مادري شنو اللي فيني أحس نفسي كئيبه ..

[Eva-SS]

انا من كنت صغيرة وهالشغلة فيني مادري شنو سببها والله يمكن من عمري 7 سنين

كل يوم بالليل لما احط راسي على المخده بنام هموم الدنيا كلها تطري علي .. احس بتصير مصيبة واهلي بيموتون واقعد ابجي ابجي والله اشاهق من البجي

والله من يوم كنت صغيرة وانا جذي ولا قلت لاحد لما تسألني أمي ليش ابجي ماكنت اقولها لانه احس انها بتزفني على تفكيري الغبي هذا .. كبرت وانا ليما هالعقده فيني

اطالع الناس حواليني يضحكون اقول ليش مستانسين على بالهم الدنيا دايمه لهم .. بيجيهم يوم ويبجون بيموت لهم احد ولا بيمرضون

لما اقعد بروحي تطري علي افكار مادري شلون صايره .. اتخيل ابوي ميت الله لا يقول واقعد ابجي .. الحين بعد ما تزوجت زاد الوسواس ولدي يلعب جدام عيني والوضع عادي فجأة احس تخنقني العبرة ولدي بيصير فيه شي بيموت ياربي شنو هالتفكير

وخاصة بالليل .. كرهت الليل والسبه هالضيقة اللي تجيني

انا الحمد لله اصلي واستغفر ومرات ارتاح بعد ماصلي احس براحة عجيبة بس ماطول .. ترجع نفس الضيقة لي ونفس الوسواس

احس نفسي كئيبه ودي اضحك من قلبي مثل الناس وماحاتي شي بس ماقدر .. وانا بالدوام ادق مليون مره اجيك على ولدي ومرات تحوشني نفس الضيقه احاول اكتم دموعي

اختي قبل يوم كنت صغيرة كانت تدش علي وتشوفني ابجي وتقولي شفيج مشكلتي ماتجرأ أقول لاحد اخاف يفكرون اني مجنونه ولا يعايروني .. وهالمشكلة فيني من يوم كنت صغيرة مادري شنو سببها

 

[متى افرح]

حبيبتي ربي يفرح قلبك

اعتقد والله العالم

صارت عادة عندك وعاد الشيطان مايقصر الشي السئ يزينة بقلوب البشر

اقصد انها عادة اذا جاء وقت النوم تذكرين الاشياء السئية او اي شي سلبي

تجاهلي الاشياء السلبية مهما كان حتى لو كلفك التعب ومانمتي علاج لنفسك

اقراي المعوذات قبل النوم

ولاتفكرين كثير وان شاءلله ربي يساعدك

 

[حلاتي ابتسامتي]

حبيبتي هذي الحاله تجيني مراات يعني مو دايم وانتي اذا فكرتي فيها حاولي تنسين يعني شلون لهي نفسج بأي شي واضحكي عادي وهذا كله ترى وسواس تعوذي من ابليس ولا تضااايقين اوك

 

[عبير العنزي]

حياتي هذا قلق

مافكرتي تعرضين نفسج على دكتوره نفسيه ترا الدكتور النفسي مو بس حق الناس المرضى

لا مرات يعطونا حلول توصلو لها من خلال دراستهم بعلم النفس

ان شاء الله تساعدج..حياتي هذي مو عيشه الانسان طول عمره يعيش بقلق؟

واخيرا قوي ايمانج بالله تعالى وتأكدي ( قل لن يصيبنا الا ماكتب الله لنا )

وصحيح رب العالمين خلق الانسان ونهايته الموت لكن بعد رب العالمين خلق الدنيا وخلق فيها اشياء لازم الانسان يعيش عشانها

وحلل لنا امور كثيره وقال المال والبنون زينة الحياة الدنيا خلق لنا الاكل والشرب والنوم والزواج والتكاثر و الشغل والسفر الخ..

في قصة من نسج الخيال امي كانت تسولفها لنا وحنا صغار

تقول في فتره من الزمن الناس صارت تعرف التاريخ اللي تموت فيه

وهالناس بعد ماعرفو يوم موتهم محد قام ياكل ولا يشرب ولا يشتغل وصارت الحياة كئيبه وكلها حزن وهموم

كل واحد يقول انا ليش اعيش واشتغل واكل وواشرب وموتي باجي له جم يوم او جم ساعه

وبعدها بسنوات قالو لهم ان هذي خرافه ومحد يعرف يومه ومحد يدري متى يموت وهالشي بيد رب العالمين ..وارجعو الناس لحياتهم وشغلهم وارجعت الضحكه لهم وعاشو حياة سعيده>> لوول

