مادري ليش افكر بالطلاق ! تعبت والله تعبت

[Al-RoRo77]

السلام عليكم ورحمة الله وبركاته
بنات انا تعبانه والله تعبانه وصرت كارهه الدنيا بدون سبب
بنات هالاسبوعين مادري شفيني انام واقعد وانا افكر بالطلاق
مع اني كنت احب ريلي وايد ومو مقصر معاي ويحبني وايد
امي قالتلي عادي لانج حامل وهالشي يصير عند اغلب الحريم
وانا مااعتقد لاني باول الاشهر ومااعتقد المره اذا كانت تحب ريلها وايد بسبت الحمال اتفكر بالطلاق مستحييييييييييييل!!
اللي اسمعه ان ممكن تكره ريحته او شي جي مو تفكر بالطلاق بنات نص اليوم تفكيري بالطلاق مادري ليش
مع انه مو مقصر معاي والله اليوم قلتله طلقني وبروح بيت اهلي هد شغله وياني وقعد يقولي مو بكيفج واقوله مااحبك
يقولي تموتييييييين فيني انتي لانج تعبانه اتقولين جي !!
شكوووو تعبانه وافكر بالطلاق!!!
بنات مضايقه والله حاشتني كاًبه مو طبيعيه وابي ابجي من كثر ماهالموضوع مضايقني
ماني مشتهيته ماني طايقته مادري ليش مع انه وايد مهتم بنفسه ومو مقصر معاي ومدلعني وااااااايد ماشاء الله
انا الحمدالله اذكر ربي ويوميا اشغل الرقيه الشرعيه بس مادري شاللي قاع يصير اول مره اكرها !
العاده لمن ايي والله باليوم احضنه وايد واحب انام وراسي ع ايده الحين من يمد ايده اوخر عنه
تعبااااااااااانه ليش قاع يصير جي اتوقعون ليش شنو السبب عين ولا شنو ؟!!!
كاسر خاطري وانا بعد كاسره خاطر نفسي !! تعبت والله تعبت من التفكير !!
:eh_s(2)::eh_s(2)::eh_s(2):

 

[جنون العشق]

يقلبي مع الحمال عادي يصير كره للزوج خاصه فتره الوحام روحي عند اهلك اخذيلك كم يوم وصدقيني راح تتغير نفسيتك

 

[pusy cat]

تعوذي من ابليس

عادي الحامل ماعليها شرهه كله تفصل على زوجها

وضعج طبيعي بس تعوذي من ابليس وتفي هالكلمه من بؤج

انشالله فتره وتعدي

 

[G!RLooNa]

100% من الحمال

اعرف وحده جذي بس هذيج بالنفاس ريل بالسما و ريل بالارض تطلقني يعني تطلقني

و كاهم الحين شحلاتهم الله يخليهم لبعض

ازمه و تعدي انشالله

 

[Al-RoRo77]

رد : مادري ليش افكر بالطلاق ! تعبت والله تعبت

ياحياتي انتوا وشكلي هذا اللي ابي اسويه اقعد عند اهلي وان شاء الله تتغير نفسيتي
ويطير هالتفكير اللي مادري من وين طلعلي من راسي
تسلمون بنات والله يوفقكم دنيا واخره يارب ويطمن قلبكم مثل ماطمنتوني

 

[ياليل مااطولك]

شوفي اذا كان هذا الحمل الاول لك فهاذا عادي لان الحمال الاول يكون صعب وخصوصا الثلاثة اشهر الاولى

 

[BroKeN GiRL]

عادي من الحمااال تتغير النفسيييه

غيري جو طلعي تمشي استانسي شمي هوووا .. روحي نامي عند اهلج اذا مو طايقته ..

انا لما كنت حامل قلتله طلقني وتهاوشت معااه .. عشان نوومته انا لازم انوم ريلي مشالله
نومته وقمت شوي شوي قعدت عند التلفزيون وكان عندي محاظرات الصبح .. نص ساعه جان يقوم يشوفني قاعده عند التلفزيون
هاوشني سكر التلفزيون وتلني من ايدي وسكر الليتات بينومني

قلتله ليش تسكررر التلفزيون انت مو محترمني انا مو يااهل انا كبيره كيفي انت ماتحبني طلقني :\
قعد يضحك علي


يعني عااااادييييييييي فترره وتعديي

 

[shimo]

من الحمل طبييييييييعى .كنت نفس حالتك.

