ماشاءالله تبارك الله ( ولدي حركي)

[مشتطـه]

ماشاءالله تبارك الرحمن لا اله الا الله
بنات ولدي حركي ماشاءالله
عمره 8 شهور مستحيل يقعد بدون لا يمسك شي ويحطه بحلجه ويتحرك يدور له أشياء ماشاءالله لا اله الا الله
مادري كل اليهال بهالعمر جذي والا بس اهو حركي جذي

يعني بنات بخاطري امسكه بحظني ونقعد نشوف التلفزيون
لا اهو مستحيل ماشاءالله

مادري احس تعقدت
انا وايد افكر و وايد اكبر المواضيع

بس بخاطري اعرف يعني لو يبت ياهل ثاني بيصير جذي بعد والا بس هذا بداية شطانة

يعني من حركته مبين شيطاني بالشهور اليايه وكل شي طبيعي كل اليهال جذي


الي مرت بعمر هالياهل بعيالها تفيدني بطبع عيالها

 

[شواخي]

عادي نورمل

دوري بقوقل الطفل ٨ اشهر ويوتيوب بتشوفين

 

[معزوفه حنين]

هههههه يا حلاته والله

سمله عليه الله يخليه لج

وديه الحضانه خليه يطلع طاقته اهناك ويلعب

 

[مشتطـه]

لا مالج امل اوديه الحضانه اخاف
ابيه يمي دامي بطاليه ياعمري ما يحب الغرب يبجي

مرات افكر انطره لما يصير 3 سنين واييب غيره

مابي اعتمد عالخدامة بتربية عيالي

واغلب اللي يابو ورا بعض لازم لازم ينقطون عالخدامة ماتقدر على اثنين صغار

وتسلمين عالدعوة معزوفة ياقلبي

 

[مشتطـه]

شواخي بدور الحين شكرآ لج

 

[.. Ro3a ..]

الله يخليه لج ي رب
عادي اللحين ولد اخوي جي امبي جني ما يقعد الا يمسك كل شي
نتعب نخليه ع الارض اهو يحبي اللحين عمره ١٠ شهور ما شاء الله تبارك الرحمن
بس نخليه ع الدراجه اذاانه
وولد اختي لما كان صغير مزعج مزعج يبي الشيل وكل شي يمسكه ويلعب فيه اللحين اهو ٣ سنين بس احسن من قبل ماشاء الله عليه
اما اخوه كان هادي ملييق بس اللحين عمره سنتين جني جني كل شي يمسكه ويخرب المكان يقلبه لج فووق تحت
عسي الله يخليهم ويحفظهم ي رب ادعوولهم الله يشافيهم مرضي صايبتهم حراره حيااتي
فالاطفال عكس بعض كل ولد وله طبعه
وبناءاً ع دراستي الطفل اذا ماكان يستكشف ويشوف العالم ويتأثر باللي حوله مو طبيعي
واهو استكشافه حلجه ع طول
يعني ولدج اسم الله عليه طبيعي عسي الله يحفظه ي رب

 

[PuPa^^SWeeT]

والله ياقلبي


انا يايبة ثنتين ورا بعض


مو قاطتهم


بس صراحة كل شي فيني اخترب


نومتي طلعتي حياتي و خصوصيتي



نطريه يكمل سنتين بعدين ييبي بيبي ثاني ان شالله


بالنسبة لحركته عاادية جدا


بس انتي علشان ترتاحين


انسدحي على بطنج على الارض و طالعي بعيونج حواليج


اي شي خطر بمحيط نظر رفعييه ولا شيليه


انتيكات الصالة شيليها

 

[noo7a]

طبيعي جدا اسم الله عليه
اصلا الي مو طبيعي الي تلقينه كله ساكت و مكانه و ما يتحرك

 

[english muffin]

ذكري الله حبيبتي
صلي عالنبي عليه ولدج حبيبي فيه طاقة
على طول خليه مشغول ويلعب خيطلع طاقته

لين ينام بالليل يكون منهمك صح ؟ لووول نفس بنت صديقتي يحليلها

 

[ام خدود ورديه]

نفس بنتي اسم الله عليها حركيه و١٠ اشهر مشت ماتقعد بالحضن نهائيا وعبثيه غير عن اليهال

 

[ام رينـاد]

حلاته لووول عادي حبيبتي الياهل الصغير بهالعمر يبدى يحبي ويحب كل شي يمسكه او يتعبث فيه
..

