مادري شسوي معاه تعبت والله

[بنت القرين-85]

السلام عليكم

بدخل بالموضوع على طول انا وزوجي متهاوشين صار لنا أسبوعين والمشكله اهوا اللي غلطان اهوا اللي غلط علي واهاني وكدر خاطري وانا اللي حامل والمفروض اكون بنفسيه حلوه

المهم انا تعبت من هالحاله حتى مو مفكر يعتذر لي على اللي سواه شنو رايكم ارجع بيت اهلي ولا أظل ببيتي ساكته او أني اقعد معاه وأتكلم او أني انا اراضيه وانا اللي ماغلطت بحقه

محتاره واهوا حتى السلام مايسلم علي وكل واحد فينا بغرفه حتى احتياجاته الجنسيه صار يفرغها بروحه بس انا اسوي روحي ماادري

نفسيتي كل مالها تتحطم زياده

 

[قاهره عذالي]

رد : مادري شسوي معاه تعبت والله

ظلي ببيتج
احسن

وتكشخي وتسنعي واهتمي بنفسج
ومسيره الزعل يروح ويطخ

 

[روحي تحبه غصب]

عادي حبيبتي طبعهم واحد يغلطون ويزعلوووووونا ويبونا احنا اللي اراضيهم

لاتروحين بيت اهلج ولاتراضينه قعدي في بيتج واطلعي واستانس ولاتضايقين عمرج

وخليه ليمن يجي بروحه يراضيج صدقيني مهما يطول الزعل بيمل وبيجي يتلزق فيج ويتحرش

الله يسخرلج ريلج ويهدي ويهون عليج

 

[محسن ولدي]

حبيبتي نصيحه عن تجربه خليه وكشخي وغيري بغرفتج واقلبي شقتج كلها فريها غير النظام وانتي تكشخي وخلي نفسج عادي بينجن واهتمي بنفسج خلي الرجال رقم 2 بجياتج الاهم انتي لا تزعلين وتكدرين بالعكس اخذ فترة نقاهه اهتم بعمري اقرى كتاب اسوي شي احبه
والاهم والاهم والاهم الدعاء وسورة البقره والاصلاه
الله يفرج همج

 

[ام عفاف الكويت]

الزم ماعليج بيتج

واسمحيلي اقولج معلومه

الرياييل اغلبهم مايعرفون يعتذرون

دايم يحسبون اهما صح

قريت لفوفو انه وانتوا زعلانين لاتهملين نفسج وتتكدرين

واكشخي والبسي وادي واجبج تغدي معاه وتعشي

مارده بيحس شوي وماعليه بين الرجل والمره مافي كرامه

دزي مسج ان طلع فيه عتب على حب

ولاتنسين انتي حامل استانسي بكل لحظه فيها جنينج في بطنج

الله يهون عليج ويسخره لج

 

[صمــت_ALsHfaaH]

الله يعينج


بس نصيحه قهوره ولا اروع

لان روحت لبيت اهلج مو حل خليييييييييج فبيتج

 

[ام شووووق]

رد : مادري شسوي معاه تعبت والله

قعدي ببيتج معززة مكرمه وهالله هالله بالكشخه

 

[FeShinGoOo]

رد : مادري شسوي معاه تعبت والله

حبيبتي لاتروحين لبيت اهلج لان مردج بتردين بيتج ..

خلج قاعده بكرامتج ولاتردينله ذليله ..

اهو لو يبي يعتذر او وده يكسر الشر عالاقل يسلم ..

انا اقول اذا السالفه جايده كلميه وواجهيه .. واذا سالفه هينه طوفيله ..

حبيبتي كل انسان يغلط والمشاكل اتصير بكل بيت .. مافي زوجين مايتزاعلون ومافي انسان مايغلط ومايمر بلحظه ضعف ..

ماقدر انصحج باكثر من جذي لاني مادري شسالفه انتي الي تقدرين اتقدرينها احنا مانعرف التفاصيل ولا الظروف الي تمرون فيها

 

[franshiska]

رد : مادري شسوي معاه تعبت والله

لااااااااااا تروحين بيتج
راح تكبر المشكلة
قعدي في بيتج
وكلميه عادي مو لازم الاعتذار حبيبتي
طوفيله واحتسبي الاجر عند ربج

 

[بنت القرين-85]

مشكورين ع المرور كلكم

والله أني تعبانه فوق ماتتخيلون والمشكله فوق غلطه مكبر راسه

 

[Queenleo]

رد : مادري شسوي معاه تعبت والله

حبيبتي اذا تبين نتكلم بهالموضوع من ناحية الدين مايجوز شرعا تطلعين من بيت ريلج
في قصه وايد سمعتها عن احد الصالحين : " إني لأجد أثر معصيتي في خلق دابتي وزوجتي ".
فكثري من الاستغفار وتعوذي من ابليس وخلج قاعده ابيت ريلج مو عشانه لا خلي نيتج انج ترضين ربج وماتبين تعصينه
بس اهمممم شيء الاستغفار صدقني اقوى سلاح استغفري كل يوم وادعي ربج يسخره لج وصدقيييني ان ريلج رااح يرجعلج ويطيح الحطب بينكم