مارضوا يسوونلي عمليه مستشفى طيبه

[MALHoOoFA]

شلونكم حبايبي​

بقولكم الفلم الهندي اللي صار اليوم ، رحت اليوم مستشفى طيبه عند دكتوره منى موسى على أساس أني أبي أسوي عمليه حق التكيس اللي على المبيض وآنا من قبل 8 شهور حملت ووقف نمو الجنين وعقبها ماحملت وصارلي شهرين خذيت منشطات وريلي مدوخ راسي مايبيني آخذ منشطات وآنا بعد تعبت، المهم اليوم رحت جان تقولي خل أستشير دكتور محمد صلاح عن العمليه لأن أهوه اللي راح يسويلج اياها وانا اصلا ماعرف شكل هالدكتور ولا عمري دخلت عنده، عاد شوي ولا ايي معاها دكتور هم ماعرفه مطرشه دكتور محمد صلاح وقاعد يشوف السونار الداخلي ويجيك على التكيس جان يقولي احنا مستشفى خاص واذا سوينالج العمليه احنا اللي راح نكسب بس ماراح نسويلج عمليه لانج من قبل حملتي بدون منشطات وبدون ولا شي وهالشهر بعد جربي منشطات بس جرعه أكثر من قبل :0bee2e8d89: وانا مابي أبر تعبت لمدة 3 ايام كل يوم ابرتين نفسيتي تعبت وطلعت من المستشفى دقيت على امي قاعده اقولها شصار معاي جان تدش عرض وتقولي مرت اخوج حامل وانا متزوجه قبل اخوي بسنه وهذا اول حفيد حق اهلي كنت اموت واييب الحفيد الاول جان ابط البجيه جدام ريلي ماقدرت اوقف بجي نفسيتي تعبت وايد حاسه باحباط مو طبيعي هالحجي من الساعه 8 بالليل ولي الحين احس ماني قادره انسا متظايقه، اسفه طولت عليكم​

 

[m e m e]

امبي حبيبتي انتي من صجج زعلانه ؟ او شي المستشفى صريحيين وياج و عالشي نااااااااااااااادر الحمد الله مانصبوا عليج

و ثاني شغله على مرت اخوي المهم تستانسين شنو يعني انتي تزوجتي قبلهه و اهي بتييب اول حفيد! خلي عنج هالسوالف

و بقولج شغله ترى التكيس مايمنع الحمل التكيس بس مايخليج تعرفين متى وقت التبويض بالضبط

 

[.>حــــــــ(و)ـــراء<.]

حبيبتي لا تضايقين واستغفري ربج

حمدي ربج على الصحه و العافيه

و بعدين حبيبتي مومشكله اول حفيد و لا اخر حفيد يعني

اهلج بس بيحبون اول حفيد و الباقي بيكرهونهم@@

الله يهداج بس انتي حساسه شوي

انا وايد بنات تزوجو عقبي و الحين اهم حوامل...يعني بقعد

ابجي كل ما وحده حملت@@

 

[MALHoOoFA]

m e m e​

والله استانست حق مرت اخوي بس طريقة امي لمن قالتلي الخبر كانت كلش مو بوقتها وبدال ماتزعل على الحاله اللي انا فيها كانت فرحانه بولدها وانا بالطقاق، صح التكيس مايمنع الحمل لاني حملت واهوه موجود بس يخلي التبويض ضعيف ومشكوره عالمرور​

كويتيه_دلوعه​

الحمدلله على كل حال، والله انا بعد وايد تزوجوا عقبي وحملوا وعندهم ييهال بس اليوم صارت ضغوطات علي ورا بعض ماقدرت أتحمل حتى تليفوني حولته مغلق مابي اكلم احد حتى امي شكثر اتصلت علي يطلعلها مغلق بس انا كاشته احس زهقانه، ومشكوره عالمرور​

 

[فتكات بنت كيداهم]

ياحبيتى الله يشفيج ويرزقج الذرية امين يارب العالمين - اشور عليج روحى الصيدلية واشترى جهاز التبويض علشان تعرفين متى التيويض عندج يصير الى تعرفينة وانشالله تبشرينا

 

[Emanova]

امبي حبيبتي انتي من صجج زعلانه ؟ او شي المستشفى صريحيين وياج و عالشي نااااااااااااااادر الحمد الله مانصبوا عليج

و ثاني شغله على مرت اخوي المهم تستانسين شنو يعني انتي تزوجتي قبلهه و اهي بتييب اول حفيد! خلي عنج هالسوالف

و بقولج شغله ترى التكيس مايمنع الحمل التكيس بس مايخليج تعرفين متى وقت التبويض بالضبط