الله يخليه لج

 

[جذابه بنت ذيابه]

كل الجهال جذذي



نصيحه دايم اقري على ولدج .. وشربيه ماي زمزم ..

انا اعيالي اسم الله عليهم حيل حركيين ومايحبون التلفزيون والايباد يقعدون عليه دقايق

 

[مشتطـه]

اشوا الحمدلله طمنتوني فديتكم

مادري عبالي حركته زايدة

لان اخر ياهل شفته بحياتي عمري كان 10 سنين ههههههههههههههههه

ف ما اعرف طبع اليهال


عسى الله يحفظ عيالكم يارب ويخليلي ولدي يارب

 

[مواصله]

طبيعي عمر الاستكشاف الله يحفظه

 

[فـراوله]

اي حبيبتي طبيعي لانه بجري طلع عيوني 6 شهور ونص بدا يحبي 7 شهور
بدا يخمط كل شيء وعلى 10 شهـور مشى اسم الله عليه ومن الشهر التاسع
واهو يحاول يمشي ويتسند عالقنفات والطاولات بدا يطيح ويتفلع لين ما شلت كل شيء
ممكن يعوره وألحين حبيبي الشهر الجاي يتم سنتين وببجي من شطانته حتى بيت أهلي من بدا يتحرك لين ألحين أول ما يجي اليوم كله يحطون ايدهم على قلبهم من شطانته خايفين يتفلع وبالفعل كذا مره تعور ومره لسانه انقص نصين بالبدايه خفيف حيل وايده انجرحت وبلاوي والله ..
أنا قلت لج قصة حياتي بس عشان تقارنين بينهم وقولي الحمدالله اذا ولدج طلع اهدا من ولدي بشوي ​

وألحين الله يستر من أخوه 5 شهور وبدا يتحرك حركات غير طبيعيه أبصم بالعشر بيطلع أجن من أخوه ​

الله يعيني صج وخصوصا ما عندي خدامه حتى الزوارات والطلعات كرهتها والله​

ادعي لي الله يهديهم ويخفف من شطانتهم ..​

 

[مشتطـه]

وااااي فرااااااااااولة كله كوم وسالفة لسانه كوم ثاني

يمه يمه لا ان شاءالله ولدي مايطلع مثله

اخاف انتو ما زفيتو ودلعتوه

انا ريلي عصبي اتوقع ولدي بيخاف وبيصير هادي من ابوه

الله يهدي عيالج ويخليهمم لج يارب

 

[مشتطـه]

مواصلة تسلمين ويحفظلج غاليج

 

[M&Ms]

انا ولدي كان جذي حطيتله غرفة باضية فرشتها زولية امتن نوع وتلفزيون معلق بعيد ما يطوله قام يخبي ويطق راسه بالطوفة فكرت وقتها البس الطوفة اسفنج بعدين حطيتله سله فيها العاب بس ما تكون صغيرة عشان لا يبلعها ولا حادة بس من يكبر شوي راح يبطل الباب وينحاش بره وقعدي لحقيه صج هالعمر وايد متعب

 

[مشتطـه]

ههههههههههههههههههه الله يعينج هههههههههههههههههه

اهم شي تلبسين الطووفه


الحمدلله يارب اللهم لا اعتراض

 

[You FOR Me Only]

ياعمرررري الله يحفظه ويخليله لج

عاد تدرين حلات البيبي حركي خخخخ