ماسكات , صابونات , خلطات طبيعيه .. لـ الشعر والبشره والجسم وكل الي تحتاجينه [تجميعي]

[ريـمـآس]

السلام عليكم , ​

طبعا الموضوع واضح من عنوانه ..​

مسجله لكم ماسكات و علااجات و صابونات و خلطات طبيعيه لـ كل شي تحتاجونـه ,​

لـ الجسم لـ الشعر لـ البشره لـ الريول لـ الايد لـ الشفايف لـ أي شي تبونـه ..​

انشالله الي بيميز موضوعي انه كل شي طبيعي بدون مواد ولا كرتزون​

اشياء سهله و بسيييطه و بتكون عندكم بـ البيت و النتائج مضمونه بإذن الله​

و اذا تبون طلب ماسك أو عـلاج خصيصاً لـ شي معين , قولولـي وانا بدور لكم انشالله​

الموضوع اذا مافيه تفاعل .. ماراح يكون قـوي و متميـز

مافي مانع , الي عندها اي معلومه تفيدنـا :*​

و كل هـ الاشياء من تجميعي الشخصي !​

" طبعاً ما ننسى فضل تاجراتنا الحلويـن , بس في نـاس ما يتعاملون مع الخلطات كلش
و طبيعة جسمهم حساس و بشرتهم تتزلق و تتلف من الخلطات فـ وايد يتضايقون !
تأكدو هـ الموضوع مو نقص بـ التاجرات .. بس نفيد و نستفيد بـ اشياء طبيعيه " ​

أولاَ :
نبـدى بـ مشـاكـل البشـره و الماسكـات المعـآلـجه لهـا :​

تبييض البشـره و نعومتهـا : ​

ماسـك 1 :
بياض بيض + ليمـون
لمدة 20 دقيقـه ​

ماسك 2 :
ملعقة دقيـق
قليل من الحليـب
بعـض ليمـون
ملعقة عسـل
ينخلط و ينحط على الويه و الرقبه ,
لمدة 20 دقيقـه ​

ماسك 3 :
ملعقه كبيره حليب مجفف
صفار بيض
نصف ملعقة نشـا
و بعدها نغسله بـ ماي دافـي ,
لمدة 15 دقيقـه​

ماسك 4 :
بياض بيض
لوز مطحون بالقشره الداخليه
عصير نص ليمونه
لمدة 30 دقيقـه ,
و لما نغسل و ننشـف عدل
نحط زيت اللـوز و ننـام ​

ماسك 5 :
معلقتين أرز مطحون
حليب عادي أو حليب بودره ( الاحسن حليب بودره )
ماي , لكن ما نكثر
نص ملعقه صغييره جليسرين
لمدة 30 دقيقـه ,
و لما نغسل و ننشف عـدل
نحط مـاي ورد بـ قطنه ​

ماسك 6 :
جزر مسلوق متوسط بـ قشوره
زيت لوز
صفار بيض ​

ماسك 7 :
ماي ورد
نشـا​

ماسك 8 :
حبـة البركه
ارز مطحون ​

ماسك 9 :
حلبه مطحونه
خميره
نخلطهم بشوية ماي عشان يذوبون بالخلط
و نخلطهم عدددل و بدقه
لأن نبيها تكون مثل الكريم أو اللوشن ,
و اذا حسيتو انها صلبه ليلحين .. زيدو الماي
حطو ماي ليم توصلون لـ السمك أو الملمس المطلوب
مثل ما قلت قبل شوي , لازم يكون مثل ملمس الكريم
و ترا الريحه مو حلوه لوول بس ميخالف تحملو
أول ما تغسلون هـ الماسك حطو غسول ريحته حلوه
بعد ما تخلصون كلش ملش من هالماسك ,
حطو زيت اللوز على ويهكم ​

و تنبيييييه !
الي بشرتها حساسه و تبي تحط هـ الماسك
لازم تحطه بس 5 دقايق أو 10 دقايق بالكثيير ​

