مادري شفيه !!

[sosa_23]

السلام عليكم بنات

شلونكم ؟



بقولكم اللي صار معاي ...

انا حدي متضايقه اليوم صار موقف مو حلو بيني وبين ريلي مادري يمكن البعض مو قاري موضوعي القديم بس انا صايرلي فتره مالي خلقه مادري ليش اعوذ بالله من الشيطان الرجيم واهو بعد متغير شوي
المهم اليوم كنا طالعين مافينا شي صار بينا نقاش على موضوع ججان يقولي اقول ترى انا مو ناقصج انتي الثانيه !!!
عامليني عدل مثل الناس بروحه مالي خلق و مابي اسوي اشياء قاعد افكر فيها وبعدين اندم!!!!!

مافهمته ...

فسرتها 3 تفسيرات مادري اذا صح ولالا

اما انه يقرر الانفصال او انه يخون لا قدر الله او يتزوج ثانيه او ثالث احتمال ان يطقني بالطوف على قولتهم ويسوي اي شي ثاني يفكر فيه

مادري بنات بس ضااااق خلقي حيل من كلامه مادري شنو يقصد

بعدها حاولت اغير السالفه واكلمه كان منفس علي و كنا قاعدين بمطعم و اساسا من البيت راسه يعوره على قولته مصدع صارله يومين بس الكلام غريب
بعدها لما قطني البيت عند الباب قبل لا انزل اكلمه يرد علي رد عادي بس احس قلبه مو صافي

ماااااااااااااادري شفيه :eh_s(2):

بنات لا تقولولي سأليه !!


اهو من النوع اللي اذا سألته عن شي قاله واهو معصب يرد يعصب مره ثانيه حتى لو كان هاادي



قولولي شسوي احس في شي مادري شنو ....

واللي ماعندها شي تقوله خل تدعيلي مشكورين​

 

[sosa_23]

اب عشان تشوفون الموضوع

 

[miss mnora]

يمكن في شي ثاني مضاايقه

بس لما قال (( مابي اسوي اشياء قاعد افكر فيها وبعدين اندم!!!!! )) مبين انه يحبج وما يبي يخسرج انتي حاولي تغيرين نفسيتج وتقعدين معااه وتقوليله كل شي مضايقتج يعني فضفضي له وسحبي منه الحجي قوليله في شي مضايقك اكيد بيتكلم .. واذا تغيرتي وقعدتي معااه اهوا بعد بيتغير صدقيني :* الله يخليكم لبعض يارب
حبيبتي ادعــــــــــــــــــــــي احسن شي واقري *

 

[حلوه ولمآحه]

يابنت الحلال تحملي
انتي وسعي صدرج
يعني الريال عنده ضغوط وانتي بتضغطينه زياده بمعاملتج
سمعي قران وسوره البقره بالبيت
والله يسخره لج ويسخرج له ويهدي مابينكم ،،~

 

[الأميرة جوري]

يمكن تعبان او ضغوط دوام اويفكر بشغله ومتضايق الريال اذا كان مشغول خلاص حتى امهمايعرفها من العصبيه خفي ليه وطوووووووووووووفي

 

[Nice day]

يابنت الناااس سنعي عمررج. ليش مالج خلق شي بالعكس حبي رووحي. عيشي حياتج خلج كووول وزقررت وسوي الاشيا اللي يحبهااا كسري الروتين. وزوجج مبين عليه خووش واحد وشاريج ويمكتن هالجمل اللي قالهم عشان يخرعج وتردين تعاملينه اخسن وتهتمين فيه وبرووحج. الريال يبي. من مرته الابتسااامه والجمال. والدلع.

 

[Om_Ksha]

الله يسخرررره لج

 

[زوجة عزيز]

الله يهديه وكلميه بهدوء حبيبتي حتى لو انتي متضايقه مايخالف كلنا جذي لازم مانخلي الاكتئاب او الضيق او الملل يسيطر علينا الله يوفقج

 

[اسواريه]

حاولي تكلمينه بهدوء اذا قعدتوا مع بعض
اقري سورة البقرة يوميااااو شغلي القران بالبيت يعني بالمسجل

 

[Al-RoRo77]

