ماساتي مع قطوتي فيونكا

[ToOosh]

:eh_s(2):قطوتي ولدت قبل يومين والمصيبة مافيها حليييييييييييييييب اشوة اني جيكت عليها والا جان ماتو كلهم
رحت شريت حليب من الصيدلية خالي من الاكتوز لان يسبب لهم اسهال وشريت سرنجة عشان اشربهم فيها ولاز كل ساعتين يرضعون ومايشربون عدل لاليلي ليل ولا نهاري نهار ماشوف النوم ولا الراحة وامس نمت على القنفة ماحسيت بنفسي ولما قمت والا القى واحد ميت مادري من اليوع والا لانه تعبان لان لما ولدته خلتة بمكان وراحت كملت ولادتها بمكان ثاني وانا امشي جان اسمع صوت بكبت الجواتي والا القاه مناك ووديتة حق امة بس اليوم دفنتة
مادري شلون بتم على هالحالة سبوعين قمت اخاف انام
وعندي قطوة حامل قولو انشالله تولد بسرعة عشان اخليهم يرضعون مع عيالها
صج حالتي النفسية تعبانة هذي ماساتي ادعولهم بليز يعيشون يكسرون الخاطر

عن اذنكم يات حزت الرضعة

 

[jawaa]

حياتي فديت قلبج والله الله يجعله بميزان حسناتج ويرزقج على هالحنيه والاهتمام اممممواح

 

[mo'6y_18]

الله يعينج حبيبتي قولي حق اي احد معاج بالبيت يساعدج و الحين يايج رمضان صج يصير مالج خلق
ولا وديهم عند البيطري لما تولد الثانيه رجعي اخذيهم
و يعطيج العافيه

اب
اب

 

[ToOosh]

حياتي فديت قلبج والله الله يجعله بميزان حسناتج ويرزقج على هالحنيه والاهتمام اممممواح

حبيبتي تسلمين :eh_s(7): امين يا عمري ويخليهم لي بصحتهم يارب هذيل بذمتي

 

[ToOosh]

الله يعينج حبيبتي قولي حق اي احد معاج بالبيت يساعدج و الحين يايج رمضان صج يصير مالج خلق
ولا وديهم عند البيطري لما تولد الثانيه رجعي اخذيهم
و يعطيج العافيه

اب
اب

المشكلة اللي بالبيت مايحبون القطاوة ويخافون وبعدين انا ما ارتاح وماخلي احد يمسك قطاوتي غيري والبيطري كلهم مايعرفون شي وما أأمن
الله يعيني ويقدرني انشالله

 

[ToOosh]

ااااخ قلبي محترق امسكة بيدي وانا حاسة ان بيموت يارب احساسي غلط تكفون بنات ادعولة الوحيد الابيض كان اشطن واحد لما يابتة والحين صار اضعف واحد ولما اشربة الحليب مايبلة يطلع من خشمة ومايتحرك وايد قاط عمرة بجاني ياااارب مايموت مادري شسوييييييييي

 

[Teddy Bear]

حبيبتي الله يعطيج العافيه .. وان شاءالله تولد القطوه وتيب بيبيات و العيال الباجي وان شاءالله يعيشون

في مستشفيات ياخذوون القطاوه و يخلونهم عندهم لين تولد وديها هناك
والله يعينج و يسهل عليج ان شاءالله *

 

[puppy]

حيآآتي
الله يعينج و يصبرج

انا اقول لازم تشوفينلج بيطري.. اذا مو قاعد يشرب,,

بس لا تحـآتين,, ان شـآء الله بيرجع مثل اول و احســن ,,
و ان شـآء الله تولد الثانيه و تسآعدج

الله يقدرج ان شاء الله و يكون بعونج

 

[ToOosh]

مشكورين بناااااات والله خففتو علي شوي حسيت ان في احد معاي بس دعواتكم بظهر الغيب
واخاف اوديهم بيطري اخاف مايديرون بالهم عليهم توه عمرهم يومين

 

[ToOosh]

بنات لما طلع حليب من خشمة شفطتة بحلجي لا تلوع جبدكم بس من الخرعة سويتها بدون ما احس مادري هالشي عادي والا انا قاعدة اضرة ليش الحليب سيدة يطلع من خشمة اللي تعرف تقولي
دايما اولد قطاوة بس اول مرة تمر علي ولادة نفس هذي
المشكلة ماكو بيطري الحين شسوي ؟

 

[Teddy Bear]