ماسك 10 :
روب
عسل
خميره
بودرة ككاو نسكويك ​

مشـاكـل البـشـره و عـلاجـه :​

لـ مشكلة الهالات السـوده : ​

كيوي .. يتقطع على شكل دائري
و ينحط على العين لمدة 15 دقيقه
يمتص الهالات السوده اذا حطيتيه بإستمرار ,
و لا تنسون , لازم تشربون ماي و تنامون عدل
و الاكل لازم يكون صحي و مفيد​

و ينصحون بـ :​

- الخيار
- الشاي بعد ما تسوونـه , حطوه بـ الثلاجـه
و لما يصير بـااارد .. حطوه على مكان الهالات السوده ​

لـ مشكلة الحبوب و أثرهـا : ​

بـ النسبه لـ البشره الدهنيه :​

طين اخضر ..
ينحط عليه ماي ورد
يصير جنه عجينه
لمدة 20 دقيقه ,​

أما البشـره الجـافـه :​

الطماط ,
أو الخيـار .. مرتين بالاسبوع
لمدة 20 دقيقه ,​

لـ مشكلة البقـع الغامجـه و النمـش :​

التفاح الاخصـر ,
ينسلق و ينشـال القشـر ..
بتصيـر جنهـا كريمـه
هـ الطريقه تساعد على توحييد اللون !
حطوها و حاولو انكم ما تطولون
يعني تقريبا لمدة 15 دقيقـه ,​

لـ مشكلة الوجه الشاحب و عدم النضاره :​

تقدرون تحطون أي فاكهه حمره ,
مثال : بطيـخ , فـراولـه , كـرز , تـوت
تحطون أي نوع بـ قطـن ..
لمـدة 20 دقيقـه ,
و اصلا لما تشوفون النتيجه ..
صدقوني ماراح تحتاجون تحطون كريم ,
يعني تطبقين هـ الطريقه و تطلعيـن ​

و بعد في طريقـه ثانيـه وايـد حلوه :​

بياض البيض
ربع قرفه مطحونه
بيخلي ويهج فيه نضاره و لمعان
لمدة 30 دقيقه ,​

لـ مشكلة التخسيـس :​

لوول ادري هـ الشي ماله شغل بالموضوع ,
بس بما أن الموضوع كلله اشياء طبيعيه ..
حبيت اقولكم شغله صغييـره
اذا تبون تقللون من وزنكم و تضعفون شوي ,
تقدرون تشترون من العطار أو اي مكان زيوت :
مثلاً : زيت اناناس , زيت تفاح , زيت برتقال , زيت ليمون
كيفج على حسب الريحه الي تبينها وتحبينها ..
عموماً , كلهم نفس المفعول اللهم الاختلاف بـ الريحه و الطعم
تحطين الزيت على كل جسمج و تنطرين 10 دقايـق ,
بعدها تسوين لـ كل جسمج مسـاج ..
و بتلاحظين الفـرق بعد فتـره ..​

و بـ جذيـه خلصنـا ملـف البشـره + مشآكـل البشـره و العـلاج + ماسكـات منوعـه
آنشـاللـه كل ما عرفـت شـي يـديـد يخـص البشـره , راح اطرحـه بـ هالموضـوع !​

نطرونـي بـ الرد الثانـي ,
بلييييـز لـحـد يـرد : )
ريـمـآس *​

 

[ريـمـآس]

بـاك ,

ثـانـيـاً :
مشـاكـل الشفـايـف و المـاسكـات المعـالـجـه لهـا :

تنعيـم و توريـد الـشـفـايـف :

ماسـك 1 :
زيت خروع
قطرات ليمون

ناخذ ملعقه زيت الخروع و قطرات ليمون ,
نخلطهم عدل و نحطهم بالثلاجـه عشان يكون لـزج
نحطه يوميـاُ 4 مـرات ..
بس ديرو بالكم لا تطلعون للشمس


