ماسكات تفتيح البشرة

[فارس راضكو عامر]

ماسكات تفتيح البشرة

مرحبا عزيزتي حواء اليوم وجدت عدة وصفات مجربة لتفتيح البشرة

نعلم ان الشمس الحارقة تؤثر على لون البشرة

ولكن هذه الوصفات تعمل على وقاية البشرة من الشمس وايضا تفتح وتنضر البشرة



Natural Beauty: Organic cosmetics is booming

كل عام وانتى بخير



​

 

[عـيّــآره]

ومرررض ان شاءالله مره ساحره ومره طراره والحين خبيره تجميل

ليش تبين تخترقين اجهزة البنات شنو الفايده من هالجهد اللي تسووينه في معرفة

اسرار وخصوصيات البنات

عينه فعلا مريضه ووقذره والحمدالله كلنا نصيدج بسرعه

لاومتعبه نفسج بعد منزله صوره تبين ثقه البنات ؟؟


مال اخذ هالنعناعه واحطها بخشمج يا سوودة الويه


ماقول الا طاح حظج ​

 

[نوف الصقعبي]

من صجج عياره

صايدتها

عاد انا في نك وحده مادري واحد متنكر دش علي 11 مره بالخاص من دوله من دول الشام من غير ذكر الدوله

وكانت تقول ابعتيلي مصاري ابني محتاج عمليه ومستعده ابعتلك الاوراق وهو على كرسي متحرك وعمره 16 سنه ومن هالامور ومستعده افرجيكياه وهو قاعد عالكرسي وهو مجنون وبفتح لك الكاميرا

قلبي نغزني منها وحسيت ان عملية نصب وحقرتها​

 

[نوف الصقعبي]

بعدين صراحه حتى الإسم غريب ومشبوه فارس راضكو شنو​

 

[عـيّــآره]

فارس راضكو عامر << تعويذه مو اسم قوليها خمس مرات تتحولين فراشه ​

ههههههههه​

اقولج نووف مسووين لسته عيال اللذينه حتى انا مطرشين لي رسايل خاصه اللي تبي ​

فلوس واللي ممكن تردي عليااا عاوزه حاقه ظروري وخرابيط وايد​

اشدعوه عليكم ترا ماخذين فكره انه احنا مدمغين وينقص علينا ​

لاتستغلوووون مشاكل بلادكم بهالسوالف عيب ترا واللي تفكر ترسل لي بعد غير اللي ​

ازعجوني ياليت تقرا هالرد​

ويعه لا ومره صادني موقف غريب كنت بمجمع الا اشوف ذاك الشخص ​

الزلماوي من احدا الدول الشقيقه يقولي ممكن دقايق من وقتك عاد انا ورفيجتي رحنا ​

عبالنا صادووووه 8 سالنا اسئله عامه وانا ناطره الكميرا الحين تطلع ابي اسووي حبتين​

تعرفين اخر شي شنو قالي عطاني دول وايد وقال اختاري منهم اخترنا تركيا قال ​

مبرووووك ربحتو تذكره تعالو باجر المكان الفلاني واخذوها ​

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عمى بعينك ما اوصف لج شنو سوينا فيه ​

فضحناه فضيحه متلتله​

بس عقب تحسفها انه ماطلبنا له الشرطه اكتفينا بالتهزيء ​

مادري شنو كتبت بس ان شاءالله تفهمين ​

وبنات اعتبرو هذا موضوع تنبيهي لكم والله تصير سوالف غريبه من هالنوعيه​

 

[برنسس أوراق]

ما اعرفه

 

[نوف الصقعبي]

الحين هابين هبه عياره تدرين شنو
كل ماروح البنك سواء إيداع أو سحب
اشوف وحده لابسه عباة راس ونقاب ومنظرها جنها خليجيه تصدقين
بس شنو مسويه واقفه على بعد جم متر عن البنك حلو
ومخليه بنتها لابسه ملابس مشققه وشعرها كشه وكل شخص يسحب تقوله عطينا الله يعطيك وكلام مادري من وين متعلمته المهم شغل طراره
تميت فتره ابي اشوف البنت وين اهلها لان كنت بوديها المخفر شنو ياهل بهالعمر تمشي بالشارع بين الرياييل وين اهلها ماخافو احد يهتك عرضها الله يلعنهم من امهات واهل
قلت بنطر وبشوف وين تروح البنت
وقعدت اراقبها من بعيد
وله عقب مايمعت لها او بالأحرى حق امها جم عشره
لان امها مختاره موقع استراتيجي بنت اللذين البنك طرارا على مستوى
وله البنت تقعد اتلفت يمين ويسار وتروح حق هاذي الحرمه اللي تنطرها صوب المحل تخيلي
وتاخذها الحرمه ويروحون يسوون شوبينع ومنظر الحرمه كشخه حده تخيلي
زين شلون هانت عليج هالطفله ؟
حسبنا الله ونعم الوكيل​

 

[نوف الصقعبي]

ومره كنت بالغانم
وله هم وحده منقبه وعباة راس تقولي ابي اسافر بالسياره ابوى تعبان بدوله خليجيه وماعندى بانزين تخيلي
عطيتها 10 وقلت دفعة بلا
بس مرات ماصدق خصوصا الزلمات ​

 

[نوف الصقعبي]