انا اايد اختي ميمي 100%

و اقولج كل شيء رزق ...الوظيفه الشهاده الزواج العيال ..مو احنا اللي نتحكم بالرزق ..خلي ايمانج بالله قوي و تحمديه و تشكره و لا تفكرين و الله يرزقج ان شاء الله

 

[فوفه]

حبيبتي لا تزعلين نفسج ... ومثل ما حملتي المره الاولى انشاءالله بتحملين مره ثانيه ... ونصيحتي لج اخذي عسل معجزة الشفاء لتنشيط المبايض ترى والله وايد زين .. وكثري من قراءة سورة البقره
وعسى الله يرزقج بالذريه الصالحه

 

[عاشقة الرشاقة]

الله يرزقج ويرزق كل محرومة....

 

[Snow-White]

يمكن خيره انج ما سويتيها لان انا فيه دكتور قايلي ان التكيس يرجع عقب العمليه بجم شهر يعني مو دايما منها فايده..وترى التكيس مو مانع للحمل ووايد حريم فيهم تكيس وحملوا

عليج بالمنشطات الطبيعيه عسل مع حبوب اللقاح وحبة البركه تخلطينهم مع بعض وتاخذينهم..وحبة الحلوة واااايد زينه حق التبويض والله يرزقج

 

[MALHoOoFA]

ياحبيتى الله يشفيج ويرزقج الذرية امين يارب العالمين - اشور عليج روحى الصيدلية واشترى جهاز التبويض علشان تعرفين متى التيويض عندج يصير الى تعرفينة وانشالله تبشرينا

مشكوره حبيبتي على مرورج بس انا ما احتاج هالجهاز لاني لازم اروح اسوي سونار داخلي باليوم 12 من الدوره راح يبين حجم البويضات وراح تقولي الدكتوره متى تبويضي​

 

[MALHoOoFA]

انا اايد اختي ميمي 100%

و اقولج كل شيء رزق ...الوظيفه الشهاده الزواج العيال ..مو احنا اللي نتحكم بالرزق ..خلي ايمانج بالله قوي و تحمديه و تشكره و لا تفكرين و الله يرزقج ان شاء الله

الحمدلله على كل حال والله يرزق كل محرومه انشالله، مشكوره عالمرور​

 

[MALHoOoFA]

حبيبتي لا تزعلين نفسج ... ومثل ما حملتي المره الاولى انشاءالله بتحملين مره ثانيه ... ونصيحتي لج اخذي عسل معجزة الشفاء لتنشيط المبايض ترى والله وايد زين .. وكثري من قراءة سورة البقره
وعسى الله يرزقج بالذريه الصالحه

انشالله احمل مره ثانيه وثالثه وانشالله بجرب العسل والقرآن انشالله دايما بكل صلاة والله يرزق الكل انشالله، مشكوره عالمرور​

 

[MALHoOoFA]

الله يرزقج ويرزق كل محرومة....

انشالله يارب، مشكوره عالمرور​

 

[MALHoOoFA]

يمكن خيره انج ما سويتيها لان انا فيه دكتور قايلي ان التكيس يرجع عقب العمليه بجم شهر يعني مو دايما منها فايده..وترى التكيس مو مانع للحمل ووايد حريم فيهم تكيس وحملوا

عليج بالمنشطات الطبيعيه عسل مع حبوب اللقاح وحبة البركه تخلطينهم مع بعض وتاخذينهم..وحبة الحلوة واااايد زينه حق التبويض والله يرزقج

صح انا بعد سامعه ان التكيس يرجع وانا بعد حملت والتكيس كان فيني بدون منشطات ولا شي بس الله ماكتب، الله يرزق كل محرومه انشالله، مشكوره عالمرور​

 

[المهذبه]

الله يرزقج ويرزقني ويرزق بنات المنتدي.

 

[MALHoOoFA]

الله يرزقج ويرزقني ويرزق بنات المنتدي.

انشالله يارب، مشكوره عالمرور​

 

[كويتيه مذهله 87]

ان شالله يااربي تحملين وتفرحين زوجج واهلج

ليش ما تسوين كوي للتكيسات بجذي ما يردون لج مره ثانيه وتبوييييضج يقوي

 

[MALHoOoFA]

ان شالله يااربي تحملين وتفرحين زوجج واهلج

ليش ما تسوين كوي للتكيسات بجذي ما يردون لج مره ثانيه وتبوييييضج يقوي

انشالله يارب اجمعين، والله مادري شنو الكي انا اعرف المنظار واليوم بروح اشوف البويضات من عقب الابر والله كريم انشالله، شاكرتلج مرورج حبيبتي​