ماده جماليات الادب العربي تحذييييييييييير!!!!!!!

[تالمنا و تعلمنا]

بنااااااات نصيحه لوجه الله لا تاخذون عند دكتور احمد عوض لماده جماليات غلطه عمري اني خذيت عنده مايخااف الله امتحاناته صعببببببه وشرحه يلوع الجببببببد محاضرته ممله بمعنى الكلمه وكله يعطي واجبات وكل واجب العن من الي قبله وبالفاينل المذكره كااااااااامله داشه بالامتحان مارضا يحذف شي ولا شقووووول يقول مافي دكتور محترم يرضا يحذف خلو الاحترام لك حمد الله والشكر ثلاث ارباع البنات سقوط عنده ويقولهم مارفعكم ولا درجه وحده ورفيجتي سقطت علدرجه تترجاه مو راضي ينجحها اللهم اني بلغت الله فاشهد وبلغو اي احد تعرفونه بياخذ عنده لانه بيندددددددددددددددددددددم

 

[Ray.Bana =$]

آمبيهه :/

يعطيج العافيهه نبهتيناا عاد انا قاعده اجوف دكاترة زينين حق هالماده باخذها الكورس الاول بشطب على هذا لوول

 

[أبلة فاتن]

ماعرفه بس جني سامعه انه موزين بعد قبل مدري ليش جذي هدفهم تطفيش الطالب كأن الطالب عدو لهم !!​

من دشيت هالجامعه ما انعجبت بولا دكتور حتى الزينين اللهم رجل واحد دكتور شريعه اما الباجي نسأل الله السلامه من دون استثناء جماليات خوذوها عند مرسل العجمي فقط لا غيرموفقات

 

[گنت أحبگ]

شددعوووه!


انا مااخذه عنده هالكورس

وتوناا ما امتحناا بعد شوي امتحاني


الدكتور وااايد وايييد حبوب واينن وشرحه عجيييييب

امتحاناته حددهاا سهله

صج ان كميته شوي كبيره بس الامتحان سهل

ولا وحده من طالبات شعبتي مو عاجبها شرحه

بس يتحلطمون ع الكميه

بس وايد حبوب الدكتور

انتي اي شعبه ؟ بكيفان ولا شويخ؟

ومتا امتحنتو؟

 

[~ طـــواري ليل ~]

حتى انا مأخذه عنده ،

الدكتور صح ممله محاضرآته
أنآ مأخذتهآ سآعه وربع ف أكيد أدب وشعر الوآحد مآله خلق ويمل بسرعه

بس من نآحية الشرح الدكتور م يقصر كل شيء يشرحه وشرحه عجيب ، اللي بتنتبه معآه بتظمن نفسهآ

آنآ ورفيجتي عنده وبكل مديتيرمآتنآ درجآتنآ زينه
آول مديتيم بعد حآلين غلط مآل وفآة كل شآعر كنآ مخربطين وحسبلنآ إيآهم صح
ثآني مديتيرم كآن شوي دسم بس مو صعب ، كله عطآنآ إيآه الدكتور ونقلنآ إيآه
وتصحيحه لآحظت بثآني مديتيرم كآن مدقق شوي

والشيء اللي انصدمت منه ان حآط لرفيجتي غلط بمعنى كلمة اهي كآتبه ( اسم مكآن ) يقول لهآ الصحيح ( مكآن ) فقط بدون ذكر كلمة ( اسم ) لأن اسم مكان هذآ بقوآعد العربي مدري شنو <<< تصرقعنآ ذآك اليوم



بس عموماً الدكتور احسن من غيره على الاقل يجتهد معآنآ






^


إذآ تبون دكتور جمآليآت زين عندكم مشآري الموسى وأسمآء السرحآن وهيفآء السنعوسي

هيفآء سمعت إن تسوين لهآ مسرحية مع قروب وتقيمكم عليهآ ، مدحوآ لي إيآها

 

[د.ساره]

حراااااااااااااام الظليمة شينه
انا ماخذه عنده هالكورس !!! عطاني a
وغايبة يمكن 5 مرات والواجبات ولا واجب قدمت
بس احضر واشارك وامتحاناتي حلي الحمدلله زين
الواجبات عليهم 5 درجات ما كنت ادري
وكل غياب نص درجة @@
كلمته وقلت له اني ما ادري ودرجاتي بالامتحانات زينة دكتور حرام انزل وجذي @@
سامحني وحط لي اي :/
اانا ماخذه عنده 135 الساعه 8 بالشويخ
بالبداية كنت ازهق بس للأمانة كنت انوت مع الدكتور ومحترمة نفسي بالكلاس
والايام اللي يطوفني شي انقله من بنت
ما قصر الدكتور ويخلينا نختار طريقة الامتحان ومرات الكمية وطيب ويضحك ويانا ويسولف
حرام ينظلم الدكتور
والله يعطيه العافيه

 

[~ طـــواري ليل ~]

^^^^ صح كلآمج ، اهو توب بآلشرح وامتحآنآته زينه ١٠ درجآت مقآلي و١٠ موضوعي والموضوعي الكل يضمنه تآفه

قريدي طلعته بهآلمآده معطيني A

انآ ادري اهو رآفعني من عنده ، لآني متأكدة قريدي الصچي B+

الله يجزآه خير ، لآ تظلمونه إذآ انتو مقصرين

 

[مولاي الفرج]

انا خذيت عنده قبل ثلاث سنين

اهو حبوب لما يشرح بس كنت انصدم اني ادرس واحل عدل

واشوف الدرجه حدث ولا حرج !

ماني عارفه ليش مع ان الاسئله سهله واحل عدل

وعطاني d

ولما رحت له قالي انتي المفروض ساقطه اانا منجحج

!!

لاتعليق يمكن التقصير مني الله العالم

 

[مولاي الفرج]

اي صج وعدتها بعدين عند هيفاء السنعوسي وربي تهبببببببببببببببببل

يبت عندها a

 

[&شواقة الكويت&]

نصيحه اخذووها عند مرسل عجييييييييييييييييييييييييييييييب هالدكتوووووور شرحه روعه ونكته ويخلينا نختار القصايد الي بندرسها احنا نتخارها واهم شي مافيه حفظ ولا قصيده ....

 

[Hi--class]

هم اختي خذت عنده وتقول شرحه زين وامتحاناته زينه و انصدمت بالقريد f :d
انا عندي الدكتور وجيه محترم وخوش واحد

 

[KelyAmanii]

انا خذيت عنده الصيفي اللي طاف

وطلعت منّه بـ ( دي ) انا و4 من رفيجاتي لووول ..

صراحه شرحه وايد حلوو ..

واجبات صح كرف .. بس حلوة وسهله !

امتحاناته مو صعبه وايد لكن يبيلها دراسه لانها مقاليه افففف :‘(

مشكلته مايقدّر الطلبه حدج 3 غيابات وبس ..

بعدها مايقبل طبيات وينقص واااااايد على الغياب ..

انا اذكر قبل كنت من مستشفى لي مستشفى واضطر اني اغيب عنده

وشرحت له كل شي واوراق تثبت مرضي ..!

لكن للاسف ماكان يعذر .. وكنت ابجي جدامه من القهر لكن للاسف

الله يسامحه .. بس حييل احبه :‘)

 

[همسات شقاوي]

بالعكس الدكتور محترم والمذكرة مالته مبسطة
مع أن انا مو يمه كلش ودايما سرحانه او بالفون اطقطق ولا عمري حليت معه واجب وكانت هالكورس دايما اتعب وادوخ وادرس قبله بيوم الا الفاينل درست قبله بيومين
وطلعت منه b