ماسك "التنابل" للجسم

[Mrs.H]

السلام عليكم ورحمة الله وبركاته

شلونكم بنات؟

اول شي بقولكم شغلة: اذا نوعيتكم تسوون بف او كنتوا مسوين تسريحة.. لاتفكرون تمشطونها وتفججونها او تحطون دهن.. احسن شي غسلوا شعرهم بماي وحطوا حمام كريم ويفضل للشعر الجاف والتالف والمقصف والملعون خيرة. مع تدليك رقيق للمكان اللي فيه البفة،، خلوه ربع ساعة تالي غسلوه وبعدين حطوا الشامبو.. ادري مفروض شامبو بعدين الكريم بس انا اعكس الطريقة اذا كنت مسوية تسريحة

نرجع لموضوعنا..

ماسك التنابل حق اللي مايحبون يستمرون بالكريمات.. ومالهم خلق يطلعون علشان اييبون اغراض الماسكات.. هذا ماسك وايد سهل وطبيعي ونتيجته تشووق والاهم موجودة المكونات بكل بيت وهم تقدرون تغيرون فيه مثل ماتبون

اول مكون أساسي اهوا نص قوطي روب.. ينظف البشرة ويشدها
ثاني شي بيضة كاملة.. صفار البيض يرطب ويغذي.. بياض البيض يسكر المسامات ويخلص البشرة من الرؤوس السودا

نخلطهم عدل مدل

تالي نحط فنجان شكر ونخلط علشان يذوب الشكر.. والشكر معروف بإنه مقشر طبيعي ويساعدج علشان تفتكين من اثار الحبوب..
تضيفين نشا للخلطة كثر ماتحبين.. والنشا يفتح البشرة ويصفييها
بعدين تضيفين حليب بودر بالكمية اللي تبين والحليب منظف وملطف طبيعي للبشرة

خلطي وشوفي قوامها.. نبيها تكون لزجة.. وثقلها مثل الكاسترد.. زيديها فنجان شكر او فنجانين ليما توصلين للزوجة المطلوبة.. مانبيها سائلة علشان تنشف بسرعة

المهم طريقة الاستخدام سهلة:

بالحمام تكرمون غسلوا جسمكم بماي وشاور جل.. تالي حطوا الماسك على جسمكم ونطروا ليما ينشف او لين تملون.. وبعدين غسلوا جسمكم بماي عدددل.. اذا بتسوون سنفرة بعدها هذا شي راجع لكم.. واذا تبون تحطوون صابون بعدها هم براحتكم..

الماسك بعد مثااالي مع الحمام المغربي

والاهم انكم ممكن تشيلون منه اشياء وتضيفوله شغلات مثل ماي الورد.. العسل اللي تشوفونه

وشاركوني بافكار للتنابل واللي مالهم خلق مثلي

 

[روعة الوجدان]

مشكورة حبيبتي

يعطيج العافية

 

[عـيّــآره]

مشكوره​

 

[Mrs.H]

حيااكم الله ماقصرتوووا

 

[sverige]

الي كلته عن فائدته صحيح 100٪ بس ريحه البيض مشكله
اني اسويه مرات انو استعمل لبن للجسم ومرات حليب ونشا كلش حلوه النتيجه
شكرااا للموضوع

 

[سالم الروح]

شكرا