مادري ليش وشحقه اغار منها؟؟ ضربت فيوزاتي @@

[لولو برونزاج]

السلام عليكم

انا بدش عالموضوع على طول :eh_s(22):

انا عمري 20 وعندي اخت وحده وامي حبيبتي
وباجي اخواني لووول

ومو نوعي ايمع ربع
ماعندي الا صديقه وحده وخوش بنت

المهم ,,
انا مو ناقصني شي
حلوه وبنت حموله وجامعيه وذكيه وربت بيت

ما امدح بنفسي

بس رحم الله امرء عرف قدر نفسه :eh_s(15):

وانا عارفه نفسي عدل

ولكن,, عندي مرت اخوي هاذي حسبة اختي ههههه انا وياها نفس الشي يعني اكثر من اخت والله :eh_s(7):

بس اختها ,, مااااااااااااااقدر ابلعهااااااااااااااااااااا :rgewrg:
ماحبهاااااااااااااااا
اغااااار منها

حيل حححححيل

انا منصدمه من نفسي
اقول انا مو ناقصني شي على شنو اغار منها؟؟؟؟؟

اهي كله معطيه الدنيا طناش وغبيه تسوي اللي فبالها ومحد يحاجيها
تغثني :rgewrg:

وارجع واكلم نفسي اقول من صجي انا؟
انا شكو فيهاااااا :eh_s(2):

اول مره بحيااااااتي اغار من احد من جد اول مره !! :eh_s(16):

اذا اهي يت تاخذ الجو مني
ولا بعد كانو بيخطبونها لاخوي
احس بغيت اموت
ههههههههههه

معقوله انا فيني شي يعني؟

اهي اصغر مني ,, ما اجذب عليكم بس حيل عاديه والله يعني مملوحه البنت بس

لكن مادري ليش اغار منها اهي بالذات ؟؟!! :eh_s(11):

مع شهادة الكل انا مو ناقصني شي وانا اعرف نفسي :bbbiu:

بس شكو احط دوبي دوبها !!
قمت اتحاشاها وربي
بس لمن اشوفها احاول بقدر الامكان اكون طيبه يعني ما ابين لها شي بالعكس اصير حبوبه حيل !
الحمدلله انا عقلي براسي ماني نسره اذا اغار من احد اسوي اكشن لوووول
لا هالشي بيني وبين نفسي


و قلت خل اخذ رايكم حتن ما قلت لاحد لوول
ابي حــــــــــل؟؟
في مره صارت فيكم؟
تغارون من احد وماتدرون ليش؟؟
وودي اعرف شنو اللي قاعد يصير فيني لوووول من قلب ضربت فيوزاتي
​

 

[*الشيـــهـانـة*]

هههههههههههههههههههههههه
والله يختج مدري ليش تغارين منها دام انتي احسن منها انسيها وعيشي حياتج

 

[قلبي مو بيدي]

حبيبتي عادي الغيرة شي طبيعي عند الأنثى لكن اهم شي ماتسوين فيها حاجه
وكلنا حنا نغار لكن مانبين للناس اذا انتي خايفة انك تسوين فيها شي حاولي تحاشينها
وبما انك حلوة وجميلة وانيقه ليه اغار منها الأنسان يغار من اللي احسن منه مو من اللي أقل منه
ودايما اوقفي قدام المراية وكلمي نفسك قولي أنا واثقه من نفسي انا ماأغار منها أنا أحب نفسي الناس تحبني لأن اسلوبي طيب معهم أنا احب الناس ترا صدق مع مرور الوقت راح تشوفين التغير بنفسك ترا هذي الحركة ماخذتها من دكتورة ايام الجامعه مو من عقلي واي شي تتمنينه يكون صفه ملازمه لك كلمي نفسك فيها قدام المراية

 

[(*ام عهــــد *)]

سبحان الله
مافي سبب واضح للغيره بس تعوذي من الشيطان واذكري محاسنها ورافجيها يمكن لما تعرفين شخصيتها عدل تختلف النظره عندج وتحبينها

 

[هــنــوف]

هههههههههههههههههههه مت ضحك حالتج مستعصيه مني والطريق تغارين منها ومافيها زوووود اهم شي لاتخرب العلاااقه بينكم وبس

 

[أميرة-]

حبيبتي خذيها قاعده


الواحد مايغار الا من شخص احسن منه .. انتي تقولين البنت تاكل الجو لما تحضر بالمجالس والكل يحبها جايز لانها غالبتج بالشي هذا فتغارين منها


انا اقول لا تقارنين نفسج بأحد

 

[honey lust]

مادري يعني من شنو بتغارين!

