مادري شنزل مواضيع؟! تعالوا طلبوا مني قبل لا ينحذف الموضوع!!

[Mrs_Orchidia]

قوووووووووة


ميتة بنزل لكم موضوع هني بركن المكياج بس ماعندي شي معين اتكلم عنه



شنو تقترحون أنزل مواضيع؟؟

شي بالمكياج طبعًا


بسرعة ردوا قبل لا ينحذف الموضوع .. لووووول
:krkrkr:
لان احس ان ماله داعي


قولوا اللي تبوون بحدود المعقول .. مزاجي حلوو لا تطوفونه!!

 

[^حبيبة الكل^]

و الله يا مس اوركيديا بخاطري موضوع يتكلم عن الشدو المائي و كيفيه وضعه
لان صج احبه بس ما اتقن استخدامه

 

[**selena**]

حطي صور ميكبج او لوكات ي شي عادي ههههه

 

[ودآعتك قلبي]

أي شي منج حلووو يا حلوووو

ناآطرينج ..

 

[سارونات]

عدسات +رموش +تساريح ذربه للشعر الطويل

 

[Mrs_Orchidia]

ياحياتي انتوا


حبيبة .. انا مالي تجارب مع الشدو المائي للاسف


شي ثاني .. لوكات .. مادري

عندي جم لوك جاهزين .. بس مو مصورة الأغراض و بعضهم عاديين

ودي انزلهم بس مركز التحميل مادري شفيه

 

[سارونات]

مس اوركيدا يتلي فكره وانا احوس باليوتيوب
شوفي تحطين لوكات مغنيات الاجانب بفيديواتهم اقصد بس ويهاا وشعرهاا شرايج !!

 

[suziana]

عندي طلب صغيروووووون
اختي بشرتها نفس بشرة بثينة الرئيسي ..... وهي مملووووووووحة لكن يخرب عليها الاساس
جربت كريمات كثيرة .... شانيل تغطيته خفيفة .. سان لوران ثقيييييل ويبان ابيض بزيادة ,,, فوايفر مو ذاك الزود
الله يخليك ..ابغى خطوات الاساس مع اسماء الماركات...
ولك دعوة في هذا الفجر إن يحقق لك ماتتمنين عاجلا غير اجل...

 

[Mrs_Orchidia]

عندي طلب صغيروووووون
اختي بشرتها نفس بشرة بثينة الرئيسي ..... وهي مملووووووووحة لكن يخرب عليها الاساس
جربت كريمات كثيرة .... شانيل تغطيته خفيفة .. سان لوران ثقيييييل ويبان ابيض بزيادة ,,, فوايفر مو ذاك الزود
الله يخليك ..ابغى خطوات الاساس مع اسماء الماركات...
ولك دعوة في هذا الفجر إن يحقق لك ماتتمنين عاجلا غير اجل...

اي حبيبتي عادي انا جذي الاساس مو حلو علي وايد

احط عادي بس الخفيف احلى علي يمكن اختج نفسها

بس أول شي قولي اهي شنو نوع بشرتها؟ و عندها عيوب؟ اذا اي شنو عيوبها؟

 

[Mrs_Orchidia]

مس اوركيدا يتلي فكره وانا احوس باليوتيوب
شوفي تحطين لوكات مغنيات الاجانب بفيديواتهم اقصد بس ويهاا وشعرهاا شرايج !!

حلوة فكرتج =)) بس شلون يعني؟ اخاف يحولونه حق لوكات المشاهير
لاني مسوية هالحركة هناك

 

[Mrs_Orchidia]

عدسات +رموش +تساريح ذربه للشعر الطويل

مممم ... مادري شنو يعني تبين بالضبط؟ أحط الاشياء الحلوة منهم

قولي فكرتج
بس حبوبة خليج عالميك اب .. هذا اكثر شي افهمه لووول

 

[يآلبى ضحكتي:$$]

نبي مآعليج آمر يآحيآآآآآتي = مكيآج ينفع حق آلجآمعه + ونبي مكيآج برونزي بحت + آبي آحلى آلحمر آللحميه وآلفآآآآآآآتحه


فدييييييييييييييييييييتج مآقصرتي يآمبدعه:***​

 

[white**angel]

اهلاااااااااا مشتااقه حق مواضيعج كنت اقعدواطلق خطواااتج صج صج كنت مستفيده منهم ومره حطيتي خطوات كريم اساسج وليلحين متذكرتهاا وقمت استخدم نفس كريمج

 

[suziana]

بشرتها مختلطة .... يعني دهنية على حرف t .. وباقي الوجه جاف
شوفي في الدوام مافيه مشكلة ... تحط حاجة خفيفة .. وممكن تعيد عليه اذا خف
لكن في المناسبات .... مأساة .. وخصوصا اننا الان مقبلين عالعيد
يعني نفسي بمكياج تغطيته حلوة ومايبين فرررررق بين الوجه وباقي الجسم
نفس كيم ونجوى كرم ....

 

[ام ساره 4]

كل شي منج حلووووو

 

[برازيليه سعوديه]

يعطيج العافيه..اي شي حبيبتي منج مستعدين له هههههه..لاتطولين علينا

 

[رووزلندا]

ممكن روابط عن طريق نحت الوجه ويكون موضح بالتفصيل
وشنو اللي ينحط تحت العين اللي يكون افتح من الوجه كله يعني يكون منور تحت العيون غير الكونسيلر
وشكرا لك

 

[وجـه البـدر]

اوركيدا انا من اشد المتابعين لمواضيعج المميزه ..

الله يعطيج العافيه ياقلبي

طلبي موضوع عن الشدوات بانواعها وشنو احلى شي جربتيه وبس ياروحي عساج على القوه ..

 

[دنيتي راشد]

يب يب نبي لوكات للجامعه مكياج خفيف وحلو

 

[Sparkle]

كل شىء منج حلو :*