ماسـك 2 :
نص ملعقة شمع عسل
ملعقه ممسوحه عسل نحل
ملعقه صغيره زيت لوز
نحطهم على نار هااديـه ..
و لما نشوف الماسك صار اوكيه ,
نحطه بعلبه مسكره
و هـ العلبه نحطهـا بالثلاجه *
و نقدر نحط هالماسك قبل النوم ..
أو 3 مرات بـ اليـوم


مـشـاكـل الـشـفـايـف :
لعلاج كل مشاكل الشفايف لازم تطبقون هـ الخطوات :
1- تقشير
2- ترطيب
3- حمايه

أهم مشكله تواجهه أغلب البنات ..
مـشـكـلـة : سـواد الـشـفـايـف :
اسبابهـا :
- التدخين
- القهوه
- الشاي

عـلآجهـا :
- ملعقتين صغيرتين من عصير ليمون و ملعقه صغيره عسل
3 مرات بالاسبوع .. ولا تنسون الترطيب بـ فازلين على طول
- خلطات بنات المنتدى المضمونه , والاستمرار فيها
- شرب الحليب و التقليل من القهوه و الشاي
- تدليك الشفايف بـ زيت اللوز يومياً قبل النـوم


مـشـكـلـة : ريحـة الفـم الكريـهه و صفـار الاسـنـان :
سمعوني بنات حبايبي ,
ترا نظافة الاسنان و ريحة الحلج اهم من شكل الشفايف ..
لأن النظافه الشخصيه اهم من كل شـي

الطريـقـه 1 :
عصير ليمون
ملعقه صغيره من الملح
لما تصير مثل العجينه ,
استخدمي فرشه نظيفه أو اصبعج و دلكي فيها اسنانج

الطريـقـه 2 :
قبل النوم حطي زيت زيتون بـ اسنانج و لثتج ,
و أول ما تقعدين ماراح تشمين لج ريحه قويه
و طبعا الكل يعرف فوائد زيت الزيتون


الطريـقـه 3 :
ييبي صحن و حطي فيه ليمونه كبيره و 6 حبات فراوله صغار
و عود اذن و قطنه بـ طرف الصحن ..
مسكي شوكه و ضغطي على الفراوله حيل
لما تنهرس و يطلع منها ماي ( عصير فراوله )
و سوي هـ الطريقه لكل الفراولات ..
و الليمونه الكبيره قصيها 6 شرائح دائريه
لما اهرس كل فراوله اعصر فوقها ليمونه ,
اخر شي اييب عود الاذن و اخلط عصير الفراوله و عصير الليمون مع بعض
و اشيل بقايا الفراوله و بذور الليمون
اييب القطنه و اغمسها بـ عصير الفراوله المخلوط بعصير الليمون
و امررها بـ الاسنان كلها .. لان الليمون يفتح و له فوائد وايد
و الفراوله فيها احماض تبيض و تقتل الجراثيم ,
و بعدها تمضمضي و فرشي اسنانج بـ معجون قوي


الطريـقـه 4 :
فرشي بعد كل وجبه تاكلينها ,
و استعملي خيوط طبيه مره وحده باليوم ..
و بتكون اسنانج مثاليه و شكلها وايد حلو

اذا سويتي كل هـ الطرق و اهتميتي بـ نظافة اسنانج ,
و حسيتي ان ماكو فايده .. روحي راجعي
يمكن يكون التهاب باللثه أو شي بـ المعده أو القولون

.
.

هـا اكـمـل ولا لا ؟
اشوف التفاعل و بعدها اكمل ,
ريـمـآس *​

 

[تبيني آرضى عليك]

كملي يالغلا متابعه

 

[ريـمـآس]

up ,
شدعوآآ بنات وينكم ؟​

 

[تبيني آرضى عليك]

آآآآآآآآآآآآآآآآآآب لعيوووووووونج

 

[سالم الروح]

يعطيج العافيه حبيبتي
.
.
.

