]

تقوليله
انا ماني عبدة أم ابو الي خلفو أهلك
انا بنت ناس واذا من الحين جذي بالزواج شبتسوي
ما تبي تتغير انت جذي يبا ماااااااااااا تشوف شر استريح
مع السلااااامه
نكسسسسسسسسسسسسسسسسسسسست
يعني الي وراه انشالله يكون أحسن

اووووووله لو اقوله جذي ايصكني كف لوووووووووووووووووول

 

[monmon12]

اووووووله لو اقوله جذي ايصكني كف لوووووووووووووووووول

ههههههههههههههههههههههه
عااد مو جذي يعني بالحرفي
بس يا حبيتي انتي الحين عالبر
اذا من الحين يدقر شبسوي وقت الزواج
انتي الحين خطيبيته يعني ماله كلمه عليج ومو من حقه ًلا جذي يسوي
فليش ساكتتتله
ايهو مو زوجج عشان يدقرج او يبجيج
او حتى يتامر عليج اذا صرتي مرته ذيك السلاعه شي ثاني
بس اذا من الحين حس فيج ضعيفه لعب فيج انا نا اقول قلي أدبج ولا داحرينه ولا زعل القثيث
استخدي عقلج وقوليله يا فلان انا مو متحمله طبايعك انت اذا ما تغيرت أو عدلت هالأسلوب مع السلامه وبس

 

[++MesK++]

؛
؛



اكبر غلط الام اللي تتدخل بشئون ولدهااااااا

باجر بتكرهين حياتج و تحطين بودرة الزهيويه بأكل خالتج


؛
؛

 

[كيكااا]

حبيبتي شي حلو انج تبين تتغيرين مو عشان شي ولا احنا نحرضج على ريلج
بس هشي حق مصلحتج شوفي اذا انتي منتي غلطانه لاتراضينه ياقلبي الرياييل يحبون المره الثقيله قوية الشخصيه
بس تكون على حق !
ثقلي عليه بس بدون لاتقصرين بواجباتج صوبه
وقوليله ماله داعي كل شي بينا يصير تنقله حق امك لازم يصير بينا اسرار وسوالفنا ماتطلع بره
الله يهديه ويسخره لج ياارب

 

[~وريثة الملوكـ~]

طنشيه
واذا دق ردي عليه
وكلميه دقاايق
وقولي سوري حيااتي اكلمك بعدين مشغولا شوي


لا ترسلين مسجات وااجد عليه
حااولي تلهين نفسج بالاستغفار
وشي ثااني
دقي ع رفيجااتج
طلعي
وهيك شي

اهو متحكم فيج لانه يدري انج متعلفه فيه حييييييييييييل ​