ماراح يعطوني فلوسي الالف اللي من الشيخ

[ms mooka]

بنات تكفون شسوي ابوي نوعه عصبي وطبعه جذي فاذا كلمته راح يجعمني ويصارخ علي اهوه كله جذي طرشت اختي الصغيره اصغر مني بجم سنه تقوله نبي فلوسنا يقولها ماكو الف شلون يعني شسوي ابي فلوسي :rgewrg:

 

[English.Teacher]

رد : ماراح يعطوني فلوسي الالف اللي من الشيخ

عليه بالف عافييية

يستاهل هذا اقل شي تقدمينه لابوك

لو مكانك اروح له واحب راسه واقول له عليك بالف عافية هذا اقل شي اقدمه لك

صدقيني وقتها بتكبرين بعينه وبيستحي

بس مو حلوة تروحين له تراددينه وتطالبينه بالفلووس

والفلوس وصخ دنيا بتروح بولا شي وبتطير على خراببييط

 

[فوشية...]

رد: رد : ماراح يعطوني فلوسي الالف اللي من الشيخ

طالبي فيهم هذول من حقج

وبعدين فهميه انج محتاجه لهم وبعدين الشيخ قال لكل فرد وماقال لكل ابو يلهف فلوس اعياله

 

[• الْـڪَـونّتيسَـہٌ «]

رد : ماراح يعطوني فلوسي الالف اللي من الشيخ

يمكن ابووج محتآآج الفلوس أكثر منج ,,

وأكيد مآإرآح يقصر علييـكم يوم بيكوؤن عنـده ..

الـلـه يهديييـج =)

 

[الحراير]

رد: رد : ماراح يعطوني فلوسي الالف اللي من الشيخ

حبيبتي اذا ناقصج شي قوليله واكيد بيعطيج وهذا من حقج بس بسلوب حلو لانه ابوج وان شاءالله مايقصر

 

[dr-faith]

رد : ماراح يعطوني فلوسي الالف اللي من الشيخ

ما عليه حبيبتي

ابوج طول عمره يصرف عليج لين كبرتي (( وقفت على 1000


وبعدين قدريه يمكن عنده ديون او محتاج فلوس

روحي عنده وحبي راسه مثل ما قالت الاخت اللي علقت اول وحده

:eh_s(8):

 

[قطوووة]

رد: رد : ماراح يعطوني فلوسي الالف اللي من الشيخ

لاتطلبين فلوس
قوليله الشي اللي بخاطرج وهو يجيبه لجج

 

[Ψ 3soola Ψ]

رد : ماراح يعطوني فلوسي الالف اللي من الشيخ

ليش يعني اهوا مقصر معاج ؟

اذا ناقصج شي او تبين شي ضروروي تقدرين تاخين المبلغ الي تبينه

صعبه يعطيج الالف كلها اذا نوعه عصبي



:eh_s(17):

 

[~ FOOSY ~]

رد : رد: رد : ماراح يعطوني فلوسي الالف اللي من الشيخ

عادي حبيبتي حتى انا ابوي ماراح يعطيني ولا فلس حمر

بس عادي الحياه مااشيه ما توقف على الالف ..!!

الحمدلله ..!

 

[ms mooka]

اي حدا صعبه اخذهآ كلهآ بس حقي الصراحه
:eh_s(4): لو اهو محتـآج خل يتسلف من البنوك لوول :ch12:

 

[7oor kuwait]

انا مستغربة من البعض,,ابوي على عيني وراسي بس من حقي استانس هاذي فلوسي والمفرووض بدون ما اطلبه يعطيني ياها او عالاقل يحطها بحسابي ويتابعه,,

وابوي نفس ابوج وصارت سالفة اليوم على هالطاري بس اخرتها راح يعطيني ياهم ماكو فايدة راسي يابس,,كافي مرتين يعطونها ميتين وما شمينا منهم ولا فلس شفيها اذا استانسنا

