مادري شنو احط عنوان .. بس دشوا واقروا!!

[صدمني الوقت]

السلام عليكم ورحمة الله وبركاته

شلونكم كويتيات؟!

بدش بالموضوع على طول .. انا هالشهر راجعت دكتوره مهجه البدر وعطتني كلوميد وابرة تفجيرة وحددت موعد الجماع وصار كل شي تمام حسب الخطة وعطتني دوفاستون من 17يوم للدورة.. وقالتلي حبة كل 12ساعة لمدة 10ايام وانا خذيتها بالضبط بالساعة وقالتلي اذا خلصتي الحبوب نطري يومين او ثلاثة مانزلت الدورة روحي حللي..المهم صارلي 4ايام من خلصت الحبوب وموعد دورتي بـ 19-5 وصارلها يومين متأخرة وانا خايفه اروح احلل..وانا العادة اذا خذيت منشطات الدورة تنزل قبل موعدها بجم يوم وماتتأخر وانا ألحين محتاره وخايفه اروح احلل ويطلع ماكو شي واتحطم نفسياً مادري شسوي ساعدوني؟!!!

 

[هناااادي]

قوولي لا اله الا الله
ربي يرزقج ياقلبي وحلللي اقطعي الشك ووان شالله وحتى مافي شي تفائلي بالخير وربي كريم صدقني تفائل بالخير زين
وادعي باخر الليل

 

[حلمي الأمومة]

ان شاء الله حامل

بس انتي تعوذي من ابليس وحللي

 

[@الليدي لين@]

حللي وان شاء الله ياااااربي حامل وتفرحين ان شاء الله باذن الله


الله يرزقج ويرزق الكل

 

[زين ودلال]

ان شاء الله بأذن الله تكونين حامل

 

[صدمني الوقت]

الله يسمع منكم والله يحقق امانيكم بس انا خايفه اروح احلل لاني صارلي ٦سنين وانا انطر وكل مره النتيجة نجتڤ ومابي اروح وانصدم وألحين احس اني انا عايشه الحلم اني حامل ومرتاحه جذي وزوجي هم بعد ينطر وكل يوم يسأل واحسه متفائل بس بداخلي خوف وودي اعيش الحلم ومابي انصدم بالواقع لاني تعبت 

 

[بنت ذآك الأمير!]

صدمني معروفه المنشطات تقدم لما بتنزل الدوره روحي حلللي ويارب خير

 

[قلب مغليك]

الله يرزقج يارب انتي عارفه
دورتج انها تقدم
ان شاءالله هالمره حامل يارب

 

[صدمني الوقت]

الله كريم .. لاتنسوني من دعائكم ويارب تتحقق امانيكم ..والله يكتب اللي فيه الخير..

 

[الزيـــــ^^ـــــن]

يارب يارب يارب يارب يارب تكووونين حااااااااااااااااااااامل

بشرينا

 

[غيـ الناس ـر]

توكلي على الله وحللي ويارب يطلع بوسيتف

وتفرحين بتووووم يارب

 

[صدمني الوقت]

الله يسمع منكم .. يارب يكتب لي الحمل ويرزقكم باللي تتمنون...

 

[قلق وازعاج]

يااااااااارب يطلع فيه حمل

 

[صدمني الوقت]

يارب الله يسمع منج اختي..ويرزقج باللي تتمنين..

 

[ملكه الحطب]

شنو ناطره

يالله روحي حللي بشرينااا

ياااااارب يااااااارب حامل

 

[غلاي امي وزوجي]

ان شاء الله حامل بس لا تنسين تبشريني

 

[أميره الورد]

بشريني الله يرزقج بالحمل الثابت وربي يفرحج بشوفته

 

[أحبك يالبنفسج]

يااارب مايضيع تعبج ويرزقج الذريه الصالحه

 

[Q8_QT]

ياااااارب حامل حبيبتي ليلحين ما حللتي ؟ طمنينا عليج

 

[منور الإماراتية]

هااااااااااا بشري وش صاااااااااار

يالسيين نطررج تقولين لنا بناات باركولي انا حامل

وان شاء الله نشوووووفه اليوم

يااااااااارب يفرررحج ووويفرح قلب ريلج واهللللج بالحمل السليم الكامي المعافي يااااااارب