مارايك في من يجرحك... ثم يقول امزح؟؟؟

[noof>>]

​

السلام عليكم ورحمة الله وبركاته


مارأيك في من يجرحك ثم يقول أمزح





رأيك فيمن : يشتمك ,,, يسخر منك ,,, ويجرحك ,,, ثم يقول" هههه امزح معك "؟؟!!

لاشك ان جميعنا او أغلبنا يحب الضحك والمرح ويحب ان يبتسم
بروح الدعابة مما يضفي جو البهجة والسرور في قلوب وعقول
من يصادقه ...
اذا جاك شخص يضحك على فلان وفلان

ما خلا شي عنه

بس عشان يضحك ولا عليه من هذا الشخص

ولكن اذا حس بزعل الشخص اللذي جرحه



رد عليييه وقال:::::::::



افـــا علــيــك انــا امــزح انــت زعـــلــــت؟؟؟؟؟؟
هنـــا السؤال؟

و ما رايكم بهؤلاء الأشخاص الذين يمزحون في كل الأوقات

وحتى التي تتطلب الجد ومنهم هؤلاء

الذين يجرحون ويشتمون ثم وبكل وقاحة يوجهون لك هذه العبارة


( امــــزح مـــعـــك) ..!!

ماهو رأيك فيمن يجرحك ثم يقوووول لك أمزح ؟؟؟؟؟


هذي المواقف كثير منتشره عندنا وحبيييت اعرف رايكم؟


تحياتى لكم

 

[(كويتيه عسل)]

مااحب هالنوع من الغشمره

كل شي له حدود حتى الغشمره لها حدود

والشي اذا زاد عن حده ينقلب ضذه وترى هذا استهزاء م غشمره

 

[ba6a 7elwa]

ما اضحك اعطييها نظره ماكو احقر منها و اقولها غشمره؟ اوكي لا تعيدينها بنبره صوت تخرع :eh_s(13):

و ما اقعد معاها مره ثاانيه

 

[انا احلى]

انتي قلتيها امزح مو من صج
بس ازعل كم يوم لماا يعرف قيمت مزحته

 

[Queen NOoori]

ماكو شي اسمه امزح!!!

ما قال هالشي الا صج يقصده !

 

[WaRoODa]

جذاااااب قاصدها

 

[جورجيت]

يالله يا كثر ما اواجه مثل ذالاشخاص ......


مزح ثقيل .

 

[دلوعة أبوهآ]

ياسخافة هالموقف
وياثقل دم الناس اللي تمزح

أنا من النوع اللي ماتقبل المزح أبد
حتى لو كان عادي فما بالك لو كان يجرح .!
وهالموقف صار لي أمس من وحده مابيني وبينها الا زمالة جامعه وبسسسس
مزحت معاي زحه ثقييييييييييله وأنا أنجرحت بس مابينت لها وهي ماحست ع دمها ولا اعتذرت حتى

وهذا ثاني موقف وثاني مزحه تمزحها معاي وتجرحني وتضايقني
بس الحين أحس خلاص
عذرتها مره ومرتين
والحين النفس عافتها والله مالي خلقها أبد​

 

[SeLf^CoNfiDeNce]

اولا : مشكوره اختي عالطرح الرائع
و انا بصراحه ما احب هالنوعيه من الناس لانهم ناس عديمين احساس
كل انسان تصادفه هالسوالف بس وااااااااايد اشوف بعيني شخ يصير فيه هالموقف و يسكت و ما ادري ليش يسكت @@
هل خوف او احترام او الله العالم بس انا انقهر لان لما يصير فيني هالموقف ابين حق الي جدامي اني ما احب هالنوعيه من الغشمره و اوقفه عند حده
و انا بطبعي صريحه فالي يعرف طبعي يعرفني
و مشكووره حبوبه

 

[• قلبه نصيبي •]

اهم شي ! والله الي تسوي فيني هالحركه اعطيها نظره وبس !

امحق @@ ! غشمره جذي كل شي له حدود !

 

[اكابر]

ويييي وايد اتصير ماعاي في ناس يكونون صج ما يقصدون ويتغشمرون عن حسن نيه

بس في ناس لا يقصدونها ولا شافوا السالفه بتقلب جد قالوا غشمره..

 

[خجل انثى]

يالله ذكرتوني بموقف صار لي يوم الجمعه قبل صلاة الظهر
تدرون وحده شبهتني بأنسانه شريره ما ترحم وقالت انتي كذا تشبيهينها
ياربي والله العظيم ان قلبي اذا طفل يبكي يتقطع واحب اساعد الناس بس هالانسانه دوم تحب تجرحني وتحرجني
رديت عليها وقلت لا الله الا الله اليوم جمعه وتقولين كذا
قالت امزح
ياشينها من مزحه وقدام الناس
تموت وتجرحني بأي طريقه احاول ما احتك فيها
بس مادري كـأنها حاطه دوبها بدوبي
يارب افرجها علي
احيانا احس انها مريضه نفسيا
الله يستر ويشفيها
اللهم اكفيني إياها بما شئت
ماعندي الا هالدعاء عسى الله يفرجها علي
دعواتكم لي بالتوفيق​

 

[صب القفشه]

ويييع ما يعجبوني هالنوعيه من الناس اوكـي انا احب اتغشمر
بس مو لي درجه الغشمره الجارحه

 

[قبس من نور]

السلام عليكم شلونكم حبيباتى صراحه هاالموضوع يدخل فى جانب كبير من الاهميه لانه فعلا يسبب مشاكل واحراج كبير خاصه اذا كان جدام شخص او عدة اشخاص لانه يحس الواحد فيه بالفشله والحرج ومادرى يعنى فى ناس حساسين وايد مايحبون هذا النوع من الغشمره لانه يخليهم يبجون انا وحده منهم غصبن على ما املك انى اتحكم بدموعى ولا ابى احسس اللى جدامى انى يعنى ابالغ والااتدلع والا انى خربت القعده يعنى هالسوالف علشان جذيه الواحد لازم يكون حذر ويراعى مشاعر اللى جدامه وسامحونى على الاطاله

 

[noof>>]

مشكورين علي المرور الرائع ^ ^

 

[ღاصول الجمالღ]

انا بالنسبه لي ..
عااااادي مااهتم بس اتجاهل الشخص الي يجرحني ... ولا بد يجي يوم ويترجاني بس عشان اسامحها او اسامحه...

 

[puppet]

سحبي الشخص على جنب وقوليله: بيني وبينك ميخالف

اللي تبيه قوله .. بس مو جدام الناس ، انته جذي تخليهم يسوون مثلك .. وانا ما ارضى

... ترا في ناس يسوون اشياء بس ما يحسون انها اشياء تجرح

أما إذا كانت الغشمرة فيها انتقاص أو تهمة ، قطعي علاقتج بالطرف الثاني .. بلا تردد !!

 

[الغدق]

اكره هالنااس وانا ماعندي
السان ارد
أسكت ومااعلق
لما يضحك ويخلص واحاول مااحتك فيه مرة ثانيه
واذا اضطريت اني اقعد معاه أحاول اتجنب السوالف معاه
يسلمووو

 

[حمام شاقني فنه]

8

ههههه

زين تسوين

بصراحة قمه السحافه واتجنب هالنوعية الي غشمرتهم دفشههه خخخخ

 

[noof>>]

هههه

يسلمووو علي المرور الرائع