حبيبتي مو لازم تودينهم البيطري و تنومينهم عنده
على الاقل بس يشوفونهم يفحصونهم يقولونلج شتسوين فيهم و جذي و ودي الام يمكن يعطونها شي يخلي الحليب يطلع وجذي
والله يسهل ان شاءالله

 

[jawaa]

حبي باجر وديهم مستشفى رويال اللي صوب سوق الحمام اللي هناك دكاتره اجانب مو فلبن وهنود اذا ميزانيتج تسمح وديهم والله انا مره قطوتي كانت حامل واظاهر ماقدرت تولد مادري ليش مع ان مو اول ولاده لها بس نشف الماي اللي فيها وخفت عليها لان طولت بالحمال وديتها هناك لان المكان الوحيد اللي في سونار حق قطاوه امبي قالتلي ان اليهال ميتين فبطنها مافي نبض لاتشوفين شصار فيني بجي بجي سويتلهم فلم كنت خايفه على قطوتي سولها قيصريه وطلعو اليهال والحمدالله مافيها شي والله قطيت ١٥٠ ولاهمني اهم شي قطوتي واللي يضحك انا كنت حامل لوووول تخيلي انا وقطوتي سونار بعدين استوعبت وقعدت اضحك لوووول بس خوش مستشفى

 

[ற!ŚŚ 7ŎǾř]

قـــوإأج الله ..~

 

[Teddy Bear]

Quote=اربيلا;24946629]99838326 هذا رقم دكتور بيطري خاص

وهذي وحده اسمها بوسي كات تحت اشراف طبي مووو صج اتيي للبيت وخدمه جددا راقيه هذا رقمها55703893 وتبيع كل شي يخص القطاوه من ادويه اكل مستلزمات وكل شي ...!!
24722002
الدهماء
2-الري البيطري
ت:23261421

3-الفحيحيل البيطري*
ت:23923273

4-رويال البيطري
ت:24750966

ويعطيني العافيه ههههههه[/quote]


هذيلا أرقام أخذتهم من من موضوع وهو رد اختي اربيلا ان شاءالله يفيدونج الأرقام *

 

[CaT&CuTe]

ياحياااتي الله يوفقج ويجعله بميزان حسناتج
بس لا تتنقلين بالكتنز واييد يمكن يضرهم شي و قربيهم من امهم عشان يحسون بالدفا وحطي تحتهم اي شي دافي اذا امهم ماتقعد عندهم والكتنز اللي يطلع الحليب من خشمه واالله مادري الله يخليييييييييهم لج ويتربون بعزج وتشوفينهم بكل صحه وعافيه يااااااااااااااااااااااااااااااااارب امييييييييييين

 

[aoky kaito kid]

عيل قطوتي المدـلله برنسس اوكي ولدت و مطنشه بعيالها اول امس ولدت اليهال يشربون من خالتهم ران الي ولدت قبل شهر عيالها كبار شوي و كلهم يشربون مع بعض و قبل كانت عندي 5 قطاوه امهم انحاشت فانا اعتني فيهم وااااي كنت اعيش كوابيس الساعه 4 يقومون و انا عندي مدرسه اشربهم حليب و ادفيهم كانو ينامون معاي بفراشي و كنت امهم و اكثر الحين اكبرو تقريبا عمرهم 6 شهور وااي تعبت معاهم بشكل موطبيعي

 

[aoky kaito kid]

و اي صح نسيت اقول القطاوه هذيل مالوتج كبر عيال قطوتي لمن كانت حامل حملت اربع شهور مو صج اخترعت عليها

 

[ToOosh]

مشكووووورين بنات على مروركم وكلامكم الحلو ودعواتكم
بس اللي تعرف شسالفة الحليب لما يطلع من خشمة يقولي

 

[VET-Nour]

بوسي كات لا تأمنين عندها قطآوتج ,,
لأن في بنت كانت كأتبه بموضوع اسمه ( عنوان مركز بوسي كات ) موجود بالقسم شوفي بالردود كاتبه سالفتها ,,
,,
خلي الخدامه تشربهم معاج , ولآ شوفي المزآد اذا اكو قطوه عيالها ماتو او بس عندها واحد او اثنين ,, و اخذيهآ ترضع عيالج قصدي عيال قطوتج , و بعدين بيعيهآ ,
جم قطوه أهمم ؟
آلله يعينج هم قطوه ثانيه تولد ,

اذا عندج قطوتين أو اكثر,, لآ تخلينهم يتزآوجون بنفس الاسبوع او الشهر ,

 

[Le-Touch]

كله اجر وثواب عند ربج حبيبتي
وعسى الله يعينج ويكثر من امثالج