مادري شسوي مع نفسي واايد افكر ليش واشمعني انا؟

[طيبه قلبي]

السلام عليكم ورحمه الله وبركاته حبايبي
انا عضوه جديده عندكم اعرفكم علي نفسي وايد طيبه
واحب الخير والضحك والغشمره بس كل مااحاول اصادق
مالقى صديقه تدوم معاي او اني حسبتي ضايعه بالصداقه
واخرها بنت عمي انصدمت فيها وبصداقتها واايد انجرحت
بس الحمدلله علي كل حال للحين اقول الدنيا بخير

 

[طيبه قلبي]

حبيت اضيف شغله

انا احب يكون عندي رفيحه بس اشلون
ماحصلت والا ودي لوتعرفني عدل
تستانس حتي كل مااحاول تلقي عندها رفيجه
ثانيه او تخلي العلاقه عاديه مو واايد قويه
فعلا انا محتاجه ومافي احد من اهلنا اوقرايبنا
يتواصل او عنده بنت كبري
عايشه بفراغ ماعندي احد اشوره باي موضوع محتاره فبه

 

[Tom ♥ Jerry]

,

هلا حبيبتي
الله يعطيج على قد نيتج ياررب :*

حياتي هاذي الدنيا فيها الزين و الشين
و الناس منهم الزين و منهم الي مآ يتعاشر
ياما عاشرنا ناس و انصدمنا :**
و الحياه سعيده و ماشيه فيهم و لا بلاهم :×



نصيحه لاتحطين كل همج تعيشين ويا شخص زين
الناس الزينة اتيي ويا الزمن :*
و شغلي وقتج باي شي ثاني تعلمي اي شي يديد
اشتركي دورات .. و لا يصير كل همج الناس

 

[جميلة الأطباع]

انتي نفسي الله يرزقج ويرزقني آميين

 

[امـ خــزامـى]

الله يرزقك

 

[مذهلة2013]

الله يعطيج على قد نيتج

 

[طيبه قلبي]

فديتكم يابنات والله ونستوني علي الاقل اشم ريحه بشر هههههه
قعدت شفت ردودكم استانست بس لاتلوموني انا انسانه والانسان
بدون ناس مايسوي لكن امي الحجيه تقول خلق الله ماوراها الا التعب
بس شسوي احب الرفاجه والله اللي مثل شعوري عندها قلب كبير
للدنيا وتشيل بلاويها يابعد جبدي كل وحده بردت علي قلبي

 

[بنت والنعم فيني]

أنا بعد حاولت اكون صداقات مع البنات بس فيني طبع مااحد الحش ولا اجيب سيرة احد بغيابه
علشان جذي كلما اتقرب من وحده تنفر مني لأن طبعي هادي وكلامي قليل
بالأخير خليت الكتاب صديقي دوم اكتب قصص واشعار ومليت الفراغ اللي فيني من هالناحية ولله الحمد
ومافي احلى انج تكونين سطحية مع الناس تفاديا للمشاكل والصدمات
والله يرزقج على نيتج يالطيبة