ماعرف شنو اشتري وشنو ألبس ؟!

[أحلام ورديـہ]

السلام عليكم ورحمة الله وبركاته

شلونكم كويتيات

بنات عرسي بعد شهرين ونص إن شاء الله

وقاعدة أجهز الحين بس ماعرف شنو أشتري بصراحة أحس اني متوهقه

من ناحية ملابس النوم أمس أم ريلي تكلمني تعرف اني استحي تقول لي تعرفين تشترين ملابس نوم قلت لها اختي تساعدني مع انها ما تساعدني كل ما قلت لها باخذ مايصير ماعندي شي تقول لي لاتشترين اخذي في الهني مون مع اني كنت ماخذه وقتها 3 ولا 4 قطع وانا استحيييييي حييل منه

وأم ريلي تخاف اني ما اخذ هالأشياء تقول أخاف تستحين وماتاخذين شي بصراحة أحس اني مفتشلة ماعرف أشتري شي

بالليل وقت النوم شو لازم ألبس ؟ ولازم ألبس اندر وير والبرا تحت القمصان ولا شلون

الحين شورو علي وعلموني شنو اشتري من ملابس النوم واللانجري :eh_s(2): واي فشلة

وشنو لازم طوال ولا قصار ؟

.

وبالنسبة لأطقم الأندر وير كم طقم آخذ ؟

سوري بنات أدري فشلة والله بس ماعرف شنو آخذ واستحي أسأل خواتي :eh_s(11): ومحد يساعدني

 

[kndora]

حبيبتي سوي الي يريحج تلبسن اندروير او برا كيفج بس البرا يستحسن انج تفصخينه

وقمصان النوم اخذي حق النوم الستان مع روبه

وفي مني واايد حريم يبيعون لانجري وقمصان نوم

سوري يعني ما اتدخل بس ام ريلج مالها حق تسألج يعني لا تدخل نفسها وانتي لا تطيحين الميانه وايد حقج انتي بعدين

هذي نصيحه مني من تحاارب وايد حريم

 

[قآنون كيفكـ!!]

مبروك حبيبتي ...
الله يوفقج ..

حبيبتي شنو تقضين في الهني مون وايد صصعبة توج عروس واكيد تستحين من الريال تقضين جدامة ..
زهبي عمرج بس*_^
القمصان خذي لج 3 طويل...10قصير بين نص الساق وتحت الركبه4 فوق الركبه-5بيبي دول..
حزة النوم لبسي من بجايمج حرير وقطن ناعم ومن القمصان ..

بالتوفيق ..

 

[amami al-kuwai]

شوفي حبيبتي اول الايام حاولي تاخذين قمصان نوم طويله وشوي مستوره لمده اسبوع واخذي قمصان قصيره بس شغله ناعم بس لاتكثرين حدج حدج 10 تنوعين بين القصير والطويل

اماالبجايم اشتري 3 بس لان باجر بتروحين وتشترين يعني شغلات ناعمه وخفيفه

اما الاندر وير اشتري شغلات للاستعمال اليومين من الاقطان والاطقم هم لاتكثرين ماتحتاجينهم وايد

اما مع القمصان راح يكون معاها الاندر وير

 

[someone like u]

ام ريلج تكلمج في هالموضوع :eh_s(1)::eh_s(1): فشله شلون جذي :eh_s(10)::eh_s(10):
اذا اختج وامج مايساعدونج .. اخذي بروحج لاتنطرينهم .. سووي نفسي :rerrerek:
لا ماتلبسين ستيان بس السلب عادي .. اذا تستحين .. اخذي مثل هذي الموديلات يكون الستيان منها وفيها http://media.victoriassecret.com/product/prodpri2/V328880.jpg

شوفي هالموضوع بخصوص قمصان النوع والكميه http://www.q8yat.com/t985024.html
واخذي الحين لاتنطرين الهاني مون .. لان بتكونين مستحيييييييه منه .. ويمكن تقعدين في منطقه مافيها سوق .. لاتجازفين
بالنسبه للاندوير .. اكيد تقصدين اليوميه .. انا خذت واايد ماحسبت كم .. بس نصحوني اخذ كميه كبييره لان بتستهلكينهم ومب خساره

حاسه فيج والله .. لاتوترين السوق مب شارد .. اخذي اللي تحتاجينه في اول شهر وتالي اخذي غيرهم اللي ترتاحين له كثري منه :eh_s(15):
بالتوفيق ان شالله

 

[البتولً]

لا تعتمدين لا على خواتج ولا ام ريلج بالنسبة لخواتج مثل خواتي نكبوني
وامي استحي منها ..

انتي اول شي تعالي هني سألي البنات المتزوجات وخذي منهم فكرة ونصيحة وتالي عاد
اعتمدي على نفسج احسن لج

البنات هني ما يقصرون صراحة

وانا مثلج ما حولي احد بس النت ما يقصر وبالعكس استفدت من النت اكثر من خواتي وصديقاتي
صارو اهم الي ياخذون مني ..

 

[&هند&]

حبيبتي هذا الموضوع بفيدج :_

http://www.q8yat.com/t969751.html

اشتري على قد مهرج واهم شي قسمي المهر عدل والله يوفقج ،،،،

 

[حجيه هيونه]

قسمي مهرج حق التجهيزالجزء الخاص بملابس النوم قسميه حق بجايم ستان وحريرقمصان طويلة قمصان قصيرة اطقم بكينياتاخذي مبدئيا 30 قطعة حق اول شهر وبعدين بعد الزواج تشري ( اذا كانت الميزانية محدودة)اكو وايد محلات اسعارها زينه فري على مواضيع البنات مالت التجهيز وشوفيهموالافضل لو تاخذين معاج اختج او ورفيجتج تكون متزوجة وتساعدجالله يوفقج

 

[عادت ذكرياتي]

في موضوع بهالقسم للخت قاهرة عذالي موضوعها شاااااااااااااااااااااامل ومفيد

 

[@ DLOO3TAH@]

أأب