ماعندي الا الله ثم انتو

[<نوف>]

السلام عليكم شلونكم بنات بدش بالموضوع على طول .. امي وابوي منفصلين وكل واحد بديره وعندي من امي وابوي ولدين وبنت .. وابوي متزوج وعايش حياته

خطبني ولد عمتي وصراحه ونعم فيه فيه كل الصفات الزينه وموناقصه شي يعني ابوي واخواني وجدتي يبونه بس لمن عطيت امي خبر قالت انا مابيه

وانا صليت استخاره وارتحت وابيه.. وصارله فتره يبيني

ادعولي الله يخليكم .... شرايكم بنات بالموضوع

 

[granted]

اذا انتي مقتنعه فيه حاولي تقنعين امج لاتدخل عواطفها بالسالفه الي بينها وبين ابوج صفحة انطوت
وحاولي تقنعينها الله يكون بعونج

 

[queen92]

دامج مقتنعه و مرتاحه كلمي امج وقعدي معاها فهميها قوليلها انا استخرت و ارتحت له و اهوا والنعم فيه مافيها شي حبيبتي و الله يهديها و يكتبلج اللي فيه الخير

 

[نونه المنكوشه]

قعدي مع امج وقوليلها شنو سبب رفضج وليش ماتبيه وقولي انا استخرت وارتحت وحاولي تقنعينها والله يكتبلج الخيره ووفقج

 

[umfahad84]

قعدي مع امك وشوفي هي ليش ماتبيه يمكن عندها اسباب قويه واذا شفت ان بس تعنت وعناد اقنعيها بانك استخرت وخلي الولد يقابلها علشان تحس بالراحه وان لها دور وقيمه في حياتك فتبارك لك والله يسهل امرك

 

[مدّهره !]

إفهمي أسباب رفض أمك وحاولي تتوصلين معاها لحل


بس لاتآخذينه بدون قبولها ...~

 

[تحت ظلك]

الراي رايج أنتي وأذا والله أخلاق وأحترام ماعليه توكلي على الله
بس لاتقعدين ضحية مابين خلافات اهلج أحد يبيه أحد مايبيه
والله الراي رايج أنتي , والله يكتب لج الخيرة .

 

[جهراويه مزيونه~]

فكري عدل
اوكي الولد زين بس فكري بعمتج وعلاقتج وياها وعلاقتها معا امج
وابدا لاتوافقين اذا امج مو موافقه باجر تختلفون الله لايقوله انتي وزوجج ويمكن ماتلقين احد صفج لا امج ولا عمتج

 

[ي حليليِ]

*


حاسة فيج !


امج مهما مدحتي الريال من اليوم لي الصبح ماراح تقتنع فيه !

لانها ماخذه موقف من عمامج وابوج


ما اقول الا الله يعينج ،


بس قوليلها ان تحط شرط ، انكم تعيشون ببيت بروح ومحد له شغل فيكم >> خليه يكون من شروط الوالده عشان تقتنع

وانتي اقنعيها كثر مَ تقدرين . .



الله يصلح الاحوال ...

 

[بدون بس مغتربه]

انتي اصبري شوي لاتستعحلين بالجواب...

اذا امج عندها عريس احسن قولي مابيه هههه يعني شرحي لامج انج تشوفينه انسب واحد لج وانتي رابيه بينهم وتعرفينهم بس مثل ماقالو الخوات شوفو امج شنو اسبابها اختمال مقنعه..


مثل ماقلت لج لاتستعجلين واذا مو مخلصه دراسه قولي بكملها يعني هذا انا لو كنت بمكانج بسوي جذي..عاد القرار لج

والله يتمم لج على خير

 

[<نوف>]

مشكورين حبايبي الله يكتب الي فيه الخير

 

[M!SS.LOBY]

قعدي مع امج وتفاهمي معاها


والله يوفقج

 

[كويتيه شماليه]

امج ادرى بمصلحتج قعدي معاها واعرفي الاسباب يمكن تقنعج ويمكن تقنعينها والاهم رضاها لا تتزوجين واهي مو راضيه لان راح تندمين انتي بنتها وهي احن مخلوق عليج ومحد يعرف مصلحتج الا هي والله يوفقج بالخير

 

[Shinexo]

حسي فيهآ حبيبتي وآحد بدآله آلف آمج مرت بتجربه سيئه ومآتبي حد من هآلمحيط خلآص رحميهآ , آنشآلله نصيبج مع حد آحسن

 

[النبع الحنون]

حبيبتي الاستخاره مو بالراحه بتسهل الامور ياعمري ابحثي وتاكدي
وامك اذا الرجال زين بتقتنع ان شاء الله
وتبين الصراحه زواج الاقارب كله مشاكل وحزازيات

 

[يستفزني غلاك]

إشوف أن تقعدين مع إمج و تشوفين ليش رفضته. لأن دعوه الأم ضروري لاتستهينين فيها و إن شاء ﭑللّھٓﮧ ترضى ؤألليوفقج

 

[Sohai]

السلام عليكم شلونكم بنات بدش بالموضوع على طول .. امي وابوي منفصلين وكل واحد بديره وعندي من امي وابوي ولدين وبنت .. وابوي متزوج وعايش حياته

خطبني ولد عمتي وصراحه ونعم فيه فيه كل الصفات الزينه وموناقصه شي يعني ابوي واخواني وجدتي يبونه بس لمن عطيت امي خبر قالت انا مابيه

وانا صليت استخاره وارتحت وابيه.. وصارله فتره يبيني

ادعولي الله يخليكم .... شرايكم بنات بالموضوع

قولي هذه الدعاء يا رب إذا كان في خير جيبه
لي وإذا كان في شر ابعده عني كثري من
الاستغفار وقولي لا إله الا انت سبحانك
أني كنت من الظالمين والله يسر امرك ويسعدك
دنيا وأخره