ماعندي ثقة بنفسي

[سماسم 6]

مشكلتي اني حسااسه جدا وماعندي ثقه بنفسي كلش ابجي على اتفه الاسباب نفسي اعزز ثقتي بنفسي انا موصغيره 25سنه وجني بسن الاربعين اشيل هموم الحياه تعبانه تعبانه خاصة بعد علاقتي بشاب احبه ارتبطت معاه سنتين احبه حييل وتركته ومن تركته بدات هالمشكله معاي واي ضرف يصير لي ابجي واحن له وارد اكلمه ساعدوني ابي اقوي ثقتي بنفسي ماابي ابجي ابي يكون عندي عزيمه وثقه ابي اغير حياتي ساعدوني دلوني على اي شي ابي مواقع تزيد الثقه بالنفس

 

[Tom ♥ Jerry]

,


عززي الثقه بـ نفسج من أول و يديد !
أول شي تقربي من ربج و توبي لآنج كنتي بـ ذنب كبير ..
و خلج قريبه من ربج .. ؛)

بعدين روحي دورات تطوير الذات و اقري كتب
و حآولي تخآلطين الناس المتفائلين :*
وخري عن الناس الي يسببون لج القلق

 

[أمحق وفى ـا]

..

,


عززي الثقه بـ نفسج من أول و يديد !
أول شي تقربي من ربج و توبي لآنج كنتي بـ ذنب كبير ..
و خلج قريبه من ربج .. ؛)

بعدين روحي دورات تطوير الذات و اقري كتب
و حآولي تخآلطين الناس المتفائلين :*
وخري عن الناس الي يسببون لج القلق

:rerrerek:

 

[Nice Lips]

انا منج اردد خمسين مره باليوم * يعني لو تقسمينها 10 مرات بكل صلاة اي كلمه تقوي ثقتج بنفسج يعني مثلا انا قويه عشر مرات او انا حلوة انا واثقه من نفسي ترى هالطريقة ماخديتها من دكتورة نفسيه تصيرلي وايد حلوة وفعلا تغيرت عليها معنها الطريقه تشوفينها تافها بس تفيد وعلى فكره حتى اللي حولي تغيرت نظرتهم ناحيتي لازم تتغير نظرتج ناحية نفسج علشان الناس تشوفج بنظرتج

 

[سماسم 6]

انا الحمدلله عرفت ذنبي وتركته واجاهد نفسي اني ماارد له بس انا مشكلتي بالثقه ابي تكون لي شخصيه واتخذ قرارت بنفسي ماابي ابجي على اي شي ولو كان بسيط حساااااااااسه وايد نفسي اتواصل مع دكتوره نفسيه بس مااقدر وصعبه اقول للاهل

 

[لمى الهاجري]

يالله لك الحمد شنسوي كلنا لها

 

[:حضرية واجد:]

حياتي اقري و ثقفي نفسج من هالناحية تعلمي تملين عاطفتج بشي ثاني تحبينه علشان ما تفكرين ترجعين للغلط .. مثل عندج القرءاة ... انصحج بلشي بكتاب pride&prejuidece لجين اوستن الكتاب عاطفي حده احسه يناسبج مدري ليش نط بمخي ابيج تقرينه و بتعرفين لمن تخلصين الرواية ليش قتلج هالاقتراح الغريب خصوصا لمن تتعرفين على ليزي بينيت لووول < احس اني فصلت .. !!

الثقة و الشخصية المميزة تتكون من حبج لامور حولج مثل القراءة تعطيج ثقافة و الثقافة = تعزيز ثقة و احساس بانج متميزة .. تطورين جانب من شخصيتج يعتمد عليج و على اختياراتج لاصدقائج و افكارج و هواياتج .. انتي حساسة و رومانسية بزيادة و مبين عليج هالشي جربي تكونين حساسة قوية بدل حساسة ضعيفة ..!! و رومانسية عقلانية بدل رومانسية متهورة تفكر بقلبها و بس .. !!

