ماسك الهملايا للبشرة

[مملوحه الفال]

يسعد صباحكم بنوتات

الحين الفجر وقاعده متملله قلت انزل لكم موضوع على الطاير

صارلي كم يوم استخدم ماسك

مادري حسيته اوكي بس ماقدر احكم الحين عدل مدل عليه

انا بشرتي وايد مجننتني فيها اثار حبوب وفيها بعض المسامات المفتوحه قلت اجرب هالماسك على وعسى يعطي نتيجه وتخف الاثار اوووف منها

هو ماسك هملايا بالنيم والكركم وهذي صورته

تحطينه وبعدين تمسحينه بقطنه مبلله

وقريت في المنتديات وحده بعد ماتخلص منه ترش على وجها ماي ورد قلت اجرب واشوف

حطيت مرتين والله استانست قلت اجرب

وحبيت اخذ رايكم فيه اذا حد جربه

وفي حد من منتجاتهم للجسم

 

[مشتاقه لك يبا]

رد : ماسك الهملايا للبشرة

ما عندي فكره بس اب لعيوونج

 

[noorq8]

كل منتجات هيمالايا بلااستثناء عجيييييييييييبه سواء للبشره أو الشعر بس للأسف الوكيل عندنا مايجيب كل شي دشي على موقعهم عالنت وشوفي منتجاتهم وااااااااااو .

 

[آسيااا]

والله رفيجتي تمدح في المقشر والماسك
وغيره ماعندي فكره

 

[Be f9la]

الصوره مو واضحه لان اشكالهم نفس الشي
اهو الي بالكركم مو ؟
اذا هاذا الي قصدج عنه انا بعد استخدمته جم يوم
اهو يومين بالاسبوع

بس عجيب تحسين بالفرق من اول مره

 

[~LiBrA~]

رد : ماسك الهملايا للبشرة

انا عندي ماسك الخيار صج لما اشلعه من ويهي تطلع بلاوي

روعه

يسلموووووو

 

[[[ عيون جابر ]]]

انا عندي الي على بابايا وصج احس بنضاره لما اشيله البشره ناعمه تصير وتخف اثار الحبوب

 

[أورلاسو نوفاز]

فعلا حداا عجيب انا استخدم الي بالمشمش اختي شاريته ينظف ويخلي ويهج انعم واصفى حلوو وايد

 

[Confused Girl]

انا جربت ماسك الطين من همالايا .. عجيب ينظف الويه من قلب

 

[دنيا جديده]

شكررا

 

[سمبتيكا ~]

شكثر يمدحونه هالماسك هني بالمنتدى
بس ماجربته ولا مره ..


يعطيج العافيه مملوحه

​

 

[q8y-moon]

انا جربت المرطب والمقشر حلويين

 

[سارووه الاموره]

انا عندي كل منتجاتهم ووااايد ارتااح عليهم من غسولات وماسكات وصوابين ولوشنات وبودرا لووووول

عجييييييييييييييييييييييييييييييبه اعشاب باعشاب

 

[*يارا*]

تسلميين ويعطييج العافيه ......

 

[ملكهـ علي عرشي]

رد : ماسك الهملايا للبشرة

السلام عليكم ورحمة الله وبركاته

<< خبيره باستخدام منتجات هملايا .. غسولهم سوا لى حبوب وشبه اقزيما ماناسبنى كلش

الطين مالهم روعه بس لاتسويه وايد مرتين بشهر كافي .. لانه اذا عندج مسام راح يفتحهم لج .. لانه ينضف << من تجربتى الخاصه

النيم حلو بس ماجربته لانه مايناسب بشرتى لانه للبشره الدهنيه وانا مختلطه وهمن حق الى فيهم نمش

البيل اوف بالخيار مالهم موشى .. اقلها تقدرين تقولين عادي .. استخدمت منتجات افضل منه

شنو بعد سنفره المشمش مالتهم تهبل بالنوعين ريحتها روعه .. للجسم

سنفره الارجل قمه قمه قمه هذي الى ماستغنى عنها .. كلش .. للجسم

بعد شنو ..؟هذا الى اتذكره

انا موقفه عن استخدام كل شي للويه بناء ع كلام دكتور

 

[وفاء11]

بالنسبة لماسك النيم والكركم انا استخدمته بس ما أري ليش حسيت بشرتي تتحسس منه ... عموما انا بشرتي وايد حساسه ما تتحمل اي شي

أحلى شي عندهم وما أستغنى عنه سنفرة الأرجل ,, رووووووعة

اي انا الغسول نشف لي وجهي بس رفيجتي ارتاحت عليه وايد اهو حسب البشرة

وبس هذا الي أعرفه

 

[دلع الفتون]

رد : ماسك الهملايا للبشرة

السلام عليكم فعلا منتجات هملايا رووووعه وانا مااستغنى عنهم السنفره والاقنعه نظفتلى بشرتى وتغيرت للافضل والشامبو وكريمات اليد والرجل فعلا خطيره وسلامتكم