السلام عليكم بنات
حبيت افيدكم بماسكات استخدمهم لبشرتي وجابت معاي نتيجه وايد حلوه
سواء لي او لرفيجاتي واهلي
طيب انا نوع بشرتي عاديه حساسه
وبقولكم ايش الماسكات الي استخدمتها ومستمره عليها
اذا طلعتلي حبوب في وجهي
اسوي ماسك الزبادي
ملعقه صغيره زبادي + نص ملعقه شوفان + نص ملعقه نشا
اخلطهم واحطهم ع بشرتي وجهي بس تكون البشره نظيفه
احط الماسك مده ربع ساعه واغسله وارش ماي ورد عشان اقفل المسامات
الماسك هذا ينشف الوجه اشوي لكن بنفس الوقت ينشف الحبوب ويساعد على اخفاءها
ماسك للنظاره البشره
ملعقه صغيره خميره + نص ملعقه نشا + ملعقه صغيره عسل + نص ملعقه ماي دافي
اخلطهم واخليهم ع البشره ربع ساعه واغسل
يعطي نظاره للبشره , بالذات لمن تبين تحطين مكياج حق عزيمه ولا استقبال
ماسك للنعومه وبعد يخفف الحبوب
اغسلي وجهك بمويه دافيه اشوي مرتين ( عشان تفتحي المسامات ) وحطي عسل وخليه ربع ساعه
وغسلي بماي عاديه
يعطي البشره نعومه ويخفف من الحبوب
الماسكاات هذي عن تجربه بس مو بشكل يومي
بس لمن احس انه بشرتي فيها حبوب او بشرتي صارت جافه او ابي نظاره لبشرتي
نصيحه بنات لمن تبون تحطون ماسك وبعدين بتسوون مكياج
يفضل قبل ماتحطون مكياج بي 7 ساعات تحطون ماسك عشان البشره تستفيد اكثر
ولازم ترشين ماي ورد ولا تحطين تونر عشان تقفلين المسامات و ترطبين بشرتج بعد ماتخلصين وتسوين مساج خفيف
