ماعرف اسولف =/

[aLDFsha]

بنات انا احس اني ماعرف اسولف
يعني بعضض المرات بدليات ماعرف اتكلمم
اذا في سالفه م اعرففف ااقولها مادري ششفيني

مم وبععد انا خجوولهه ابي اصيرر جرريئهه شلون
؟ !

 

[rose2012]

خلج اجتماعيه وايد طلعي و زوري و بتتعودين لا اراديا

 

[جوري الصالح]

خـــلك اجتـــــماعية زايـــده عن اللـــــزوم
حتـــــى عن طريــــق التــــواصل الاجتماعي
بكــــــل الطـــرق تـــــزيد عنـــدك نسبـــــة
الجـــــرأة بمبــــادلة الطـــرح بالمواضـــيع

 

[دلوعةمآمآ]

سُبحان الله انا عكسك مأعرف اسكت ههههههههههههههههههه

اولاً خليك ِ واثقه من نفسك وانتي تتكلمين عشان ماتقطين بدليات وما ترتبكين بالكلام

و حاولي تكلمين نفسك أوتسولفين قدام المرايه عشان يروح منك الخجل

وسولفي مع صديقاتك وخليكِ أجتماعيه حتى لو قطيتي بدليات عاادي شوي شوي تلاقين نفسك تتكلمين بِطلاقه

الله يوفقك يارب ..

 

[مشتاقه لعيونه ~]

انا مثلج ، واحيان صوتي يروح ما اعرف ارفعه ..
هالشي متعبني .. لدرجة ان الاستاذ مرة فشلني خلاني اعيد السؤال ٣ مرات
والرابعة رفيجتي تكلمت عني .. قمت ابجي بعد المحاضرة ؛(

والمشكلة الادهى اني مبدعة بالكتابة اكتب واعبر واسلوب قوي
بس لا جيتي للمحاورة .. ما اعرف اقول شي مفيد .. واذا حاولت ، اجيب العيد

؛(

ان شاءالله تنحل عقدنا

 

[مدّهره !]

بمخالطة النااس والنقااش والحوار تلاقين نفسك تسولفين ههههه

 

[زهرة الياقوت85]

الخجل بيروح سنه بعد سنه لا تستعجلي شويه شويه لو تحبين روحي حفلات كثيره بيروح الخجل من كيفه هذا افضل حل عن تجربه وفيه كمان تصرفي ع طبيعتج يعني اي شي يعجبج سولفي فيه اي شي تحبيه يعني لا تقيدين روحج بموضوع معين

 

[Duoi]

انا اتفق مع زهرة الياقوت
والخوات اللي قالوا سولفي مع رفيجاتج
وانا مثلج حييييييل خجولة حيييل مو شوية
بس اتكلم مع اعز صديقاتي بعدها بدت شوي شوي يخف هالشي
لينت حسيت اني افضل بكثيييير من قبل

وانا مو مع الاجتماعية الزايدة
لان في بنات يستغلون هالشي
بذاات بالجامعة والله انا اقولج هالشي من واقع تجربتي

واحسن شي البنات
اللي تعرفين انهم زينين خصوصاً لو كانت رفيجتج من ايام الثانوية وانتي عارفة طبعها

 

[ي حليليِ]

انا مع اهلي انا الهذرة اللي اسولف اكثر وخدة
واونس والبيت الكل يحب يسولف معاي



بس مع رفيجاتي انطرن بالمرة وماعمدي شخصية

ماحب اسولف مادري ليش

 

[مودي كويتي]

انا كذلك ماعرف اسولف للاسف ولا حتى اعرف ابطل موضوع واذا جيت بفتح سالفه الكل يخاف يفكرني بهاوش ههههههههه لانهم متعودين اني ساكته كلش انا مو اجتماعيه سبحان الله قبل خمس سنين بالمدرسه كل المدرسات يغيرون مكاني لاني هذااااااااااره بس الحين مدري وش صار كبرنا وصرنا نحاسب ع كل كلمه وكل ماقلت شي الكل يعلق ولازم ذرابه هذا الشي خلاني ماحب اتكلم ابد ابد حتى التلفون لو يرن من هنا لبكره ماشيله كلش الله المستعان

 

[M!SS.LOBY]

الله يكون بعونج

 

[بطة فوشيه]

والله مثلي

 

[مـرايـم]

بالعكس خلج اجتماعية بين الاهل والاصحاب واذا في جمعات شفتي البنات يسولفون دشي معاهم عرض شاركيهم السالفة وو بدي رايج بشي عززي من ثقتج بنفسج مثلا سولفيلهم عن يومج عن مواقف و شوي شوي راح تشوفين نفسج تغيرتي 180 درجة

 

[ترآتيل الزهر]

أختي انا بعد مثلج بس مع أهلي عادي ..
الله يكون بعونا ..

 

[omaseel]

اهم شئ الاختلاط بالناس

 

[نـعـومـه]

اختلطي مع ناس بتعودين

 

[غرووورالبدر]

اهم شيء ثـــــــــــــــــــتقي في نفسج وبتتتكلمييين عدل ان شاءالله