وعليكم السلام ورحمة الله وبركاته
حبيبتي انتي تعوذي من الشيطان وادعي ربج وشغلي قراَن
باين انه ماشاء الله يحبج والدليل شكله بيخوفج ويبيج تردين مثل قبل خوش وحده وقايلج انه يفكر بأشياء
حبيبتي ترى الرياييل يبون الريج الحلو من حريمهم والدلع والاهتمام انتي سوي كل هذيل واللي يريحج علشانج انتي بالأول وعلشانه
قعدي معاه واعتذري وبينيله انج تحبينه وبتردين مثل قبل واحسن وقوليله اللي بقلبج
عسى الله يخليكم لبعض يارب

 

[ديانا سبنسر]

الله يهديه لج يمكن قال هالكلام يبيج تغيرين معاملتج معاه وادعي ربج ان يهديه لج ويسخره

 

[مارشميلو..]

معليه حبيبتي لاتفكرين بنيه سيئه يمكن مو قصده مثل مافكرتي
لاتزيدين التوتر اللي بينكم وحاولي تلطفين الجو
وعسى الله يهديييييييييييه ويسخره لك يااااااارب

 

[مفعمه بالحيويه]

انتي قلتي ها انج مب طايقته ومالج خلقه

تغييري خلج فرفوششششششششه

، اهتمي بكل جزء بجسمج اشتري ملابس نوم جديده

غيري الروتين ، لا تحنين عليه وتغيري للافضل عشان يرجع لطبيعته لج، ولا تحاولين تعرفين على شنو نااوي خلاص طااف

ششكله الريال وصل حده ، ان ضغطتي عليه بـينفجر وحزتهاا بيسوي الي فباله

فخلج ذكيه وغيري نفسج للاحسن ، اكيد كل بنت تعرف عيوبهاا ، تغيري ...

والله يسخره لج ياااااااااااااااارب + طمنينا عليج

 

[مفعمه بالحيويه]

وهذا رابط الرقيه الشرعيه الصوتيه


اسمعي هالرقيه كل يوم واقري سورة البقره

http://www.tvquran.com/rouqia.htm

من موقع القران كتبت لج رابط الرقيه الشرعيه

 

[خـورآفيــه]

الله يسخركم لبعض .. شغلي البقره بالبيت كل يوم نصيحه من ذهب

 

[سندريلا1234]

والله عورتي قلبي وحاسه فيج بس احتمال ان اللي حوله يضغطون عليه عشان يتخلى عنج وهو رافض عشان جذي هالتفكير باله ومتضايق مخير بينج وبين شي ارد اقولج احتمال مابي اضايقج بس اذا لج عداوه مع اهله مثلا حاولي تصلحين العلاقه عشان المره اذا كسبت اهل زوجها راح تكسب الزوج بسهوله ولاتنسين تقرين سوره البقره والله يهديه لج ويسخره لج اللهم امين وعليج بالاستغفار والحولقه الله يوفقج وان شاء الله الموضوع الثاني تكتبين فيه انه تغير للأحسن

 

[^دنياك_دنيااي^]

اب اب

 

[الملح زايد]

اذا ماتدرين اشفيه عطيه طاف مولازم اعرف كل شي
في نوعيه من الرياييل ما يحب يفضفض حق اي احد وبالذات زوجته
لاتنفسين عليه كلش وخلي الامور عاديه اهو بروحه يطخ

 

[جادل سبيع]

الله يشرح صدوركم واييسر اموركم وايسخركم لدينكم ولبعض ..
هدي اعصابك وتعوذي من ابليس وباذن الله مافيه الا الخير عادي الواحد ايمر بضغوط وغيره وتحملي وحاولي اتخففين عنه واتساعدينه وربك اييسرها من عنده..
بالتوفيق غلاتي..

 

[أعرفك نفسي]

انتي تقولين صايرلج فترة مالج خلقه واهو متغير
يعني اكيد حاس بتغييرج من ناحيته ومضايقه هالشي
ولما اهوا هددج معناته يبي يلفت نظرج عل الموضوع
عاد انتي الحين لازم يكون لج ردة فعل
لازم توصلين له انج فهمتني قصده مو بالكلام لأ
لازم تتغيرين وتردين مثل اول وتكسرين الروتين
فاجئيه بليلة حلوة ،، او طبخيله شي من ايدج ،، غيري بستايلج واهتمي فيه شوية ومن هالحركات
وانتي تعوذي من ابليس وشيلي هالافكار من راسج واهتمي بريلج هالمرة نبهج مرة ثانية ماتدرين شيسوي