 

[ضنـآني الشوق]

مشششكوره حبوبه

 

[Al_wdad]

يعطيج العاافيه يالغلا

 

[عمرها السعودية]

يعطيك العافية حبوبة كملي متابعينك

 

[روح غلاها]

مشكوووووووره

ويعطيج العافيه

 

[المــزيــونــه]

ثانكــــــس يعـــطيج الف عافيه
اب اب اب اب
اب اب اب
اب اب
اب
لعيونج​

 

[ريـمـآس]

صـبـآح الـخـيـر < توهـآ قاعـده لوول
امس كان ملف خآص لـ البشره و الشفايف ,
اليوم انشالله لـ الشعر و الجسم ..

نبدي اول شـي بـ الشعـر ,
و طبعاً كل هـ الماسكات و الخلطات ..
تعالج الشعر المتقصف و الخفيف و المجعد و الجاف
بس يبيلـه استمرار مع دقـه بالخلـط : )
تفضـلـو :


ماسـك 1 :
3 ملاعق زيت زيتون
ملعقتين روب
ملعقة عسل
ملعقة زيت اللوز
لمـدة 20 دقيقـه ,

ماسك 2 :
زيت زيتون
زبده
نحطهم بالفرن لما يكونون مثل الخليط
و بعدها نحطهم على الشعر لمدة 10 دقايق

ماسك 3 :
زيت لوز
زيت زيتون
زيت افوكادو
عسل ابيض
ليمون
صفار بيض
نخلطهم كلهم و نحطهم على الشعر ,
لمدة 15 دقيقـه

ماسك 4 :
فنجان بلسم
عسل
زيت لوز
ملعقه بيبي اويل
لمدة 15 دقيقـه ,

ماسك 5 :
موزه مهروسه
ملعقه صغيره زيت لوز
ملعقه عسل ..
لمدة 20 دقيقـه ,

ماسك 6 :
صفار بيضه وحده
1 ملعقه كبيره من بياض البيض
ملعقه كبيره من المايونيز
ملعقتين زيت البرافين
تخلطينهم و تحطينهم مثل الكريم على شعرج المبلل ..
لمدة ساعتين ,

ماسك 7 :
ملعقه زيت زيتون
ملعقه حبة البركه مطحونه
صفار بيضه
تخلطينهم و تحطينهم على شعرج و حاولي تكثرين على فروة راسج ,
بعدها تغطين شعرج بـ نايلون أو قصدير ..
لمدة ساعتيـن ,

ماسك 8 :
زيت السمسم
زيت جوز الهند
زيت السمسم : تييبينه من العطار و تحطينه بعد السباحه على شعرج
لمدة 20 دقيقـه ,
زيت جوز الهند : تييبينه من العطار و تحطينه كل يوم بليل قبل النوم ,
و اول ما تقعدين غسلي شعرج بـ ماي عدل ..
و بتلاحظين الفرق .. بتشوفين شلون شعرج ناعم و صحي

ماسك 9 :
الماسك هذا مختلف شوي .. عباره عن خلطه و ماسك
هـ الطريقه غير , لازم تطبقونها كلهاا خطوه بـ خطوه
اول شي تحطين زيت على شعرج مثلا يوم السبت ..
و تخلينه ما تغسلينه لي يوم الاثنين ,
يعني ما تغسلينه باليوم الأول ولا الثاني .. تغسلينه باليوم الثالث
و أول ما تغسلينه تنشفينه شوي بالفوطه و ما تربطينه ,
تخلينه ينشف بروحه لمدة 3 ساعات أو 4 ساعات ..
بعدها .. تسوين مساج حق شعرج وايد زين ترا , كيفج بأي وقت تبين
عقب .. تمشطين شعرج و راسج تحت يعني تمشطينه عدل من تحت لي فوق
و تحطين 4 ماسكات .. ماسك تغذيه .. ماسك كثافه .. ماسك تطويل .. ماسك تنعيم
هذيل اهم الـ 4 ماسكات :