 

[pusy cat]

عادي من الحمااال تتغير النفسيييه

غيري جو طلعي تمشي استانسي شمي هوووا .. روحي نامي عند اهلج اذا مو طايقته ..

انا لما كنت حامل قلتله طلقني وتهاوشت معااه .. عشان نوومته انا لازم انوم ريلي مشالله
نومته وقمت شوي شوي قعدت عند التلفزيون وكان عندي محاظرات الصبح .. نص ساعه جان يقوم يشوفني قاعده عند التلفزيون
هاوشني سكر التلفزيون وتلني من ايدي وسكر الليتات بينومني

قلتله ليش تسكررر التلفزيون انت مو محترمني انا مو يااهل انا كبيره كيفي انت ماتحبني طلقني :\
قعد يضحك علي


يعني عااااادييييييييي فترره وتعديي

لوووووووووووووووووووووووووووووووووووووووووووووووووووووول

:dddds:

 

[Al-RoRo77]

رد : مادري ليش افكر بالطلاق ! تعبت والله تعبت

اهاااا الحمدالله يعني فتره واتعدي الله يصبرني ويعيني ياااارب
اختي بروكن قيرل ههههه فديتج تصدقين من دريت اني حامل ماطلعت من البيت مع انه يحن يبي يطلعني
بس شكلي بعاند نفسي والتعب واروح بيت اهلي واتمشى مثل ماقلتوا
احس صج محتاجه اطلع اشم هوا بس احاتي العوار والنفسيه اللي انا فيها بس راح اغير جووو ان شاء الله
عسى الله يسخرلكم ازواجكم يارب ماقصرتوا بنات طمنتوني فديتكم

 

[سوسن1980]

رد : مادري ليش افكر بالطلاق ! تعبت والله تعبت

عادي فترة وتعدي بس روحي كم يوم ارتاحي عند اهلك

 

[DooLy88]

الله ايسر امورج

 

[Al-RoRo77]

رد : مادري ليش افكر بالطلاق ! تعبت والله تعبت

ان شاء الله يالغاليات
الله يوفقكم يارب

 

[al-musk]

رد : مادري ليش افكر بالطلاق ! تعبت والله تعبت

يابنت الحلال تعوذي من ابليس وفعلا حده الوضع مو طبيعي..الله يفرج عنج

 

[DLOOL]

مثلي بالضبط بس تعوذي من الشيطاااان ترى انا سالفتي اتخرع بغت تصير صج والحين اتذكر الموقف واستغفر ربي واحمده ما ادري شنو كان فيني ذيك الحزه زعلااانه منه وضاغط علي بشكل مو طبيعي حتى لما يضحك ودي ازنطه

 

[Miss McDonald]

رد : مادري ليش افكر بالطلاق ! تعبت والله تعبت

.


عآدي حبوبة هذا من الحمال والنساه ,
بنت خالتي صار فيها نفسسج ,



الله يهووون عليج

 

[Al-RoRo77]

رد : مادري ليش افكر بالطلاق ! تعبت والله تعبت

اَمين يارب
فديت قلوبكم والله ريحتوني وااااااايد
عسى الله يريحكم ويسر اموركم يارب
دلول ههه الحمدالله انها ماصارت صج وانا بسكت ومابي اكرر هالكلمه مسكين كسر خاطري والله تعقد صاير يسألني صج ماتبيني؟ صج ماتحبيني؟
وانا متنحه الله يعيني يارب

 

[كلهآ ملح ..}]

رد : مادري ليش افكر بالطلاق ! تعبت والله تعبت

ياحياااااااااتي لا من الحمل فديتتس
روحي عند اهلتس فديتتس وغيري جوو
عسى ربي يعدي ايامتس على خير وترجعون اكثر من قبل باذن ربي

 

[نـعـومـه]

رد : مادري ليش افكر بالطلاق ! تعبت والله تعبت

اكيد من الحمال صبري شوي

وهم ارقي نفسج دايما

 

[~LiBrA~]

رد : مادري ليش افكر بالطلاق ! تعبت والله تعبت

ديربالج على ريلج لا تخلين كلمة الطلاق سهله بلسانج بعدين اتصير سهله بلسانه

تأسفي منه وقوليله ميخالف حبيبي تحملني هذا كله من الحمال وقولي هالكلام حتى لو كنت مو قاصدته

بس لا تخلين ريلج يكرهج بسبب هالسالفه حتى لو يموت فيج ترا كثر الدق يفج اللحام

وروحي بيت اهلج جم يوم قعدي اهناك