القصه خياليه لكن فيها حكمه

ويقول الامام علي عليه السلام( إعمـــل لدنياك كأنك تعيش أبداً..وأعمــل لأخرتكـ كأنك تموت غداً )

 

[مس تسذآ]

تصدقين عاد ,

هالافكار تييني احياناً , خصووصا قبل لا انام دايما جذي

بس بسرعه افكر بموضوع ثاني و اشغل عمري

و اقعد استغفر ربي

و يروح هالتفكير

اول ما يطري على بالج هالشغلات استغفري و حاولي تفكرين يمواضيع ثانيه و علطول بيروح

 

[^همآليل^]

حبيبتي يمكن صايرلك موقف من قبل .. يمكن من لما كنتي صغيره توفى عندك احد
وهذي تعتبر خبره صدميه لازمتك طول فتره حياتك


انا اقول روحي راجعي دكتور نفسي صدقيني بترتاحين
اذا انتي خايفه او مستحيه
لاتعلمين احد روحي من غير لاحد يدري


ابعدي عنك الافكار السلبيه .. ودايما فكري بالجوانب الايجابيه للامور

ورددي بينك وبين نفسك ( قل لن يصيبنا الا ماكتبه الله لنا )
ااذا دققتي بهاالايه وآمنتي فيها صدقيني بترتاحين

وتوكلي على الله بكل شي ولاتحاتين

 

[عظيمة الشان]

هلا حبيبتي

والله انة مثلج بالظبط فيت فيت

من وانة صغيرة اتخيل يوم القيامه

وان احد بيموت من هلي

واتم اصييح لي يومج هذا الاحساس

الله يطول بعمرهم وبعمر الجميع يارب

وانة مع راي عبير 100%

اهم شي الصلاة والاستغفار

وحاولي تفكرين بالاشيا الايجابيه وبس

باب النجار مخلع

لووووووول

وان شاء الله تصيرين احسن يا قلبي

تحياتي​

 

[أم توتو]

حياتي هذا قلق

مافكرتي تعرضين نفسج على دكتوره نفسيه ترا الدكتور النفسي مو بس حق الناس المرضى

لا مرات يعطونا حلول توصلو لها من خلال دراستهم بعلم النفس

ان شاء الله تساعدج..حياتي هذي مو عيشه الانسان طول عمره يعيش بقلق؟

واخيرا قوي ايمانج بالله تعالى وتأكدي ( قل لن يصيبنا الا ماكتب الله لنا )

وصحيح رب العالمين خلق الانسان ونهايته الموت لكن بعد رب العالمين خلق الدنيا وخلق فيها اشياء لازم الانسان يعيش عشانها

وحلل لنا امور كثيره وقال المال والبنون زينة الحياة الدنيا خلق لنا الاكل والشرب والنوم والزواج والتكاثر و الشغل والسفر الخ..

في قصة من نسج الخيال امي كانت تسولفها لنا وحنا صغار

تقول في فتره من الزمن الناس صارت تعرف التاريخ اللي تموت فيه

وهالناس بعد ماعرفو يوم موتهم محد قام ياكل ولا يشرب ولا يشتغل وصارت الحياة كئيبه وكلها حزن وهموم

كل واحد يقول انا ليش اعيش واشتغل واكل وواشرب وموتي باجي له جم يوم او جم ساعه

وبعدها بسنوات قالو لهم ان هذي خرافه ومحد يعرف يومه ومحد يدري متى يموت وهالشي بيد رب العالمين ..وارجعو الناس لحياتهم وشغلهم وارجعت الضحكه لهم وعاشو حياة سعيده>> لوول

القصه خياليه لكن فيها حكمه

ويقول الامام علي عليه السلام( إعمـــل لدنياك كأنك تعيش أبداً..وأعمــل لأخرتكـ كأنك تموت غداً )

ماشاء الله عليها كفت ووفت يعطيها العافيه

 

[لياليـ]

انا مع عبير
اتقبلي مروري

 

[.CinDeRella.]

هذا وسواس الشيطان

اول شي واضح انج تنامين وتحطين راسج ع المخده ومافيج نوم كلش وهالشي قاله الدكتور

وكل انسان يمر هالتجربه يحس احد اقاربه راح يموت او يصير فيه شي او يشوف مستقبله ويكون مظلم

الي عليج قبل لاتنامين

تتوضين وتصلين ركعتين وتسبحين سبحان الله 33 والحمدالله 33 والله واكبر 34 وبعدها اقري سوره الكرسي

وسوره الاخلاص والمعوذتين


::


والطريقه الثانيه شغلي القران عند راسج واذا حافظه اقري مع الشيخ بقلبج ماتدرين الى الصبح طالع

لاتعطين الشيطان مجال



وان شاء الله فتره وتعدي يارب