انا والله حاسة فيج وكل وحدة بموقفنا اكيد راح تحس وتنقهر,,بس عموما صلي ركعتيين وادعي, وتعاليله بالهداوة وخلي اسلوبج ونبرة صوتج هادية واقنعيه بالمنطق وانشالله يارب يعطيج

 

[ليت الماضي يرجع]

رد : رد: ماراح يعطوني فلوسي الالف اللي من الشيخ

الله يعينك بس صدقيني اذا احتجتي شي ماراح يرفضة منك

 

[الأميرة جوري]

رد: رد : رد: ماراح يعطوني فلوسي الالف اللي من الشيخ

لا تطلبينه بس قولي يبه ناقص هالشيء وهالشيء او شوفي امج

 

[قفشـه]

رد : رد: ماراح يعطوني فلوسي الالف اللي من الشيخ

انت ومالك لابيك

هذا ابوج

ومايجوز هالكلام

 

[DaShTeYa_Q8]

رد: رد : رد: ماراح يعطوني فلوسي الالف اللي من الشيخ

أحسج ياهل جم عمرج ؟
شنوو إذا محتاج خل يتسلف من البنوك شهالحجي !
تعصبين أبووج وحالتج حاله ومطرشه أختج عشان 1000 شبتسوين فيهم يعني ؟
بتحطين 1000 دينار بغرفتج ولا ببوكج ؟
إذا محتاجة شي قوليله يبآ ناقصني هالشي أو بخاطري هالشي مو غصبن عليك تعطيني ألفي !
صج الفلوس وصخ دنيآ إحنا كل فلوسنآ ماندري عنهم للحين بالبنك حتى مآسحبناهم
الحمدالله مو مقصر بشي .

 

[النملة نواري]

رد: رد : رد: ماراح يعطوني فلوسي الالف اللي من الشيخ

انتي عكسي
انا الفي كلها عطيتها ابوي برضاي عساه يتهنى فيها و الله يعطيه خيرها و يكفيه شرها

 

[غ ــلا الــروح]

رد : رد: رد : ماراح يعطوني فلوسي الالف اللي من الشيخ

.
.

.
اذآ انتي صغـيره او مـآعندج حسـآب خلـي فـلوسج عنـد ابـوج احسـن لج

ولكـن اذآ انتي مـوظفـه وعندج حسـآب او محـتآجتهـم

فـقولـي لآبوج انـج محـتآجه هـآلفلــوس​

 

[[[ عيون جابر ]]]

رد: رد : رد: ماراح يعطوني فلوسي الالف اللي من الشيخ

عليه بالعافيه عمره كله يصرخ عليج آلاف مو ألف الحين زعلانه على هالالف وتعايرينه اكيد محتاجها

 

[مجنونة نت]

رد: رد : رد: ماراح يعطوني فلوسي الالف اللي من الشيخ

انتي عكسي
انا الفي كلها عطيتها ابوي برضاي عساه يتهنى فيها و الله يعطيه خيرها و يكفيه شرها

كثر آلله من أمثآلج ان شاء الله..
ويآلله يآرب تجيبين النسبة اللي تبينهآ يآآآآآآآآآآآآآآآآآآآرب وتدخلين أحسن آلتخصصآت

 

[أميرة-]

رد : رد: رد : ماراح يعطوني فلوسي الالف اللي من الشيخ

حبيبتي هذا ابوج مايصير تتكلمين عنه جذي

يمكن اهو محتاجهم وانتي اذا خذيتيهم بتلعبين فيهم على الفاضي مو اولى ابوج ياخذها

انا موظفه ونزلت المنحه بحسابي والله سحبتها اول مانزلت وعطيتها ابوي الله يطول بعمره .. فديته والله كل فلوووسي له صرف علي ورباني وتعب علي مو خسارة فيه الألف


ولو امي حيه الله يرحمها ويغفر لها جان عطيتها .. بنات ادعوا لها كل ماجيب طاريها ابجي