كل واحد ياخذ نصيبه بالدنيا سواء جمال ولا عايله ولا زواج ولا غيره

انا اقولج انشغلي بنفسج ولا تطالعين غيرج و لا ترا بتتعبين وااايد

 

[mahawy89]

مشكله والله الله يعينج على نفسج هو شي طيب ان الواحد تكون فيه غير بس باعتدال مووو حييييل يعني



يعني ناقصج شويه قناعه بنفسج انتي الظاهر مو راضيه عن نفسج مو مقتنعه بذاتج وبس

والله يشيل الغرور منج

 

[لولو برونزاج]

*الشيـــهـانـة*
هههههه مادري امانه انا بروحي مادري ليش :eh_s(22):
مشكوره على مرورج حبي

قلبي مو بيدي
ماكو الا هل حل والله
مع ان كل ما اوقف جدام المنظره اعجب بنفسي
عادي احب لولو اناا لووووول
مشكوره على نصايحج من جد
خصوصا لمن قلتيلي هالشي طبيعي :$

ام عهد
والله رافجتها قلت يمكن الاقي شي مني مناك
استغفر الله مادري شقولج
بس غبيه
وانقهر زياااده :eh_s(10):
اقول ليييششش يحبونها ولا بعد كانو يبون يزوجونها اخوي @@
شنو شايفين فيها؟ :/

هنوف
لالا لاتخافين العلاقه سليمه
الحمدلله انا راكده عقلي براسي ههههههههههه
بس كل اشوف فيها شي انغث
لله في لله !! :/

اميرة
لا يبا من وين احسن مني؟ ,, اوكي مادري اهي بشنو احسن مني
وصج لمن تقعد معانا تاخذ الجو
بس على شنو؟؟ عساه على سنع
مادري مادري بس احس الناس مغشوشين فيها :bbbiu:ههههه
لا امبيه ان شاءالله ما اصير جذي حدي متحطمه هههه

هوني
عدل كلامج 100%
والله منشغله بنفسي وماعلي منها
بس لمن يصدف اشوفها
اكتأب هههههههه

مهاوي
والله مقتنعه بنفسي والللللله
وهالشي اهو اللي مخليني انصدم بزوود
يعني انا عارفه نفسي واعرفها اهي شنو
شكو اغار؟ :eh_s(2):
عشان تاخذ الجو مني؟ والناس مايدرون انها مو واااو يعني
سبحان الله
صج نصيب هههههههههه

 

[BomCHekaWawa]

للحين ماعرفتي ليش تغارين منها ؟؟
لأنها تاكل الجو عليج لما تيي !

 

[لولو برونزاج]

للحين ماعرفتي ليش تغارين منها ؟؟
لأنها تاكل الجو عليج لما تيي !

تهقين يعني؟ ههههههههه
والله الظاهر جذي
يمكن لاني هاديه وما اسولف كله مســتمعه
خلاص بزهب لي خطاااب رسمي اذا صارت يمعه يايه واهي موجوده هههههه
لا اتغشمر :eh_s(22):

صنكيووو ع المرور :*

 

[• قلبه نصيبي •]

حاولي تقعدين معاها وبتحبينها مع لايااام

 

[ما كو اسم]

يا حلوج .....كل شئ تبينه لج لا ياحبيبتي الله عطاها الحضور مثل ما عطاج الجمال والذكاء ما يصير كل شئ لج

 

[عيش و مرق]

عاااااااادى كل البشر يغارون بس اهم شي ان فى كنترول على النفس بحيث ان الغيره ماتطلع بره

 

[ليان]

ههههههههههههههههههههههههه
ههههههههههههههههههههههههه

كثري من الاستغفار وراح يصير الوضع طبيعي​

 

[miss-rema]

حبيبتي اللة ليس ظلام للعبيد يعطي للكل بالتساوي اقتنعي انه مثل ما انعم عليك بنعم كثيره اعطى غيرك فلا تنشغلي بهذه الامور لانك في مقتبل العمر وسوف تلتقي في البنات بالدراسه والدوام واهل الزوج والمعارف والجيران فلا تجعلي نفسك في مقارنه مع اي امرأة اخرى مع دعائي لكي بالتوفيق والمزيد من هذه الصراحه الرائعة مع النفس

 

[عسل سل]

الغيره الي ماالها دااعي والحقد يمرض صاااحبه
دام انج متاذيه من هالشي شيلييه من باالج تناااسي الغييره عشاان تنسيين وصفي النيه وضحكي وتغشمري ويااها

 

[ام زهقانه]

حريممممممممممممممممممممممممممممممممممممممممممممممممممم
لازم يغارون ههههههههههههههههههههههه
ابليس مااااااااااااااااااااااااااااااااااااااا مات

 

[sky_84]

انتي تغارين منها لانج تبين تكونين نفسها بس ما تعرفين في شيء عاجبج بالبنت انتي للحين مو عارفة شنو بس الايام راح توصلج فكري عدل شنو في البنت شيء عاجبج مو موجود عندج
اذا عرفتيه ادعي الله ان يزيدها في ويعطيج مثله أو أحسن منه

 

[الفدنه]

احساسج غريب

مو يعني عمري ماغرت امبلا اغار بس ادري ليش ومن شنو؟؟
بس انتي يمكن عشان اخت مرت اخوج
واقرب لها منج؟؟وانتي تحبين مرت اخوج
او يمكن عشا الحضور مثل ماقالوا البنات
ع العموم طنشي هالاحساس لانه اذا فكرتي فيه بيزيد ويصير هاجس
الله يكتب لج اللي فيه الخير