ماعرف شلون انغسل الاكل .. ساعدوني

[laila84]

بنات ساعدوني ... ماعرف اغسل الديايه الكامله تلوع جبدي ماحب ادخل ايدي داخل اخاف ايدي ما تطلع :tomato2: .. واذا الدياي مقطع شلون انغسله بشنو ؟ وبشنو انتبله وجم ساعه ؟ ونفس الشي بالنسبه للحم والسمج والربيان شلون اشيل سلسه الظهر .. وشلون انتبلهم كلهم وانظفهم ... تكفوووووون نخيييتكم يالرباااايع ورانا زواااااج مبتلشييييين خخخخخخخخخ​

 

[UNICORNA]

شكلك جديده فى الكار

شوفى حبوبه الدجاجه بعد ماتفك من الثلج تبعدى الجلد عن اللحم بدون ماتشيلينه فهمتى كيف

ولو تبين تشيلينه اوكي بكيفك يعنى


وتحطين جنبك حوالى ملعقتين ملح كبار وتاخذين وتفركين الدجاجه من تحت الجلد عدل

كنك تسوين لها حمام مغربى مبرح او تبين تنتقمين منها

راح تحصلين مثل زلال البيض تحت الجلد

خرجيه وافركى ببقيه الملح الدجاجه من الداخل ومن فوق الجلد

واتركينها بالملح مده ربع ساعه وبعدين اشطفيها عدل بالماى واتركيها ربع ساعه بالمصفاه

تنزل الماى حقها

وعلى فكره ممكن بعد تغسلينها بملح وخل


اللحم ينغسل بماى عادى لانه مافيه زفره

السمك مدرى كيف لانى اجيبه جاهز بس يبيله اهتمام بالنظافه لانه زفررررر من القلب

الروبيان يفرك بملح وبعدين تشوفين وين الخيط الاسود وتشقى بالسكين شق صغير فوقه

وبطرف السكين تخرجينه من الداخل راح يطلع معك كاامل

وان شالله اكون افاادتك ويفيدونك بعد بقيه البنات :eh_s(7):

 

[حلوه ولمآحه]

هههههه
كنت مثلج ،،
الدياي عادي بعد ذوبان الثلج ،،
خذيها وغليها بماي
بعدين بملح وليمون وشويه خل عشان الزفره،،
لبسي قلفز عشان يدينج والريحه
واللحم مايحتاي
غسليه بماي وبعدين فوحيه 5 دقايق بماي حار عشان الزفر

السمج والربيان انا اجيبه دايما منضف
وقبل ماسويه
اتبله قبلها ب 4 ساعات
السمج والربيان
خل وملح وليمون وبهارات سمج وشويه كركم وشويه روب،،
واذا تبين شوي او قلي

 

[ام الحوراء زينب]

يووو انتي مثلي

شوفي امي تقص الديايه بالنص وبعدين انا اسوي الباجي لوووووول
تطلع الوصخ اللي فيها

بعدين الله يسلمج اييب جدر واحط فيه ماي
واحط الديايه واخليه الزفره كلها تطلع

ولحم المفروم نفس الشي

 

[العز انا]

ماقصرو البنات

 

[جارة القمر]

مشكووورييييييييييييييين

 

[q8dvd2000]

اختي جرببي اشتري الدياي اللي بالاطباق اللي اييج مقطع جاهزز
مايبيله لويه وايد بالغسيل
والا اشتري صدور دياي تنظيفهم وايد سهل