ماعندي حلمـات كلش !

[غلآ نوآف]

السلام عليكم خواتي

عندي استفسار
انا من يوم بلغت
ماظهرت فيني حلمات بارزة بالصدر

والحين حامل كنت احسب ان
ممكن تظهر لي علشان الرضاعة تكون سهلة
كيف برضع طفلي الحين وماعندي بروز حلمة؟

في احد مثلي؟

انا وامي واختي جذي
وبنات خالتي هم بعد

 

[نور دنياه]

اشتري جهاز شفط من مذركير ولا من الصيدليه

 

[جـــواهر]

والله انا مثلج عيالي كلهم بخاطري ارضعهم بس مافيني حلمه
شفطت لين قلت بس ماطلعت تطلع وترد بنغس الوقت وعيال
هالوقت اعصاااب يبون الحليب بحلمه كبيره مو مثل عيال اول يشفط الحلمه

 

[_ظل الياسمين _]

شوفي حبيبتي اغلبيه الوقت حاولي تجرين مكان الحلمه لبرا
منيه ليما تولدين ان شالله يكون اكو بروز ولو خفيف تالي
حاولي تحطين الياهل علي صدرج كثر ماتقدرين صج بيتنرفز
بس مع الوقت يتعود وشوي شوي تبدا تبرز الحلمه والله يسهلج

 

[سفرجل]

لانج ماسويتي تمارين لصدرج يوم الحمال

في حل في بالصيدليه يبيعون حلمات صناعيه تحطينه فوق حلمتج مثل حلمة الممية واتخلين الياهل يمص منه مره مرتين ويطلعلج ان شاءالله

 

[كتالونيه]

رررفع

 

[توتا حمرا]

اشتري حلمات من الصيدلية وحطيهم وقت الرضاعة
وبعد فترة حاولي تستغنين عن الحلمات الصناعية وامسكي الحلمة بصبعين بطريقة المقص وخليه بحلج البيبي لين ماايخلص رضاعة
بكون صعب بس يبيبله صبر وصدقيني شوي شوي حلماتج بطلعون وبتصير الرضاعة سهلة

 

[بنت الثانوية]

امممممممم ,, لعبي فيهم لين يطلعون

 

[غلآ نوآف]

بنات مافي بروز نهائيا شلون ببرزهم
ماقدر حتى امسكهم
يعني السطح مافي اي نوع بروز للحلمات
وهذا الي معقدني شلون برضع لو ولدت !

وماكو فايدة جربت وحاولت
واظن مثل اختي ماراح اقدر ارضع
بس ابي طفلي يتغذي عدل
تدرون ماكو افضل عن الرضاعه الطبيعيه

 

[ام حسون24]

انا كنت نفسچ وشريت شفاط من الصيدليه وبرزت


 

[ملاك ^ الحب]

سالي دكتورتج او دكتورج

لازم يكون في حل

يمكن يعطونج شي او تمارين او اي شي يخلي الحلمات تبرز

 

[مها يعقوب]

اب اب اب

والله ماعندي خبره ان شاء الله بنات يفيدونج و يفيدوني

 

[توتا حمرا]

أنا كنت مثلج مااافيني كلششش بس لما سويت اله قلت لج عليه طلعوا حتى كنت ماكلة هم الرضاعة الطبيعية والحين بنتي ماشاءالله عمرها سنه وشهرين وترضع طبيعي بكل سهولة بس انتي لاتيأسين

 

[روح الأحزان]

حبيبتي مثل ماقالولج البنات حطي زيت زيتون وحاولي تبرزينهم بعدين الياهل سبحان الله اهو يبرزهم بعد

 

[غلآ نوآف]

ان شاء الله بحاول اشتري الجهاز من الصيدلية
وراح اقول حق دكتوري عن هالمشكلة
وعسى القى حل

يزاكم الله خير

 

[عالمي المجنون]

روحي الطبيب يحطون لج جهاز يبرز الحلمة

 

[بحور العنا]

الله يعينك حبيبتيبس فيه تمارين حق بروز الحلمات
سوي بحث

 

[غرومه غنوجه]

حطي زيت زيتون كل يوم وسحبي بحلماتج لينيهم لم يطلعون
غير جذي ماعرف هذا الي اعرفه
والله يسهل عليج ياربي

 

[ام فوااز]

لاتحاتين مع الرضاعة يبرزون

 

[حكآية قلب]

واااي

انااا تخيلي عندي و الحمدالله حجمهم زين

بس بنتي ماااااااتبي كلش !!


لانه ال5 ايام بالمستشفي عطوها و حلمة المميه مريحة

و كبيرة و مااااتبي غيرها


ااابي ارضعهااا مو قااااادرة 



الياهل مزاج


الله يعيييين