ماعرفتى تردين تنحتى صارت

[نور وشموع]

السلام عليكم ---------


مساء او صباح الخيرات-------


موضوعي عن ربطة السان ::hjy5jewf:احبكم


---- انا داشة بيت خالتى دشيت عليهم ولا مرت حماي قاعدة كان عندي حساسية بس احك عيونى فا موحاطة مكياج سلمة علي مرت حماي جان تقاولي ليش ويهج الصفر وشلون تعرفين تتطلعين بدونمكياج تتشيحط جدام خالتى


انا هنى اربط السانى مارديت عليها سكت يعنى المفروض اقول لها بطريقة حلوة الحمدلله جمالي طبعي مو لازم مكياج واكون ساكتها بس حسافة مارديت عليها احيانا الواحد يتنح :eh_s(12):


-------ومرة قاعدة بيت خالتى جان دش عمة ريلي سالتنى وين فلان عن ريلي قلت لها بدوانية جان تقول خالتى طبعا عن غشمرة ولدي ماشوفة قاعد عندها مجابلها 24 ساعة :s141: شدعو مجابلنى ماعرت ادافع عن نفسى اربط لسانى


انتم نفسي تصير مواقف يربط لسانج ماتعرفين تردين وبعدين تتذكرين تقولين ليش مارديت باسلوب حلو ---

 

[$الاسبانيه$]

رد : ماعرفتى تردين تنحتى صارت

اي انا دايما جذي


نفسج

 

[Marymary]

وييي لي الرااس طبعا ماعرف ارد اول مرة انقالي كنت بالملجه انقالي دافع فيها جم الف خل اهي تسويللك الاكله الي تحبها :/ لا تعليق*

 

[بيتي بوب بس كويتيه]

خو هذي سالفه المكياج أنا جذي يقولون لي ويهج اصفر حطي اقول لهم ما يصير احط الا لزوجي
أهني ينجعمون

 

[باربي دلوعه]

رد : ماعرفتى تردين تنحتى صارت

شي طبيعي .. نفس حالتي ولمن ارد البيت اتحسف اقول ليش مارديت ليش ما تكلمت

 

[! GaLaXy !]

جبتيهاا عالجرح


اي والله انا تصيرلي مواقف بس للاسف يربط لساني

واذا قعدت بروحي قلت ليش ماقلت جذي ولا جذي


واتحسف


للحين ماكو شي ببالي لاتذكرت قلتلج

لي بااااك

 

[نور وشموع]

مشكورين علي الردود حبايبي


-- يعنى انتم نفسى

 

[فوفو22]

رد : ماعرفتى تردين تنحتى صارت

تصير وايد في البنات حديثي الزواج

مو مستوعبين الكلام اللي بين السطور والغمز واللمز الغير مباشر

بس مع الوقت

تطلع لكم مخالب

وتصيرون مثلهم

غصبن عنكم

لانه ان لم تكن ذئبا اكلتك الذئابو

والسالفه محتاجه تدريب صغير منج

حاولي تتتعودين ان لكل سؤال جواب


ولكل نغزه رد مقارب لها

ولكل فعل ردة فعل

فوفو

 

[محبوبه25]

رد : ماعرفتى تردين تنحتى صارت

وي الله يعينج
انا وحده مااعرف اسكت
لان اذا سكت رااح انقهر

 

[كلي ثقه و سنع]

رد : ماعرفتى تردين تنحتى صارت

انا مثلك
ومثل ما قالت فوفو بعدين لما تحسين ان الناس مو معطينك اهتمام تصيرين قويه بس مو بالدرجه اللي تصيرين وقحه

 

[دمعه ندم]

وووووي شكثر اتصير معاي عدي وخربطي ولمن استوعب احقد على روحي اقول انا اشلون تنحت ومارديت عليها واااي اموت من القهر والله استغرب من البنات اللي عالطول الرد زاهب عندها واترد عليها اتخليها صج تنجعم ):

 

[a9ealah]

رد : ماعرفتى تردين تنحتى صارت

فوفو معاااه حق

 

[حبي حبيبي]

رد : ماعرفتى تردين تنحتى صارت

كلنا تمر علينا هالحاله

واااي تتحسفين عقبها ليش سكتي

لوول

 

[Tom ♥ Jerry]

.


حآولي تردين رد يبين آنج آكبر منهم و آعقل !
بس ديري بآلج تردين بقله آدب !
خصوصا على خآلتج أو مرت حمآج أو زوجج !
(= و عسى الله يوفقج وين مآ كنتي

.

 

[BiiShOoO]

صااارت فيني واايد بس احقر و اطنش و يبين على ويهي انه مو عاجبني كلامهم و اني منفسة

 

[[[ عيون جابر ]]]

لووول انا ااعرف ارد بس ساعات لما ارد احس الي جدامي تتضايق يتغير لونها مادري ليش !
ليش عادي عندهم يحرجون الوحده ولما الوحده ترد عليهم يتغير ويم ويزعلون شنو يعني يبون يتكلمون واحنا نسكت علبو نستحي وفشله؟ ليش اهي قبل ما تتكلم تحاسب على كلامها وتقول فشله يمكن احرج الي جدامي!

 

[monmon12]

ما تردين مو لنا ربط السانج بس لنا انتي ارقى من هالأسلوب الوصخ الاستفزازي وتربيتي على الأدب والاحترام
وبيني وبينكم بنات طااااااااااااااااااااااااااااااااااف سوي الي تبينه دام عاجب ريلج واهلج
بس ساعات رب ضارة نافعه يمكن تنبهج على شي وتبيج تهتمين أكثر وهم الخالات ساعات يمكن ما تقصد تقط الكلمه ولأجل عين ريلج تكرم عين أمه

 

[.،:"$الـعـوبــــة$":،.]

رد : ماعرفتى تردين تنحتى صارت

لا ماقد مريت بهالموقف ،،
وبالعكس ،،
مرات يكون فيه ناس متكلمة من وراي بشغلات معينة ، وقاطة نغزات ، وأتمنى تمنيييييييي ، انهم يتكلمون قدامي عشان اعرف شلون ارد عليهم ، بس اذا انا موجودة ، تلقينهم قمة الاحترام والادب ولا يقطون ولا كلمة !!​

 

[شواخي]

نفسج وادمر منج بعد

 

[انا مو هني]

رد : ماعرفتى تردين تنحتى صارت

انا احيانا اقظب نفسي عشان ما اخربها
لان انا لمن ارد ما اثمن كلامي عادي اقط كل كلما اكبر من الثانيه
وبعدين لمن افكر اقول امبي انا شنو قلت وشهببت فئسكت وخل يتكرر الشي اكون مصففا الحجي تصفف بحيث انقدها وبحيث اني احرا بنفس الوقت