ماعندي ارادة وافكر بالعملية

[ام مشعل المطيري]

اتب وانا احس اني بنفجر قبل لاتتزوج وزني بالسبعينات وعقب الحمل 103 وعقب حمالي الثاني اسوي رجيم واضعف وارد امتن مليت تفبت طقت جبدي فكرت بالعملية بس محد نصحني سويت تخفيف اخر مرة ونزل 10 كيلو وصراحة ماودي اسوي عملية بس ابي اضعف
وعندي مشكلة كبييييييرة الكسل حيل كسولة وأمل بسرعه من اي نظام ماحب التزم ساعدوني شسوي بعمري الحين وزني 92وطولي 162

 

[فواصل]

اول شيء سوي تحاليل يمكن عندج خلل في الغدة الدرقية او نقص فيتامين دال وهاي اللي ما يخلونج تنزلين

وعقب قرري اذا تبين عملية او تستمرين مع الرجيم

واذا قررت خلاص صلي استخارة

وان شاء الله ما تشوفين الا كل خير

 

[M!SS.LOBY]

سوي شفط

 

[hazel eyes]

حللي الغده الدرقيه لان اهي سبب الكسل وزياده الوزن

 

[ام مشعل المطيري]

سويت تحليل للغدة وتحليل شامل كل شي زين الحمدلله

 

[ريم جده]

ام مشعل انا سمعت في برنامج. اجنبي في التلفزيون يقولون الي يحس بالكسل او يحس انه مايقدر يخفض وزنه. ويجيه احباط يشوف صور العارضات ويقول انا راح اخلي جسمي يصير مثلهم كل ماحس بالاحباط يشوف الصور يعني هي حاجه نفسية ..واهم شي سوي ريجيم ورياضة + اشربي الشاهي الاخضر الصيني يقولون يسد النفس عن الاكل ..

 

[مدّهره !]

لازم إرااده

 

[3washen]

لا حبيبتي تعوذي من ابليس لااا تسوينه

ترا وزنج مو اوفر يعني تقدرين بشهرين توصلين الوزن اللي تبينه لو وزنج وايد وايد عود و مسبب لج مشاكل صحيه ذيج الساعه سوي العمليه

آنا أمتن منج و يا كثر اللي قالوا لي سوي العمليه بس ابدا مو داشه بالي و لا مرتاحتلها فقررت أسوي رجيم بعد تفكير طويل

و الحين الحمد لله قاعده أنزل

أهم شي العزيمه و الإراده و الصبر و لا تنسين توكلين أمرج حق ربج قبل كل شي

آنا ما راح أقول لج اتبعي الرجيم الفلاني و لا العلاني أنتي أبخص بجسمج و الأفضل له

إذا صار و ما قدرتي تتحملين أي رجيم

أسهل رجيم اهو التخفيف يعني أكلج نفس نوعيته بس بكميه أقل مع مشي نص ساعه يوميا أو عالأقل 3 مرات بالاسبوع

راح تلقين نفسج يمكن بالشهر تنزلين خمسه

شددددي حيلج

و الله غيرج دبلات عن وزنج و يعانون أنتي وزنج سهالات ما يحتاج وقت جدا طويل ممكن 5 شهور أو أقل

الله يسهل لج و يعينج