المزن هاجر والثرى ينتظر شوق
وصل الغشين اللي من العام ماجاه
ماعاد باقي فالثرى نبت وعروق
طول الضما غيّب نباته ومرعاه
وماعاد له بهجه ولايعجب الموق
اقفى ربيعه واشهب الدهر عراه
لو للثرى صوتٍ ولعروقه احلوق
كان اشتكى ظلم ابن آدم وبلواه
يالآدمي زاد الحسد منك والبوق
وفعلت مالا خالق الكون يرضاه
ظالم ومتجبر ولاتعطي احقوق
حتى الثرى ذنبك وظلمك تغشاه
مير الرجا باللي خلق كل مخلوق
ربٍ رحيم وكل خلقه ترجاه
ياربنا ندعيك والصوت مخنوق
وبعيوننا دمع الندم زاد مجراه
اغفر لنا ذنبٍ فعلناه وعقوق
ياواسع الرحمه ورحمتك منجاه
ياربنا لاتجعل اذنوبنا عوق
بين الثرى واللي من العام ماجاه
بقلم / نديم القصيده
وصل الغشين اللي من العام ماجاه
ماعاد باقي فالثرى نبت وعروق
طول الضما غيّب نباته ومرعاه
وماعاد له بهجه ولايعجب الموق
اقفى ربيعه واشهب الدهر عراه
لو للثرى صوتٍ ولعروقه احلوق
كان اشتكى ظلم ابن آدم وبلواه
يالآدمي زاد الحسد منك والبوق
وفعلت مالا خالق الكون يرضاه
ظالم ومتجبر ولاتعطي احقوق
حتى الثرى ذنبك وظلمك تغشاه
مير الرجا باللي خلق كل مخلوق
ربٍ رحيم وكل خلقه ترجاه
ياربنا ندعيك والصوت مخنوق
وبعيوننا دمع الندم زاد مجراه
اغفر لنا ذنبٍ فعلناه وعقوق
ياواسع الرحمه ورحمتك منجاه
ياربنا لاتجعل اذنوبنا عوق
بين الثرى واللي من العام ماجاه
بقلم / نديم القصيده