ومره عند البنك المركزي وحده قاعده وهم متنقبه مرات احس متنكرين مايبون احد يعرف ملامحهم
وقاعده امبسطه عند مخرج البنك المركزي هم شغل طرارا على تئيل
عطيتها أكل
وله تعصب علي وسوت حركه بعيونها مثل يعني شنو هذا
قلت لها مو انتى محتاجه هذا اكل
قالت مشكوره مابي اكل قلت عيل شن تبين
قالت طالعه من البنك المركزي وتقولين شنو تبين ابي فلوس
قلت شوفي هذا اكل قولى الحمدلله والشكر بس شكلج مومحتاجه شكلج نصابه لانى اعرف حركات اللي مثلج ​

 

[نوف الصقعبي]

ودقيت عالشرطه

انا قمت خصوصا لما اشوف يهال صغار عند الاشاره وبالشوارع يطرون ادق عالشرطه
لان حرام اذا اهلهم قلبهم ميت حرام يدمرون هاليهال
جم مره اوقف يهال اساله وين امك وين ابوك واهلك انت مع منو هنى ماتخاف احد يبوقك
يقولي لا اخوى الكبير بيراقبني من مكان قريب انا موش لحالي
امبيه يعني عصابه انتو​

 

[Adele]

انا ما دشيت اللنك خااف فايروس شي هكر

 

[عـيّــآره]

نووووووووووووووووووووووووووووووووووف

صادني موقف غريب اليوم لاعت جبدي


كنت بالسياره انا واهلي وانا اسفط السياره الا اشوف واحد من جاليه معينه ياي صوبي

سويت نفسي ماشووفه لانه من شكله واضح عليه مو طبيعي قرب من السياره ياشر

ويطق الدريشه مانزلتها قلت له شنو بالاشاره


انا بس قلت له شنوو الا رفع قميييييييييصه فووووق

لاف بطنه وحاط اظاهر كتشب مادري لون على اساس انه مجروح

قرفني يانوف قرفني دريت انه تمثيل وع ماقدر انسى المنظر


شنو الحل حق هالسوالف خلاص انقرفت ماصارت ​

 

[عـيّــآره]

الحين هابين هبه عياره تدرين شنو

كل ماروح البنك سواء إيداع أو سحب
اشوف وحده لابسه عباة راس ونقاب ومنظرها جنها خليجيه تصدقين
بس شنو مسويه واقفه على بعد جم متر عن البنك حلو
ومخليه بنتها لابسه ملابس مشققه وشعرها كشه وكل شخص يسحب تقوله عطينا الله يعطيك وكلام مادري من وين متعلمته المهم شغل طراره
تميت فتره ابي اشوف البنت وين اهلها لان كنت بوديها المخفر شنو ياهل بهالعمر تمشي بالشارع بين الرياييل وين اهلها ماخافو احد يهتك عرضها الله يلعنهم من امهات واهل
قلت بنطر وبشوف وين تروح البنت
وقعدت اراقبها من بعيد
وله عقب مايمعت لها او بالأحرى حق امها جم عشره
لان امها مختاره موقع استراتيجي بنت اللذين البنك طرارا على مستوى
وله البنت تقعد اتلفت يمين ويسار وتروح حق هاذي الحرمه اللي تنطرها صوب المحل تخيلي
وتاخذها الحرمه ويروحون يسوون شوبينع ومنظر الحرمه كشخه حده تخيلي
زين شلون هانت عليج هالطفله ؟

حسبنا الله ونعم الوكيل​

^^^
بل حسبي الله عليها من ام

اشلون جذي تبني مستقبل بنتها على المذله وتقتل بداخلها

الكبرياء وعزة النفس والعفه

انا مهما اشوف هالنوعيه من المناظر مستحيل اقدر ابلغ الشرطه

او الامن ماتسوى علي ظميري يأنبني شهور طويله


انا مره عصبت على هندي دعم سيارتي تميت كم شهر افكر فيه

انه حرام ليش عصبت عليه مع اني ما اسب

بس اتكلم بصوت عالي


عشان جذي زادو لانه محد يبلغ عليهم​

 

[مألوفة]

هههههه بنات تصدقون صار خوش موضوع

ذاك اليوم برمضان في مرا منقبة طقت علي ااباب وانا بالمطبخ بالحوش ازهب الفطور فتحت ولا تعطيني داك الموال طبعا موال الطرارة عيالي بسوريا وعندي عيال اهني مو لاقين شي ناكله و و و و و عاد قلت لها نطري شوية

رحت اييب جنطتي بعطيها فلوس ولا القاها داشة بالحوش اطالع يمين ويسار جان اعطيها
بعدين يوم قعدت مع نفسي قلت واااي يمة لو بايقة احد من عيالي اشلوووون تصدقون دشيت البيت داخل وخليت ولدي قاعد معاها عاد وعلية داش المطبخ ويايب لها معجون الطمام معطيها اياه خخخخخ حبيبي

بس تصدقون تميت افكر لو بايقته جان ينييت يمة وليدي هههه يوم عطيتها الفلوس حتى شكرا ما قالت وعطتني المعجون وراحت

 

[ي حليليِ]

^^


ههههههههههههههههههههه العيارة ونوف عَ راسي
حطمتوا الريّال من موافقكم هههههههه

تلقونه قاعد يلططم الحين ويقول : جكوني جكوووني !!!!


موافقكم غرييييبة والله يكفينا الشرررر يارب ، جد أرف ، ونوف ترا المرة جتني بعد ع الخاص ، من اول رسالة عرفت انها نصابة وطنشتهاااا

وانت يا فارس عنخ امون

قول اسمك خمس مرات مو بس تصير فراشة ، يطلع لك فلوس من كل مكااان
الله يستر عليك بس