- ماسك تغذيه
3 ملاعق كبار مايونيز
عصير ليمونه
تحطين اي زيت موجوده عندج .. يعني زيت زيتون و زيت خروع و زيت سمسم
او أي زيت حق الشعر
و هذا الماسك نفس حمام الزيت يعني حطي ع كيفج ..
انا اخليه ساعتين لانه ينشف عقب ..
و ريحته تكون على حسب الزيوت اللي انتي محطتنها..
و بنات لا تستخدمون المايونيز اكثر من مره بالاسبووع

- ماسك كثافه
ملعقة عسل
ملعقه كبيرة زيت زيتون
صفار بيضه
تخطينهم و تحطينهم ماسك لمدة 30 دقيقه ,
والبيض ما تستخدمينه اكثر من مره بالاسبوووع على شعرج
سواء صفار و لا بياض ..

- ماسك تطويل
نص كاس براشوت
ملعقتين خميرة فوريه
تحطينهم على النار لحد ما تسخن شوي بس ..
و خليها على شعرج ساعه او اكثر ..
و هذا الماسك عادي تحطينه مرتين بالاسبوع ..
طبعا هذي المقادير قد شعري , يعني اللي شعرها طووييل تضاعف الكميه ..
و بنات يا ليت تسون مساج قبل لا تغسلونه و حتى و انتو تحطونه بشعوركم


- ماسك تنعيم
تحطين رووب يعني زبادي
عسل
زيت زيتون
كميات متساويه و تحطينهم مثل حمام الزيت ..
تقريبا ساعتين او لحد ما يجف ,

و بين ماسك و الثاني تقدرين تغسلين شعرج بـ ماي و شامبو
يعني عادي مثل السباحه العاديه الي كل مره ,
بس تخلصين تبدين بـ الماسك الثاني و و و إلـخ

ماسك 10 :
2 ملعقه خل التفاح
2 ملعقه جلسرين
1ملعقه زيت زيتون
1ملعقه زيت جوز الهند
2بيضه

نخلطهم عدل و نفرك فيهم فروة الراس ,
لمدة 45 دقيقـه ,

ماسك 11 :
بيضه واحده
1 ملعقه زيت خروع
1 ملعقه زيت ذره
1 ملعقة خل التفاح
1ملعقه جلسرين
كبسولة فيتامين a
لمـدة 10 دقايـق ,
مع الاستمرار بتلاحظين النعومه و الكثافه ..

بـرب ,
بلييييـز لحد يـرد
ريـمـآس *​

 

[ريـمـآس]

بـآآك ,
سوري ع التأخيـر
الحين بتشوفون ماسكات مخصصه لـ الجسم
و كلهمم لهم نفس المفعول !
يفتحون اللون و يوحدون اللون و يقشرون المناطق الغامجه
و ينعمون الجسم و يرطبونه ..
صج صج وااايد حلووويـن :*


مـاسـك 1 :
ليمون
زيت الجلسرين الطبيعي (البرافيل)
ماء ورد مقطر
ملعقة بكنج بودر
حليب ملعقه

تحطينه على جسمج لمدة ساعه أو ساعتين
و بعدها تغسلين جسمج ,
و تفكرينه بصابونة البابايا



مـاسـك 2 :
معلقة دقيق
معلقة نشا
معلقة ماي ورد
معلقة زيت زيتون
معلقة حليب
نص لمونة

تخلطينهم و تحطينهم على جسمج لمدة نص ساعه أو ساعه ,
و تغسلين جسمج عدل .. و تفكرين جسمج بـ مقشر المشمش