هالامور كل مفاتيحها بيدج اعرفي شتحبين حطي طاقتج فيه .. و المهارات تكتسب و سالفة تبجين على اي شي دايما اعتزي بنفسج و لا تخلين دمعتج سهلة دمعتج غالية و الاهم ان وصلت معاج حيل لا تبجين قدام احد .. ترا مافيها شي كلنا نبجي لكن مو على اي شي ..!!

و الاهم من كل هذا قومي ليلج و قرءانج لو بعد كل فرض صفحة و استغفري وايد ترا الاستغفار مفعوله مثل السحر غصب غصب تصير نفسج هادية و مطمانه ..

الله يوفقج

 

[عسل سل]

نصيحه تعمقي بهالمنتدى لان في الالاف مثلج وتغيرو من ورا بعض الاقساام دشي تسلي اهني ضيعي وقتج وشوفي مصايب الناس تهوون مصيبتج

 

[DALALEY]

نصيحه تعمقي بهالمنتدى لان في الالاف مثلج وتغيرو من ورا بعض الاقساام دشي تسلي اهني ضيعي وقتج وشوفي مصايب الناس تهوون مصيبتج

اي والله بالظبططط : )

حبيبتي اختلطي بالناس وخصوصا ناس تكون شخصيتهم قويه ومتحدثين راح تتعلمين منهم وتتتغيرين شوي شوي :eh_s(17):

 

[سماسم 6]

ماقصرتوا بنات

 

[حلاتي بندرتي]

حبيبتي من تقوين علاقتج ببرج راح تنصدمين بشخصيتج كلها بتغير ثقتك بتزداد نفسيتج بتصير رووووعه ...بس قوي علاقتج بربح والتزمي بركعتين قيام لو تقرين بكل ركعه وجه واحد من القران وبعدها صلي الشفع والوتر و ادعي باللي تبين والله ثم والله انج بتشوفيييييين العجب ... الله يوفقج

 

[عويتقة]

اولا اغاااني رومانسية وافلام رومانسية وقصص حب وغرام وعذاب بلااااااااااااااااااااااااااااش منها لانها السبب الرئيسي في الكئابة وتانيا لو حسيتي بغصة بحقلك وبدك تبكين روحي توضي وصلي ركعتين وابكييي في السجود واطلبي من الله كل الي فنفسك لحد ما تقولين خلاص ثالثا انتي ليش حاملة الدنيا فوق راسك شنو لي صار في الدنيا عيشي حياتك واستانسي ترى الدنيا قصيرة وحطي فبالك انو هاداك الشاب عاااااااااايش حياته بالطول والعرض واكيد ناسيييك ولا تهميه واكيد رامي شباكه على بنات غيرك ادعي الله يقويك وادعي بالزوج الصالح

 

[الحللللوه]

مووفقه

 

[مس مونتريال]

مقولة : الحي يحييك والميت يزيدك غبن

عاشري الناس المتفائله والي نفسيتهم حلوة ومفرفشين على طوول

وتقربي من الله سبحانه اكثر بالصلوات واعمال الخير

تطوعي بالأعمال الخيريه .. واحضري محاضرات تثقيفيه

وراح تعززين الثقه بنفسج بسرعه كبيره

والله يوفقج​

 

[Ēŋѕαnħ ツ]

ما شاء الله تبارك الله
البنات ماقصروا
جزاهم الله الجنـه

 

[Miss Eteket]

آلبنآت مآ قصصرو ..~

 

[حجية قدرية]

الحال من بعضو
فرفشي روحج وقطي كل شي ورااااج وعيشي يومج جنج بتموتين باجر
محنا مأخذين من الدنيا شي ليش هالهم والكدر شنو إلي يستأهل سوي إلي تبينه ولا تخلين شي بخاطرج لأبو الدنيا لأبو همومها شوفي بلاوي الناس بتهون عليج بلوتج وعيشي لنفسج وبس والناس طقيهم بالطوفه