ماركه جورجيو أرماني للمكياج موجوده بالكويت؟

[أميرة الورد]

هاااي بنات شلونكم طبعا انا من زمان موجوده بالمنتدى بس ما أشارك وتوني تشجعت صراحه بس بغيت أسأل مركه جورجيو أرماني حق المكياج وين بالكوييييييت؟ اكو والا لأ لآن يمدحوونها واييد وبالنسبه لكرسم الأساس ماركه كانيبو بجم تقريبا ويصلح حق البشره الدهنيه والا لأ؟ ردوا علي مو اطنشوووووووني بنات وشكرا وشكرا

 

[جنى]

رد : ماركه جورجيو أرماني للمكياج موجوده بالكويت؟

هلا فييج اختي

صح ماركة ارماني شكلها يشوق بالمجلات بس ما ادري اذا تنباع عندنا

اما كنيبو عندهم نوعين واحد ثقيل و واحد خفيف حق البشرة الدهنية و سعر الاساس 9و ربع

 

[رفرف]

رد : ماركه جورجيو أرماني للمكياج موجوده بالكويت؟

أميرة الورد :

اذا على ماركة ارماني والله مادري اول مرة اعرف ان عندهم مكياج ( ديناصورة )
بس أسألج واذا صار عندي خبر اقولج انشالله ..
وكريم أساس كانيبو خذيته يمكن بثمانية وشوي او تسعة وشوي ماذكر ..
واذا بشرتج دهنية ترى كاميبو عندهم اساس سائل للبشرة الدهنية .. لأن الكريمي مايناسب البشرة الدهنية كلش ..

 

[أميرة الورد]

رد : ماركه جورجيو أرماني للمكياج موجوده بالكويت؟

مشكورين جنى ورفرف وعساكم عالقوه يا بعد حيي والله

 

[أميرة الورد]

مشاركة: ماركه جورجيو أرماني للمكياج موجوده بالكويت؟

شدعوه بنات بس ثنتيين ردوااا علي لالالالا ضاق خلقي خلاص لالا لا لاتحـــــــــــــــاولون بجيت خلاص بناااااااااااااااااات ردوووووووووا علي بلييييييييييز

 

[Dancing^Queen]

مشاركة: ماركه جورجيو أرماني للمكياج موجوده بالكويت؟

انا رديت وقتلج
بس حسبي الله علي الهاكر
علي كل حبوبه دقي علي مراكز التجميل مسكي التلفون 101 ودقي علي المراكز وساليهم جان عندهم

 

[أميرة الورد]

مشاركة: ماركه جورجيو أرماني للمكياج موجوده بالكويت؟

ثاكس كوين حياتي والله راح أدق واشوف واذا لقيته راااااااااااح أزف لكم الخبر السعيد لأن صراحه مكياجهم اينن شفته على وحده كويتيه بأمريكا بس انا خبلة ما اخذت من حزتها قلت لا اكو بالكويت ومت من القهر يوم ما لقيته اهني بس انشالله احصله وشكرااااا على ردج حياتي


ايه وشسالفه هالكرز اخترعت انا بالداوم يوم شبكت والا يطلع لي قلت اكيد ضربوا النت وورك بالداوم وراحت وزارة الأعلام P: بس طلع بالمنتدى عاد والله ضاق خلقي تعودت أدش كل يوم المنتدى وحسين أني ضايعه شكلي هذرت واايد يالله بنات