مـاسـك 3 :
مسحوق بودرة الشوفان
عصير الليمون
نخلطهم لما يصيرون مثل العجينة شبة السائلة
و تحطونه على الجسم لمدة نص ساعه أو ساعه ,
بعدها تتسبحون وبعد السباحه تحطون على جسمكم زيت اللوز
او زيت زيتون و اهو مبلل ..
و تخلونه لما ينشف ,



مـاسـك 4 :
اول شي تقشرون جسمكم بـ أي مقشر يا من الصيدليه أو من البودي شوب
و بعد ما تقشرون ..
تتسبحون , و بعد السباحه تحطون هـ الماسك البسيط :
جيليسرين السائل
عصير ليمون
و تخلونه على جسمكم .. ليييم يتشرب على جسمكم
و هـ الماسك يفتح المناطق السوده و يوحد اللون و يفتح بععد ,
وايد وااااايد واايد زين ..



مـاسـك 5 :
عسـل
نشـا
حليب طازج بارد
تخلطينهم و تحطينهم على جسمج ,
يوحد اللون و يفتحه ..



مـاسـك 6 :
جلسوليد
6 ليمونات
فكس
زيت زيتون
نشا
فازلين
استخدميها لمدة شهر ,
و صدقيني بتشوفين الفرق :*



مـاسـك 7 :
روب
نشا
نعناع ناشف
شاي أخضر
بقدونس ناشف
تحطونه على جسمكم لمدة نص ساعه ,
يفتح اللون و ينعم الجسم ..



مـاسـك 8 :
ليمونه
زنجبيل مطحون ناعم
ملح خشن
زيت زيتون
تخلطين الزنجبيل مع الملح , و تفركين المناطق السوده أو الغامجه بالليمون
بعدها تدهنين المناطق الغامجه بـ زيت زيتون
هالطريقه انا شخصيا مجربتها .. تفتح المناطق الغاامجه بشكل ملحوظ



مـاسـك 9 :
حمص مطحون تلقونه بالجمعيات
ماي ورد
تخلطون الحمص المطحون مع ماي الورد على حسب الكميه الي تحتاحونها
و تحطونه على جسمكم لمدة نص ساعه أو ساعه ,
يفضل انج اول ما تغسلين هـ الماسك , تستخدمين الليفه المغربيه



مـاسـك 10 :
خميره
عسل
ماي ورد
ليمونه

نخلط الخميره و العسل مع بعض ,
و نحط عليهم عصير ليمون ..
ماي ورد على حسب الكميه المطلوبه
بيكون ملمسه مثل السنفره
حطي على جسمج لييم ينشف و يترشـب


.

.


و بـ جذيه خلصنـا !
آممم و صج .. ترا ماسكات الجسم من نص ساعه إلى سآعتين
و عليكم بـ ألـف عافيـه حبآيبـي ,
الي تبي ماسك معين أو خلطه معينه أو اي شي
تقول طلبها هني و تأكدي ماراح نقصر انا و البنات
و الي عندها ماسك حلو مجربته , تطرح تجربتها
انشالله كل ما القى ماسك حلو و مجربته .. بقولكم :*

ريـمـآس *​

 

[RO0O7Y KUWAITYA]

حبيبتي يعطيج العافيه
اب
اب
اب
اب
اب

 

[ريـمـآس]

الله يعاافيج يا قلبي ,
منوره ​

 

[A.N.L]

كل شي طبيعي حلوو وباقل التكاليف

مشكوره حبيبتي يعطيج العافيه


​

 

[fatma j]

يعطيج العافيه

وايد حلوين

ااب

 

[بنوتة اماراتية]

تسلمين حبيبتي ماشاء الله عليج انتي مصدر المعلومات الجمالية
الله يزيد خيرج ويوفقج دنيا واخرة
وعسانا لاننحرم من مواضيعج الحلوة
تحياتي لج ~~

 

[مراااايم2]

يعطيج الف عافية على التعب

 

[Eillan2]

ماشاء الله ماشاء الله
تسلمي ماتقصري ربي يسعدك